ਵੈੱਬ ਡੈਸਕ- ਬਾਲੀਵੁੱਡ ਅਦਾਕਾਰਾ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਸ਼ਿਮਲਾ ਨਾਲ ਸੰਬੰਧ ਰੱਖਣ ਵਾਲੀ ਪ੍ਰੀਤੀ ਜ਼ਿੰਟਾ ਨੇ ਆਪਣੇ ਗ੍ਰਹਿ ਰਾਜ 'ਚ ਆਈ ਆਫਤ ਤੋਂ ਬਾਅਦ ਮਦਦ ਦਾ ਹੱਥ ਵਧਾਇਆ ਹੈ। ਉਨ੍ਹਾਂ ਨੇ ਆਪਣੀ ਆਈ.ਪੀ.ਐੱਲ. ਟੀਮ, ਪੰਜਾਬ ਕਿੰਗਸ ਵਲੋਂ 30 ਲੱਖ ਰੁਪਏ ਦੀ ਆਰਥਿਕ ਮਦਦ ਦਿੱਤੀ ਹੈ। ਇਹ ਰਾਸ਼ੀ ਮੰਡੀ ਅਤੇ ਕੁੱਲੂ ਜ਼ਿਲ੍ਹਿਆਂ 'ਚ ਹੋਏ ਭਾਰੀ ਨੁਕਸਾਨ ਤੋਂ ਬਾਅਦ ਚੱਲ ਰਹੇ ਰਾਹਤ ਕੰਮਾਂ ਲਈ ਜਾਰੀ ਕੀਤੀ ਗਈ ਹੈ। ਉਨ੍ਹਾਂ ਨੇ ਇਹ ਮਦਦ ਰਾਸ਼ੀ ਸ਼ਿਮਲਾ ਦੇ ਸਰਬਜੀਤ ਸਿੰਘ ਬੌਬੀ ਦੀ ਸੰਸਥਾ ਨੂੰ ਸੌਂਪੀ ਹੈ। ਸਰਬਜੀਤ ਸਿੰਘ ਬੌਬੀ ਨੇ ਇਸ ਸਹਿਯੋਗ ਲਈ ਪ੍ਰੀਤੀ ਜ਼ਿੰਟਾ ਦਾ ਧੰਨਵਾਦ ਕੀਤਾ ਹੈ। ਉਨ੍ਹਾਂ ਕਿਹਾ,''ਮੈਂ ਭੈਣ ਪ੍ਰੀਤੀ ਜ਼ਿੰਟਾ ਨੇ ਮੰਡੀ ਅਤੇ ਕੁੱਲੂ 'ਚ ਰਾਹਤ ਕੰਮਾਂ ਲਈ ਸਾਨੂੰ 30 ਲੱਖ ਰੁਪਏ ਦਾ ਯੋਗਦਾਨ ਦਿੱਤਾ ਹੈ। ਉਨ੍ਹਾਂ ਦੀ ਟੀਮ ਪੰਜਾਬ ਕਿੰਗਸ ਵੱਲੋਂ ਦਿੱਤੀ ਗਈ ਇਸ ਮਦਦ ਲਈ ਅਸੀਂ ਉਨ੍ਹਾਂ ਦਾ ਧੰਨਵਾਦ ਕਰਦੇ ਹਾਂ।''
ਸਰਬਜੀਤ ਬੌਬੀ ਨੇ ਇਹ ਵੀ ਦੱਸਇਆ ਕਿ ਕੁੱਲੂ ਜ਼ਿਲ੍ਹੇ ਦੇ ਆਫ਼ਤ ਪ੍ਰਭਾਵਿਤ ਪਿੰਡਾਂ ਨੂੰ ਅਜੇ ਵੀ ਸਭ ਤੋਂ ਜ਼ਿਆਦਾ ਮਦਦ ਦੀ ਲੋੜ ਹੈ। ਉਨ੍ਹਾਂ ਕਿਹਾ,''ਅਸੀਂ ਪਹਿਲਾਂ ਤੋਂ ਹੀ ਮੰਡੀ ਦੇ ਸਰਾਜ ਖੇਤਰ 'ਚ ਪੂਰੀ ਲਗਨ ਨਾਲ ਕੰਮ ਕਰ ਰਹੇ ਹਾਂ ਅਤੇ ਅੱਗੇ ਵੀ ਕਰਦੇ ਰਹਾਂਗੇ। ਹੁਣ ਸਾਡਾ ਮੁੱਖ ਧਿਆਨ ਕੁੱਲੂ ਜ਼ਿਲ੍ਹੇ, ਖ਼ਾਸ ਕਰ ਕੇ ਬੰਜਾਰ ਅਤੇ ਸੈਂਜ ਵਰਗੇ ਹੋਰ ਪ੍ਰਭਾਵਿਤ ਖੇਤਰਾਂ 'ਤੇ ਹੈ, ਜਿੱਥੇ ਲੋਕ ਅਜੇ ਵੀ ਮਦਦ ਦਾ ਇੰਤਜ਼ਾਰ ਕਰ ਰਹੇ ਹਨ।'' ਕੁੱਲੂ ਜ਼ਿਲ੍ਹੇ 'ਚ ਕੁੱਲ 69 ਤੋਂ ਜ਼ਿਆਦਾ ਪਿੰਡ ਇਸ ਕੁਦਰਤੀ ਆਫ਼ਤ ਨਾਲ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਏ ਹਨ। ਕਈ ਪਿੰਡ ਤਾਂ ਪੂਰੀ ਤਰ੍ਹਾਂ ਨਾਲ ਤਬਾਹ ਹੋ ਗਏ ਹਨ, ਜਿੱਥੇ ਤੱਕ ਮਦਦ ਪਹੁੰਚਾਉਣਾ ਵੀ ਮੁਸ਼ਕਲ ਹੋ ਰਿਹਾ ਹੈ। ਮਾਤਲਾ ਪਿੰਡ 'ਚ ਇਕ ਕਿਲੋਮੀਟਰ ਤੋਂ ਜ਼ਿਆਦਾ ਲੰਬੀ ਤਰੇੜ ਪੈ ਚੁੱਕੀ ਹੈ ਅਤੇ ਪਿੰਡ ਦੀਆਂ ਸੜਕਾਂ ਵੀ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਅਹਿਮਦਾਬਾਦ ਜਹਾਜ਼ ਹਾਦਸੇ 'ਤੇ ਸੁਪਰੀਮ ਕੋਰਟ ਦਾ ਫ਼ੈਸਲਾ: ਪਾਇਲਟ ਨੂੰ ਜ਼ਿੰਮੇਵਾਰ ਠਹਿਰਾਉਣਾ ਮੰਦਭਾਗਾ
NEXT STORY 
