ਨਵੀਂ ਦਿੱਲੀ, (ਭਾਸ਼ਾ)- ਚਾਰਾ ਘਪਲੇ ਵਿਚ ਆਪਣੀ ਗ੍ਰਿਫਤਾਰ ਦੇ ਸ਼ੱਕ ਦਰਮਿਆਨ ਜੂਨ, 1997 ਵਿਚ ਬਿਹਾਰ ਦੇ ਤੱਤਕਾਲੀ ਮੁੱਖ ਮੰਤਰੀ ਅਤੇ ਰਾਸ਼ਟਰੀ ਜਨਤਾ ਦਲ (ਰਾਜਦ) ਸੁਪਰੀਮੋ ਲਾਲੂ ਪ੍ਰਸਾਦ ਯਾਦਵ ਨੇ ਆਪਣੇ ਉੱਤਰਾਧਿਕਾਰੀ ਦੀ ਭਾਲ ਸ਼ੁਰੂ ਕੀਤੀ ਤਾਂ ਉਨ੍ਹਾਂ ਦੀ ਪਤਨੀ ਰਾਬੜੀ ਦੇਵੀ ਉਨ੍ਹਾਂ ਦੀ ਪਹਿਲੀ ਪਸੰਦ ਨਹੀਂ ਸੀ। ਲਾਲੂ ਨੇ ਸਭ ਤੋਂ ਪਹਿਲਾਂ ਆਪਣੀ ਪਾਰਟੀ ਦੀ ਸੰਸਦ ਮੈਂਬਰ ਕਾਂਤੀ ਸਿੰਘ ’ਤੇ ਧਿਆਨ ਕੇਂਦ੍ਰਿਤ ਕੀਤਾ ਸੀ।
ਆਉਣ ਵਾਲੀ ਕਿਤਾਬ ‘ਨੀਲੇ ਆਕਾਸ਼ ਕਾ ਸੱਚ’ ਬਿਹਾਰ ਵਿਚ ਰਾਜਨੀਤਿਕ ਸੰਕਟ ਅਤੇ ਨਤੀਜੇ ਵਜੋਂ ਸੱਤਾ ਤਬਦੀਲੀ ਦੀ ਕਹਾਣੀ ਦੱਸਦੀ ਹੈ। 25 ਜੁਲਾਈ, 1997 ਦੀ ਗੱਲ ਹੈ- ਮੁੱਖ ਮੰਤਰੀ ਲਾਲੂ ਪ੍ਰਸਾਦ ਦੇ ਸਰਕਾਰੀ ਦੀ ਰਿਹਾਇਸ਼, ਏਕ ਅਨੇ ਮਾਰਗ ’ਤੇ ਨਵੇਂ ਮੁੱਖ ਮੰਤਰੀ ਚੋਣ ਲਈ ਇਕ ਮੀਟਿੰਗ ਚੱਲ ਰਹੀ ਸੀ ਜਿਸ ਵਿਚ ਕਾਂਤੀ ਸਿੰਘ ਨੂੰ ਰਾਜਦ ਵਿਧਾਇਕ ਦਲ ਦਾ ਨੇਤਾ ਚੁਣਿਆ ਗਿਆ ਸੀ।
ਲਾਲੂ ਯਾਦਵ ਫੈਸਲੇ ਤੋਂ ਗੁਜਰਾਲ ਨੂੰ ਜਾਣੂ ਕਰਵਾਉਣ ਲਈ ਕਮਰੇ ਵਿਚ ਗਏ। ਕਿਤਾਬ ਵਿਚ ਲਿਖਿਆ ਹੈ ਕਿ ਲਾਲੂ ਪ੍ਰਸਾਦ ਦੀ ਗੱਲ ਸੁਣਕੇ ਪ੍ਰਧਾਨ ਮੰਤਰੀ ਇੰਦਰ ਕੁਮਾਰ ਗੁਜਰਾਲ ਨੇ ਪੁੱਛਿਆ ਕਿ ਰਾਬੜੀ ਦੇਵੀ ਕਿਉਂ ਨਹੀਂ? ਉਨ੍ਹਾਂ (ਗੁਜਰਾਲ) ਨੇ ਕਿਹਾ ਕਿ ਜੇਕਰ ਰਾਬੜੀ ਦੇਵੀ ਮੁੱਖ ਮੰਤਰੀ ਬਣਦੀ ਹੈ, ਤਾਂ ਹੀ ਸਰਕਾਰ ਸੁਰੱਖਿਅਤ ਰਹੇਗੀ। ਗੁਜਰਾਲ ਦੇ ਸੁਝਾਅ ਤੋਂ ਬਾਅਦ ‘ਚੁਸਤ ਰਾਜਨੀਤਿਕ ਖਿਡਾਰੀ’ ਲਾਲੂ ਪ੍ਰਸਾਦ ਯਾਦਵ ਨੇ ਤੁਰੰਤ ਸਥਿਤੀ ਨੂੰ ਸਮਝ ਲਿਆ ਅਤੇ ਉਨ੍ਹਾਂ ਨੇ ਬਿਹਾਰ ਦੀ ਮੁੱਖ ਮੰਤਰੀ ਵਜੋਂ ਰਾਬੜੀ ਦੇਵੀ ਦੇ ਨਾਂ ਦਾ ਐਲਾਨ ਕਰ ਦਿੱਤਾ।
WHO ਵੱਲੋਂ ਭਾਰਤ ‘ਚ ਬਣੇ 3 ਕਫ਼ ਸਿਰਪ ‘ਤੇ ਗਲੋਬਲ ਚਿਤਾਵਨੀ, ਬੱਚਿਆਂ ਲਈ ਜਾਨਲੇਵਾ
NEXT STORY 
