ਵਾਸ਼ਿੰਗਟਨ (ਏਜੰਸੀ) : ਚੀਨ ਅਤੇ ਅਮਰੀਕਾ ਨੇ ਦੋਵਾਂ ਪਾਸਿਆਂ ਤੋਂ 30 ਅਰਬ ਡਾਲਰ ਮੁੱਲ ਦੇ ਗੈਰ-ਸੰਵੇਦਨਸ਼ੀਲ ਉਤਪਾਦਾਂ ਲਈ ‘ਵਧੇਰੇ ਅਨੁਕੂਲ’ ਟੈਰਿਫ ਵਿਵਸਥਾ ਸਬੰਧੀ ਸਿਫ਼ਾਰਸ਼ਾਂ ’ਤੇ ਸਹਿਮਤੀ ਬਣਾਈ ਹੈ। ਵ੍ਹਾਈਟ ਹਾਊਸ ਨੇ ਸ਼ੁੱਕਰਵਾਰ ਦੇਰ ਰਾਤ ਇਹ ਜਾਣਕਾਰੀ ਦਿੱਤੀ। ਇਹ ਐਲਾਨ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅਤੇ ਉਨ੍ਹਾਂ ਦੀ ਪਤਨੀ ਫੰਗ ਲੀਯੂਆਨ ਦੇ ਤਿੰਨ ਦਿਨਾ ਅਮਰੀਕਾ ਦੌਰੇ ਦੀ ਸਮਾਪਤੀ ਤੋਂ ਬਾਅਦ ਕੀਤਾ ਗਿਆ। ਜਿਨਪਿੰਗ ਦਾ ਇਹ ਇਕ ਦਹਾਕੇ ਤੋਂ ਵੱਧ ਸਮੇਂ ਵਿਚ ਪਹਿਲਾ ਸਰਕਾਰੀ ਅਮਰੀਕਾ ਦੌਰਾ ਅਤੇ 2015 ਤੋਂ ਬਾਅਦ ਦੂਜਾ ਅਮਰੀਕਾ ਦੌਰਾ ਸੀ।
ਇਹ ਵੀ ਪੜ੍ਹੋ : ਟ੍ਰੇਨ ਹਾਦਸੇ 'ਚ ਮਾਰੇ ਗਏ ਯਾਤਰੀ ਕੋਲ ਟਿਕਟ ਨਾ ਹੋਣ 'ਤੇ ਵੀ ਮਿਲੇਗਾ ਮੁਆਵਜ਼ਾ: ਸੁਪਰੀਮ ਕੋਰਟ
ਵ੍ਹਾਈਟ ਹਾਊਸ ਦੇ ਮੁਤਾਬਕ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਗਲੋਬਲ ਸਪਲਾਈ ਨੂੰ ਸਥਿਰ ਕਰਨ ਵਿਚ ਮਦਦ ਲਈ ਜਿਨਪਿੰਗ ਨੂੰ ਸੋਧੇ ਹੋਏ ਪੈਟਰੋਲੀਅਮ ਉਤਪਾਦਾਂ ਦਾ ਉਤਪਾਦਨ ਵਧਾਉਣ ਦੀ ਅਪੀਲ ਕੀਤੀ। ਆਰਥਿਕ ਮੋਰਚੇ ’ਤੇ ਖੇਤੀਬਾੜੀ ਖੇਤਰ ਵਿਚ ‘ਮਾਰਕੀਟ ਪਹੁੰਚ ਦੀਆਂ ਰੁਕਾਵਟਾਂ’ ਨੂੰ ਦੂਰ ਕਰਨ ਲਈ ਇਕ ਵਰਕਿੰਗ ਗਰੁੱਪ ਗਠਿਤ ਕੀਤਾ ਗਿਆ ਹੈ। ਅਮਰੀਕਾ ਤੋਂ ਚੀਨ ਨੂੰ ਬਰਾਮਦ ਕੀਤੇ ਜਾਣ ਵਾਲੇ ਉਤਪਾਦਾਂ ਵਿਚ ਖੇਤੀਬਾੜੀ ਉਤਪਾਦ, ਮੱਛੀ ਅਤੇ ਸਮੁੰਦਰੀ ਖਾਧ ਪਦਾਰਥ, ਲੱਕੜ ਅਤੇ ਲੱਕੜ ਤੋਂ ਬਣੇ ਉਤਪਾਦ, ਕਾਸਮੈਟਿਕਸ ਅਤੇ ਡਾਕਟਰੀ ਉਪਕਰਨ ਸ਼ਾਮਲ ਹਨ। ਉੱਥੇ ਹੀ, ਚੀਨ ਤੋਂ ਅਮਰੀਕਾ ਆਉਣ ਵਾਲੇ ਉਤਪਾਦਾਂ ਵਿਚ ਛੋਟੇ ਘਰੇਲੂ ਉਪਕਰਨ, ਖਿਡੌਣੇ, ਛੁੱਟੀਆਂ ਵਿਚ ਵਰਤੋਂ ਹੋਣ ਵਾਲੀਆਂ ਸਜਾਵਟੀ ਵਸਤਾਂ ਅਤੇ ਬੱਚਿਆਂ ਦੀ ਕਾਰ ਸੀਟ ਵਰਗੇ ਉਤਪਾਦ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : ਪਾਕਿਸਤਾਨ 'ਚ ਵੱਡਾ ਆਤਮਘਾਤੀ ਹਮਲਾ, 12 ਲੋਕਾਂ ਦੀ ਮੌਤ ਤੇ 18 ਜ਼ਖਮੀ
ਦੋਵਾਂ ਦੇਸ਼ਾਂ ਨੇ ਕੀਤੀ ‘ਨਿਵੇਸ਼ ਬੋਰਡ’ ਦੀ ਸਥਾਪਨਾ
ਵ੍ਹਾਈਟ ਹਾਊਸ ਨੇ ਕਿਹਾ, ‘‘ਚੀਨ 2027 ਵਿਚ ਅਤੇ ਫਿਰ 2028 ਵਿਚ ਅਮਰੀਕਾ ਤੋਂ ਘੱਟੋ-ਘੱਟ ਇਕ ਕਰੋੜ ਟਨ ਕੋਲਾ ਦਰਾਮਦ ਕਰੇਗਾ।’’ ਬਿਆਨ ਵਿਚ ਕਿਹਾ ਗਿਆ ਕਿ ਦੋਵਾਂ ਦੇਸ਼ਾਂ ਨੇ ਸੰਭਾਵੀ ਨਿਵੇਸ਼ ਮੌਕਿਆਂ ਅਤੇ ਨਿਵੇਸ਼ ਨਾਲ ਸਬੰਧਿਤ ਰੁਕਾਵਟਾਂ ’ਤੇ ਚਰਚਾ ਲਈ ‘ਨਿਵੇਸ਼ ਬੋਰਡ’ ਦੀ ਸਥਾਪਨਾ ਕੀਤੀ ਹੈ। ਇਸ ਦਾ ਉਦੇਸ਼ ਦੋਵਾਂ ਦੇਸ਼ਾਂ ਵਿਚਾਲੇ ਵਪਾਰਕ ਰੂਪ ਤੋਂ ਮਹੱਤਵਪੂਰਨ ਨਿਵੇਸ਼ ਸਬੰਧੀ ਮੁੱਦਿਆਂ ਦੇ ਹੱਲ ਲਈ ਇਕ ਇਕ ਢਾਂਚਾਗਤ ਮਾਧਿਅਮ ਪ੍ਰਦਾਨ ਕਰਨਾ ਹੈ। ਬਿਆਨ ਦੇ ਅਨੁਸਾਰ, ਦੋਵੇਂ ਧਿਰਾਂ ਨੇ ਰੇਅਰ ਅਰਥ ਐਲੀਮੈਂਟਸ ਅਤੇ ਹੋਰ ਮਹੱਤਵਪੂਰਨ ਖਣਿਜਾਂ ਨਾਲ ਸਬੰਧਿਤ ਸਪਲਾਈ ਚੇਨ ਵਿਚ ਕਮੀ ਨੂੰ ਲੈ ਕੇ ਅਮਰੀਕਾ ਦੀਆਂ ਚਿੰਤਾਵਾਂ ’ਤੇ ਕੰਮ ਜਾਰੀ ਰੱਖਿਆ ਹੋਇਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਅਮਰੀਕਾ 'ਚ Nor'easter ਤੂਫ਼ਾਨ ਦਾ ਕਹਿਰ: 400 ਤੋਂ ਵੱਧ ਫਲਾਈਟਾਂ ਰੱਦ, ਹਨ੍ਹੇਰੇ 'ਚ ਡੁੱਬੇ ਕਈ ਸ਼ਹਿਰ
NEXT STORY 
