ਭੋਪਾਲ- ਮੱਧ ਪ੍ਰਦੇਸ਼ ਦੇ ਮੰਤਰੀਆਂ ਨੇ ਰਤਲਾਮ ਦੇ ਸਰਕਾਰੀ 'ਸੀਐੱਮ ਰਾਈਜ਼ ਵਿਨੋਬਾ ਸਕੂਲ' ਦੀ ਤਾਰੀਫ ਕੀਤੀ ਹੈ, ਜੋ 'ਵਰਲਡ ਬੈਸਟ ਸਕੂਲ ਐਵਾਰਡ-2024' ਦੇ ਫਾਈਨਲ 'ਚ ਥਾਂ ਬਣਾਉਣ ਵਾਲੇ ਤਿੰਨ ਸਕੂਲਾਂ 'ਚ ਸ਼ਾਮਲ ਹੈ। ‘ਸੀਐੱਮ ਰਾਈਜ਼ ਵਿਨੋਬਾ ਸਕੂਲ’ ਨੇ ਇਨੋਵੇਸ਼ਨ ਸ਼੍ਰੇਣੀ ਦੇ ਫਾਈਨਲ ਵਿਚ ਥਾਂ ਬਣਾਈ ਹੈ। ਇਕ ਅਧਿਕਾਰੀ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਰਤਲਾਮ ਦਾ ਸਕੂਲ ਲੰਡਨ ਸਥਿਤ 'ਟੀ4 ਐਜੂਕੇਸ਼ਨ' ਵਲੋਂ ਸਥਾਪਿਤ ਇਸ ਪੁਰਸਕਾਰ ਦੀ ਦੌੜ 'ਚ ਹੈ।
ਮੱਧ ਪ੍ਰਦੇਸ਼ ਸਰਕਾਰ ਨੇ ਉੱਚ ਗੁਣਵੱਤਾ ਅਤੇ ਸੰਪੂਰਨ ਸਿੱਖਿਆ ਪ੍ਰਦਾਨ ਕਰਨ ਲਈ ਸੂਬੇ ਵਿਚ 'ਸੀਐੱਮ ਰਾਈਜ਼ ਸਕੂਲ' ਸਥਾਪਤ ਕੀਤੇ ਹਨ। ਮੱਧ ਪ੍ਰਦੇਸ਼ ਦੇ ਸਕੂਲ ਸਿੱਖਿਆ ਮੰਤਰੀ ਉਦੈ ਪ੍ਰਤਾਪ ਸਿੰਘ ਨੇ ਸਕੂਲ ਦੀ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਕੂਲ ਮੱਧ ਪ੍ਰਦੇਸ਼ ਸਰਕਾਰ ਦੀ ਇਕ ਦੂਰਅੰਦੇਸ਼ੀ ਪਹਿਲਕਦਮੀ ਹੈ, ਜਿਸਦਾ ਉਦੇਸ਼ "ਸਾਡੇ ਸਕੂਲਾਂ ਨੂੰ ਉੱਤਮਤਾ ਦੇ ਵਿਸ਼ਵ ਕੇਂਦਰਾਂ ਵਿਚ ਬਦਲਣਾ" ਹੈ। ਮੰਤਰੀ ਨੇ ਕਿਹਾ ਕਿ ਇਸ ਦਾ ਉਦੇਸ਼ ਅਜਿਹੇ ਸਕੂਲਾਂ ਨੂੰ ਬਣਾਉਣਾ ਹੈ ਜੋ ਨਵੀਨਤਾਕਾਰੀ ਅਭਿਆਸਾਂ ਅਤੇ ਮਜ਼ਬੂਤ ਭਾਈਚਾਰੇ ਦੀ ਭਾਗੀਦਾਰੀ ਰਾਹੀਂ ਉੱਚ ਗੁਣਵੱਤਾ ਵਾਲੀ ਸਿੱਖਿਆ ਪ੍ਰਦਾਨ ਕਰਦੇ ਹਨ।
ਸਿੰਘ ਨੇ ਬੱਚਿਆਂ ਨੂੰ ਆਉਣ ਵਾਲੀਆਂ ਚੁਣੌਤੀਆਂ ਲਈ ਤਿਆਰ ਕਰਨ ਲਈ 21ਵੀਂ ਸਦੀ ਦੇ ਹੁਨਰ ਨਾਲ ਲੈਸ ਕਰਨ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ ਅਤੇ ਕਿਹਾ ਕਿ ਇਹ ਪ੍ਰਾਪਤੀਆਂ ਅਧਿਆਪਕਾਂ, ਵਿਦਿਆਰਥੀਆਂ ਅਤੇ ਸਮੁੱਚੇ ਭਾਈਚਾਰੇ ਦੇ ਸ਼ਾਨਦਾਰ ਸਮਰਪਣ ਅਤੇ ਯਤਨਾਂ ਦਾ ਪ੍ਰਮਾਣ ਹਨ। ਉਨ੍ਹਾਂ ਭਰੋਸਾ ਪ੍ਰਗਟਾਇਆ ਕਿ ਰਤਲਾਮ ਦਾ ਇਹ ਸਕੂਲ ਜਲਦੀ ਹੀ ਵਿਸ਼ਵ ਦੇ ਚੋਟੀ ਦੇ ਸਕੂਲਾਂ ਵਿੱਚ ਸ਼ਾਮਲ ਹੋਵੇਗਾ। ਦੱਸ ਦੇਈਏ ਕਿ ਰਤਲਾਮ ਦੇ ਅੰਬੇਡਕਰ ਨਗਰ ਦੀਆਂ ਸ਼ਹਿਰੀ ਝੁੱਗੀਆਂ ਵਿਚ 1991 ਵਿਚ ਸਥਾਪਿਤ ਕੀਤਾ ਗਿਆ ਸਕੂਲ ਹੁਣ ਸੀਐਮ ਰਾਈਜ਼ ਸਕੂਲ ਵਿਚ ਅਪਗ੍ਰੇਡ ਕੀਤਾ ਗਿਆ ਹੈ। ਸ਼ੁਰੂਆਤੀ ਦਿਨਾਂ ਵਿਚ ਘੱਟ ਦਾਖਲੇ ਅਤੇ ਮਾੜੀ ਹਾਜ਼ਰੀ ਵਰਗੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ।
ਸਕੂਲ 'ਚ ਆ ਗਿਆ ਪਾਣੀ, ਅਧਿਆਪਕਾਂ ਨੇ ਹਾਈਵੇਅ 'ਤੇ ਬੈਠ ਲਗਾਈ Online ਹਾਜ਼ਰੀ
NEXT STORY 
