ਨੂਰਦਗੀ (ਏਜੰਸੀ): ਭਾਰਤ ਦੇ 2 ਸਨਿਫਰ ਡੌਗਜ਼ ਦੀ ਦੇਸ਼ ਦੇ ਨਾਲ-ਨਾਲ ਵਿਦੇਸ਼ ਵਿੱਚ ਵੀ ਕਾਫ਼ੀ ਤਾਰੀਫ਼ ਹੋ ਰਹੀ ਹੈ। ਮਸ਼ੀਨਾਂ ਨੇ ਜਿੱਥੇ ਜਵਾਬ ਦੇ ਦਿੱਤਾ, ਉੱਥੇ ਭਾਰਤ ਦੇ 2 ਸਨਿਫਰ ਡੌਗਜ਼ ਰੋਮੀਓ ਅਤੇ ਜੂਲੀ ਨੇ ਕਮਾਲ ਕਰ ਦਿੱਤਾ। ਰੋਮੀਓ ਅਤੇ ਜੂਲੀ ਤੁਰਕੀ ਵਿੱਚ ਆਏ ਭੂਚਾਲ ਵਿੱਚ NDRF ਟੀਮ ਨਾਲ ਬਚਾਅ ਕਾਰਜਾਂ ਵਿੱਚ ਲੱਗੇ ਹੋਏ ਹਨ। ਸਨਿਫਰ ਡੌਗਜ਼ ਰੋਮੀਓ ਅਤੇ ਜੂਲੀ ਨੇ ਟਨਾਂ ਦੇ ਮਲਬੇ ਹੇਠ ਬੱਚੀ ਦੇ ਠਿਕਾਣੇ ਦਾ ਪਤਾ ਲਗਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ। ਉਨ੍ਹਾਂ ਦੀ ਮਦਦ ਤੋਂ ਬਿਨਾਂ ਛੋਟੀ ਬੱਚੀ ਬਚ ਨਹੀਂ ਸਕਦੀ ਸੀ। NDRF ਇਸ ਸਮੇਂ 6 ਫਰਵਰੀ ਨੂੰ ਆਏ ਭੂਚਾਲ ਨਾਲ ਬੁਰੀ ਤਰ੍ਹਾਂ ਪ੍ਰਭਾਵਿਤ ਨੂਰਦਗੀ ਅਤੇ ਤੁਰਕੀ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਤਬਾਹੀ ਵਾਲੀ ਥਾਂ 'ਤੇ ਮਲਬੇ ਵਿਚ ਜਾਨਾਂ ਬਚਾਉਣ ਅਤੇ ਜਿਊਂਦੇ ਲੋਕਾਂ ਨੂੰ ਲੱਭਣ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਿਹਾ ਹੈ। ਡੌਗ ਹੈਂਡਲਰ ਕਾਂਸਟੇਬਲ ਕੁੰਦਨ ਨੇ ਦੱਸਿਆ ਕਿ ਕਿਵੇਂ ਜੂਲੀ ਨੇ ਨੂਰਦਗੀ ਸਾਈਟ 'ਤੇ ਸਭ ਤੋਂ ਪਹਿਲਾਂ ਜ਼ਿੰਦਾ ਛੋਟੀ ਬੱਚੀ, ਜਿਸ ਦੀ ਪਛਾਣ ਬੇਰੇਨ ਵਜੋਂ ਕੀਤੀ ਗਈ ਹੈ, ਨੂੰ ਲੱਭਿਆ।
ਇਹ ਵੀ ਪੜ੍ਹੋ: ਮਲਬੇ 'ਚ ਦੱਬੀ ਮਾਂ ਦੀ ਮਦਦ ਨਾ ਮਿਲਣ ਕਾਰਨ ਮੌਤ, ਪੁੱਤਰ ਨੇ ਰਾਸ਼ਟਰਪਤੀ ਨੂੰ ਪੁੱਛਿਆ- ਤੁਹਾਡੀ ਆਪਣੀ ਮਾਂ ਹੁੰਦੀ ਤਾਂ?
ਉਸ ਨੇ ਏ.ਐੱਨ.ਆਈ. ਨੂੰ ਦੱਸਿਆ ਕਿ ਸਾਨੂੰ ਸਾਡੀ ਸਰਕਾਰ ਵੱਲੋਂ ਇੱਥੇ ਨੂਰਦਗੀ ਵਿੱਚ ਖੋਜ ਅਤੇ ਬਚਾਅ ਕਾਰਜਾਂ ਨੂੰ ਸੁਵਿਧਾਜਨਕ ਬਣਾਉਣ ਲਈ ਕਿਹਾ ਗਿਆ ਸੀ ਅਤੇ ਸਾਡੇ ਕੋਲ ਮਲਬੇ ਵਿੱਚ ਫਸੇ ਇੱਕ ਬਚੇ ਹੋਏ ਵਿਅਕਤੀ ਬਾਰੇ ਸੁਰਾਗ ਸੀ। ਅਸੀਂ ਜੂਲੀ ਨੂੰ ਮਲਬੇ ਦੇ ਅੰਦਰ ਜਾਣ ਲਈ ਕਿਹਾ। ਉਹ ਅੰਦਰ ਗਈ ਅਤੇ ਭੌਂਕਣ ਲੱਗੀ, ਜੋ ਕਿ ਇੱਕ ਸੰਕੇਤ ਸੀ ਕਿ ਉਸਨੇ ਹੇਠਾਂ ਫਸੇ ਇੱਕ ਬਚੇ ਹੋਏ ਜ਼ਿੰਦਾ ਵਿਅਕਤੀ ਦਾ ਪਤਾ ਲਗਾਇਆ ਹੈ, ਜਿਸ ਤੋਂ ਬਾਅਦ ਰੋਮੀਓ (ਮਰਦ ਲੈਬਰਾਡੋਰ) ਨੂੰ ਮਲਬੇ ਵਿੱਚ ਭੇਜਿਆ ਹੈ ਅਤੇ ਉਸਨੇ ਵੀ ਭੌਂਕ ਕੇ ਪੁਸ਼ਟੀ ਕੀਤੀ ਕਿ ਅਸਲ ਵਿੱਚ ਕੋਈ ਵਿਅਕਤੀ ਮਲਬੇ ਹੇਠ ਜ਼ਿੰਦਾ ਸੀ। ਹਾਲਾਂਕਿ, ਉਸ ਸਮੇਂ ਜੀਵਿਤ ਵਿਅਕਤੀ ਦੀ ਸਥਿਤੀ ਅਤੇ ਉਮਰ ਬਾਰੇ ਕੋਈ ਨਹੀਂ ਜਾਣਦਾ ਸੀ। ਕਈ ਘੰਟਿਆਂ ਦੇ ਬਚਾਅ ਕਾਰਜ ਤੋਂ ਬਾਅਦ NDRF ਦੇ ਜਵਾਨ 6 ਸਾਲਾ ਬੇਰੇਨ ਨਾਂ ਦੀ ਬੱਚੀ ਦੀ ਜਾਨ ਬਚਾਉਣ 'ਚ ਸਫ਼ਲ ਰਹੇ।
ਇਹ ਵੀ ਪੜ੍ਹੋ: ਪੰਜਾਬ ’ਚ 11 ਮਹੀਨਿਆਂ ’ਚ 38175 ਕਰੋੜ ਰੁਪਏ ਦਾ ਆਇਆ ਨਿਵੇਸ਼ : ਮੁੱਖ ਮੰਤਰੀ
ਨੂਰਦਗੀ ਸਾਈਟ 'ਤੇ ਇੱਕ 6 ਮੰਜ਼ਿਲਾ ਇਮਾਰਤ ਢਹਿ ਗਈ ਅਤੇ ਮਲਬੇ ਵਿੱਚ ਬਦਲ ਗਈ , ਜਿੱਥੇ NDRF ਖੋਜ ਅਤੇ ਬਚਾਅ ਕਾਰਜ ਚਲਾ ਰਿਹਾ ਹੈ। ਸਥਾਨਕ ਲੋਕਾਂ ਨੇ ਮਲਬੇ ਦੇ ਅੰਦਰ ਬਚੇ ਹੋਏ ਪੀੜਤਾਂ ਬਾਰੇ NDRF ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਜੂਲੀ ਅਤੇ ਰੋਮੀਓ ਨੂੰ ਬਚੇ ਹੋਏ ਪੀੜਤਾਂ ਨੂੰ ਲੱਭਣ ਦਾ ਕੰਮ ਸੌਂਪਿਆ ਗਿਆ ਅਤੇ ਉਹ ਸਫ਼ਲ ਹੋਏ। ਦੱਸ ਦੇਈਏ ਕਿ ਭੂਚਾਲ ਦੇ ਜ਼ਬਰਦਸਤ ਝਟਕਿਆਂ ਕਾਰਨ ਹੁਣ ਤੱਕ 34,000 ਤੋਂ ਵੱਧ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ ਅਤੇ 8 ਦਿਨਾਂ ਬਾਅਦ ਵੀ ਖੋਜ ਅਤੇ ਬਚਾਅ ਕਾਰਜ ਜਾਰੀ ਹੈ।
ਇਹ ਵੀ ਪੜ੍ਹੋ: ਰੂਸ ਛੱਡ ਅਰਜਨਟੀਨਾ ਪੁੱਜੀਆਂ 5000 ਤੋਂ ਵੱਧ ਗਰਭਵਤੀ ਔਰਤਾਂ, ਇਸ ਕਾਰਨ ਚੁੱਕਿਆ ਇਹ ਕਦਮ
ਬਿਹਾਰ ਦੇ CM ਨਿਤੀਸ਼ ਕੁਮਾਰ 'ਤੇ ਸੁੱਟੀ ਗਈ ਕੁਰਸੀ, ਵਾਲ-ਵਾਲ ਬਚੇ
NEXT STORY 
