ਨੈਸ਼ਨਲ ਡੈਸਕ- ਇਕ ਸਾਲ ਜਨਵਰੀ ਤੋਂ ਲੈ ਕੇ ਨਵੰਬਰ ਤੱਕ ਭਾਰਤ 'ਚ ਕੁੱਲ 1,022 ਨਿੱਜੀ ਇਕੁਇਟੀ (ਪੀਈ) ਸੌਦਿਆਂ (ਡੀਲਜ਼) ਦੇ ਅਧੀਨ 30.89 ਅਰਬ ਡਾਲਰ ਦਾ ਨਿਵੇਸ਼ ਹੋਇਆ ਹੈ। ਸਾਲ 2023 ਦੀ ਸਮਾਨ ਮਿਆਦ 'ਚ 863 ਸੌਦਿਆਂ ਦੇ ਅਧੀਨ 25.17 ਅਰਬ ਡਾਲਰ ਦਾ ਨਿਵੇਸ਼ ਹੋਇਆ ਸੀ। ਇਸ ਤਰ੍ਹਾਂ, ਇਸ ਸਾਲ ਨਿੱਜੀ ਇਕੁਇਟੀ ਨਿਵੇਸ਼ 'ਚ 22.7 ਫੀਸਦੀ ਅਤੇ ਸੌਦਿਆਂ ਦੀ ਕੁੱਲ ਗਿਣਤੀ 'ਚ 18.4 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ। ਇਸ ਮਿਆਦ ਦੌਰਾਨ ਵੱਡੇ ਸੌਦਿਆਂ 'ਚ 1.5 ਅਰਬ ਡਾਲਰ ਦਾ ਵਾਲਟਨ ਸਟ੍ਰੀਟ ਇੰਡੀਆ ਇਨਵੈਸਟਮੈਂਟ ਐਡਵਾਈਜ਼ਰਜ਼ ਅਤੇ 1.35 ਅਰਬ ਡਾਲਰ ਦਾ ਕਿਰਾਨਾਕਾਰਟ ਤਕਨਾਲੋਜੀਜ਼ ਦਾ ਨਿਵੇਸ਼ ਸ਼ਾਮਲ ਹੈ। ਜਾਣਕਾਰਾਂ ਅਨੁਸਾਰ, ਇਸ ਸਾਲ ਸੌਦਿਆਂ 'ਚ ਉਛਾਲ ਦਰਜ ਕੀਤਾ ਗਿਆ ਹੈ, ਜਦੋਂ ਕਿ ਉਦਯੋਗ ਦੇ ਨਿਕਾਸ ਲਈ ਜਨਤਕ ਮੁੱਦਿਆਂ ਦਾ ਸਹਾਰਾ ਲਿਆ।
ਗਾਜਾ ਕੈਪਿਟਲ ਦੇ ਮੈਨੇਜਿੰਗ ਪਾਰਟਨਰ ਗੋਪਾਲ ਜੈਨ ਨੇ ਕਿਹਾ,''ਇਹ ਅਜਿਹਾ ਸਾਲ ਹੈ, ਜਿਸ 'ਚ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ਾਂ (ਆਈਪੀਓ) ਰਾਹੀਂ ਨਿਵੇਸ਼ ਸਮੇਟਣਾ ਸੁਰਖੀਆਂ 'ਚ ਰਿਹਾ ਹੈ।'' ਉਨ੍ਹਾਂ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਜਨਤਕ ਬਜ਼ਾਰ ਰਾਹੀਂ ਨਿਕਾਸ ਘੱਟ ਗਿਣਤੀ ਹਿੱਸੇਦਾਰੀ ਤੱਕ ਹੀ ਸੀਮਿਤ ਨਹੀਂ ਹੈ ਪਰ ਇਹ ਕੰਟਰੋਲ ਵਾਲੇ ਅਹੁਦਿਆਂ ਤੱਕ ਫੈਲਿਆ ਸੀ। ਭਾਰਤੀ ਨਿੱਜੀ ਇਕੁਇਟੀ 'ਚ ਤਬਦੀਲੀ ਆ ਰਹੀ ਹੈ, ਕਿਉਂਕਿ ਘਰੇਲੂ ਪੂੰਜੀ ਗਤੀ ਹਾਸਲ ਕਰਨ ਲੱਗੀ ਹੈ, ਜੋ ਉਦਯੋਗ ਲਈ ਨਵੇਂ ਯੁੱਗ ਦਾ ਸੰਕੇਤ ਹੈ। ਜੈਨ ਨੇ ਕਿਹਾ,''ਨਿੱਜੀ ਇਕੁਇਟੀ ਨੂੰ ਹੁਣ ਇਸ ਨਾਲ ਮਤਲਬ ਨਹੀਂ ਹੈ ਕਿ ਵਿਦੇਸ਼ੀ ਨਿਵੇਸ਼ਕ ਭਾਰਤ ਨੂੰ ਕਿਸ ਤਰ੍ਹਾਂ ਦੇਖਦੇ ਹਨ। ਖ਼ਾਸ ਗੱਲ ਹੈ ਕਿ ਇਹ ਇਕ ਭਾਰਤੀ ਉਤਪਾਦ ਹੈ ਅਤੇ ਨਿੱਜੀ ਇਕੁਇਟੀ ਰਾਹੀਂ ਹੋਣ ਵਾਲੇ ਨਿਵੇਸ਼ ਦੀ ਪੂੰਜੀ ਵੀ ਭਾਰਤੀ ਪੂੰਜੀ ਹੈ।''
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰੀਅਲ ਅਸਟੇਟ ਖੇਤਰ ’ਚ ਬਦਲਵੇਂ ਨਿਵੇਸ਼ ਫੰਡ ਨਾਲ 75,500 ਕਰੋੜ ਰੁਪਏ ਦਾ ਨਿਵੇਸ਼ : ਐਨਾਰਾਕ
NEXT STORY 
