ਨਵੀਂ ਦਿੱਲੀ: ਸੀਨੀਅਰ ਟੀ. ਵੀ. ਪੱਤਰਕਾਰ ਤੇ ਫਿਲਮਕਾਰ ਵਿਨੋਦ ਕਾਪੜੀ ਨੇ ਇਕ ਅਜਿਹਾ ਕੰਮ ਕਰ ਕੇ ਦਿਖਾਇਆ ਹੈ, ਜਿਸ ਦੀ ਕਲਪਨਾ ਸ਼ਾਇਦ ਹੀ ਕੋਈ ਕਰ ਸਕਦਾ ਸੀ। ਟੀ. ਵੀ. ਪੱਤਰਕਾਰ ਨੇ ਕੂੜੇ ਦੇ ਢੇਰ 'ਚੋਂ ਮਿਲੀ ਇਕ ਨਵ-ਜਨਮੀ ਬੱਚੀ ਨੂੰ ਨਾ ਸਿਰਫ ਜ਼ਿੰਦਗੀ ਦਿੱਤੀ, ਸਗੋਂ ਉਸ ਨੂੰ ਅਪਣਾਉਣ ਦਾ ਵੀ ਫੈਸਲਾ ਕੀਤਾ ਹੈ। ਉਸ ਨੇ ਇਕ ਟਵੀਟ ਰਾਹੀਂ ਇਸ ਦਾ ਐਲਾਨ ਕੀਤਾ ਹੈ। ਉਸ ਦੇ ਇਸ ਫੈਸਲੇ ਦੀ ਸੋਸ਼ਲ ਮੀਡੀਆ 'ਤੇ ਤਾਰੀਫ ਹੋ ਰਹੀ ਹੈ। ਕਾਪੜੀ ਨੇ ਬੱਚੀ ਦਾ ਇਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ। ਉਸ ਨੇ ਮਾਸੂਮ ਨੂੰ 'ਪੀਹੂ' ਨਾਮ ਦਿੱਤਾ ਹੈ। ਵੀਡੀਓ ਨਾਲ ਕੈਪਸ਼ਨ 'ਚ ਉਸ ਨੇ ਲਿਖਿਆ ਹੈ ਕਿ ਮੈਨੂੰ ਨਹੀਂ ਲੱਗਦਾ ਕਿ 14 ਜੂਨ ਤੋਂ ਵੱਡਾ ਦਿਨ ਜ਼ਿੰਦਗੀ 'ਚ ਕਦੇ ਆਇਆ ਹੈ ਜਾਂ ਕਦੇ ਆਏਗਾ।
ਜਦੋਂ ਸਿਰਫ ਇਹ ਅਹਿਸਾਸ ਭਰ ਹੈ ਕਿ ਘਰ 'ਚ ਇਹ ਪਿਆਰੀ ਬੱਚੀ ਆਉਣ ਵਾਲੀ ਹੈ। ਸਾਨੂੰ ਅਹਿਸਾਸ ਹੈ ਕਿ ਦੇਸ਼ 'ਚ ਗੋਦ ਲੈਣ ਦੀ ਪ੍ਰਕਿਰਿਆ ਮੁਸ਼ਕਲ ਤੇ ਲੰਬੀ ਹੈ ਪਰ ਉਮੀਦ ਹੈ ਕਿ ਤੁਹਾਡੀਆਂ ਦੁਆਵਾਂ ਤੇ ਪਿਆਰ ਹਰ ਮੁਸ਼ਕਲ ਨੂੰ ਪਾਰ ਕਰੇਗਾ ਤੇ ਇਹ ਬੇਟੀ ਘਰ ਆਏਗੀ। ਉਨ੍ਹਾਂ ਦੇ ਟਵੀਟ 'ਤੇ ਕਈ ਯੂਜ਼ਰਸ ਨੇ ਕੁਮੈਂਟ ਕਰ ਕੇ ਵੱਖ-ਵੱਖ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ।
ਆਪ੍ਰੇਸ਼ਨ ਆਲ ਆਊਟ 'ਚ ਵਰਤੀ ਜਾਵੇ ਨਰਮੀ : ਅਕਬਰ ਲੋਨ
NEXT STORY 
