ਨਵੀਂ ਦਿੱਲੀ (ਭਾਸ਼ਾ)- ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਤਿੰਨੋਂ ਸੈਨਾਵਾਂ 'ਚ ਭਰਤੀ ਕੀਤੀ ਨਵੀਂ 'ਅਗਨੀਪਥ' ਯੋਜਨਾ ਨੂੰ ਲੈ ਕੇ ਸ਼ੁੱਕਰਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਵਿੰਨ੍ਹਿਆ ਅਤੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੂੰ ਆਪਣੇ 'ਦੋਸਤਾਂ' ਦੀ ਆਵਾਜ਼ ਤੋਂ ਇਲਾਵਾ ਕੁਝ ਸੁਣਾਈ ਨਹੀਂ ਦਿੰਦਾ। ਉੱਥੇ ਹੀ ਪਾਰਟੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਮੰਗ ਕੀਤੀ ਕਿ ਇਸ ਯੋਜਨਾ ਨੂੰ ਤੁਰੰਤ ਵਾਪਸ ਲਿਆਇਆ ਜਾਣਾ ਚਾਹੀਦਾ। ਰਾਹੁਲ ਗਾਂਧੀ ਨੇ ਟਵੀਟ ਕੀਤਾ,''ਅਗਨੀਪਥ- ਨੌਜਵਾਨਾਂ ਨੇ ਨਕਾਰਿਆ, ਖੇਤੀ ਕਾਨੂੰਨ- ਕਿਸਾਨਾਂ ਨੇ ਨਕਾਰਿਆ, ਨੋਟਬੰਦੀ- ਅਰਥਸ਼ਾਸਤਰੀਆਂ ਨੇ ਨਕਾਰੀ, ਜੀ.ਐੱਸ.ਟੀ.- ਵਪਾਰੀਆਂ ਨੇ ਨਕਾਰੀ। ਦੇਸ਼ ਦੀ ਜਨਤਾ ਕੀ ਚਾਹੁੰਦੀ ਹੈ, ਇਹ ਗੱਲ ਪ੍ਰਧਾਨ ਮੰਤਰੀ ਨਹੀਂ ਸਮਝਦੇ, ਕਿਉਂਕਿ ਉਨ੍ਹਾਂ ਨੂੰ ਆਪਣੇ 'ਦੋਸਤਾਂ' ਦੀ ਆਵਾਜ਼ ਤੋਂ ਇਲਾਵਾ ਕੁਝ ਸੁਣਾਈ ਨਹੀਂ ਦਿੰਦਾ।
ਕਾਂਗਰਸ ਨੇਤਾ ਨੇ ਪ੍ਰਿਯੰਕਾ ਗਾਂਧੀ ਨੇ ਟਵੀਟ ਕੀਤਾ,''24 ਘੰਟੇ ਵੀ ਨਹੀਂ ਬੀਤੇ ਕਿ ਭਾਜਪਾ ਸਰਕਾਰ ਨੂੰ ਨਵੀਂ ਆਰਮੀ ਭਰਤੀ ਦਾ ਨਿਯਮ ਬਦਲਣਾ ਪਿਆ। ਮਤਲਬ, ਯੋਜਨਾ ਜਲਦਬਾਜ਼ੀ 'ਚ ਨੌਜਵਾਨਾਂ 'ਤੇ ਥੋਪੀ ਜਾ ਰਹੀ ਹੈ।'' ਉਨ੍ਹਾਂ ਕਿਹਾ,''ਨਰਿੰਦਰ ਮੋਦੀ ਜੀ, ਇਸ ਯੋਜਨਾ ਨੂੰ ਤੁਰੰਤ ਵਾਪਸ ਲਵੋ, ਹਵਾਈ ਫ਼ੌਜ ਦੀਆਂ ਰੁਕੀਆਂ ਭਰਤੀਆਂ 'ਚ ਨਿਯੁਕਤੀ ਅਤੇ ਨਤੀਜੇ ਦਿਓ। ਫ਼ੌਜ ਭਰਤੀ ਨੂੰ (ਉਮਰ 'ਚ ਛੋਟ ਦੇ ਕੇ) ਪਹਿਲੇ ਦੀ ਤਰ੍ਹਾਂ ਕਰੋ।'' ਦੱਸਣਯੋਗ ਹੈ ਕਿ ਸਰਕਾਰ ਨੇ ਦਹਾਕਿਆਂ ਪੁਰਾਣੀ ਰੱਖਿਆ ਭਰਤੀ ਪ੍ਰਕਿਰਿਆ 'ਚ ਪਰਿਵਰਤਨ ਕਰਦੇ ਹੋਏ ਤਿੰਨੋਂ ਸੈਨਾਵਾਂ 'ਚ ਫ਼ੌਜੀਆਂ ਦੀ ਭਰਤੀ ਸੰਬੰਧੀ 'ਅਗਨੀਪਥ' ਯੋਜਨਾ ਦੀ ਮੰਗਲਵਾਰ ਨੂੰ ਐਲਾਨ ਕੀਤਾ ਸੀ, ਜਿਸ ਦੇ ਅਧੀਨ ਫ਼ੌਜੀਆਂ ਦੀ ਭਰਤੀ 4 ਸਾਲ ਦੀ ਮਿਆਦ ਲਈ ਸੰਵਿਦਾ ਆਧਾਰ 'ਤੇ ਕੀਤੀ ਜਾਵੇਗੀ।
ਰਾਜਸਥਾਨ ਵਿਧਾਨ ਸਭਾ ਦੇ ਵਫ਼ਦ ਨਾਲ ਆਸਟ੍ਰੇਲੀਆ ਦੌਰੇ 'ਤੇ ਜਾਣਗੇ ਵਿਧਾਇਕ ਜਾਂਗਿੜ
NEXT STORY 
