ਰਾਜਗੜ੍ਹ : ਮੱਧ ਪ੍ਰਦੇਸ਼ ਦੇ ਰਾਜਗੜ੍ਹ ਜ਼ਿਲ੍ਹੇ ਵਿੱਚ ਬਿਆਵਰਾ ਦੇ ਨੇੜੇ ਆਗਰਾ-ਮੁੰਬਈ ਰਾਸ਼ਟਰੀ ਰਾਜਮਾਰਗ 'ਤੇ ਇੱਕ ਦਰਦਨਾਕ ਸੜਕ ਹਾਦਸਾ ਵਾਪਰਿਆ ਹੈ। ਲਖਨਊ ਤੋਂ ਇੰਦੌਰ ਜਾ ਰਹੀ ਇੱਕ ਨਿੱਜੀ ਯਾਤਰੀ ਬੱਸ ਅਚਾਨਕ ਬੇਕਾਬੂ ਹੋ ਕੇ ਸੜਕ ਉੱਤੇ ਬਣੀ ਇੱਕ ਪੁਲੀਆ (ਬ੍ਰਿਜ) ਨਾਲ ਟਕਰਾ ਗਈ ਅਤੇ ਪਲਟ ਗਈ। ਇਸ ਹਾਦਸੇ ਵਿੱਚ ਬੈਂਗਲੁਰੂ ਸਾਈਬਰ ਸੈੱਲ ਦੇ ਇੱਕ ਇੰਸਪੈਕਟਰ ਸਮੇਤ ਚਾਰ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 12 ਯਾਤਰੀ ਜ਼ਖ਼ਮੀ ਹੋ ਗਏ ਹਨ।
ਇਸ ਹਾਦਸੇ ਦਾ ਇੱਕ ਦੁਖਦਾਈ ਪਹਿਲੂ ਇਹ ਰਿਹਾ ਕਿ ਹਾਦਸਾਗ੍ਰਸਤ ਬੱਸ ਵਿੱਚ ਬੈਂਗਲੁਰੂ ਸਾਈਬਰ ਪੁਲਸ ਦੀ ਟੀਮ ਵੀ ਸਫ਼ਰ ਕਰ ਰਹੀ ਸੀ। ਹਾਦਸੇ ਵਿੱਚ ਟੀਮ ਦੇ ਇੰਸਪੈਕਟਰ ਰਵੀ ਕੇ.ਵੀ. ਦੀ ਮੌਤ ਹੋ ਗਈ, ਜਦਕਿ ਸਬ-ਇੰਸਪੈਕਟਰ ਰਮੇਸ਼ ਨਾਇਕ, ਏ.ਐੱਸ.ਆਈ. ਸ੍ਰੀਨਿਵਾਸ ਅਤੇ ਤਕਨੀਕੀ ਸਟਾਫ਼ ਮੈਂਬਰ ਵਿਸ਼ਵਨਾਥ ਜ਼ਖ਼ਮੀ ਹੋ ਗਏ।
ਇਸ ਹਾਦਸੇ ਵਿੱਚ ਜਾਨ ਗਵਾਉਣ ਵਾਲੇ ਹੋਰਨਾਂ ਵਿਅਕਤੀਆਂ ਦੀ ਪਛਾਣ ਬੱਸ ਚਾਲਕ ਵਿਕਾਸ ਸ਼ੁਕਲਾ, ਬਿਹਾਰ ਦੇ ਰਹਿਣ ਵਾਲੇ 23 ਸਾਲਾ ਬੇਲਾਲ ਅਲੀ ਅਤੇ ਬਿਜਵਾੜ ਦੇ ਰਹਿਣ ਵਾਲੇ ਜਯੋਤਿਰਦਿੱਤਿਆ ਸਿੰਘ ਗੌੜ ਵਜੋਂ ਹੋਈ ਹੈ। ਰਾਜਗੜ੍ਹ ਦੇ ਐੱਸ.ਪੀ. ਅਮਿਤ ਤੋਲਾਨੀ ਨੇ ਦੱਸਿਆ ਕਿ ਜ਼ਖ਼ਮੀਆਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ, ਜਿਨ੍ਹਾਂ ਵਿੱਚੋਂ ਚਾਰ ਯਾਤਰੀਆਂ ਦੀ ਹਾਲਤ ਗੰਭੀਰ ਦੇਖਦਿਆਂ ਉਨ੍ਹਾਂ ਨੂੰ ਬਿਹਤਰ ਇਲਾਜ ਲਈ ਭੋਪਾਲ ਰੈਫ਼ਰ ਕੀਤਾ ਗਿਆ ਹੈ।
ਹਾਦਸੇ ਦੀ ਸੂਚਨਾ ਮਿਲਦਿਆਂ ਹੀ ਸਥਾਨਕ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਰਾਹਤ ਕਾਰਜ ਸ਼ੁਰੂ ਕੀਤੇ। ਪੁਲਸ ਨੇ ਮਾਮਲਾ ਦਰਜ ਕਰਕੇ ਹਾਦਸੇ ਦੇ ਅਸਲ ਕਾਰਨਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਇਹ ਹਾਦਸਾ ਕਿਸੇ ਤਕਨੀਕੀ ਖ਼ਰਾਬੀ ਕਾਰਨ ਵਾਪਰਿਆ ਹੈ ਜਾਂ ਫਿਰ ਬੱਸ ਚਾਲਕ ਦੀ ਕਿਸੇ ਲਾਪਰਵਾਹੀ ਕਾਰਨ।
ਦੇਸ਼ ਦੀ ਸੇਵਾ 'ਚ ਤਾਇਨਾਤ ਜਵਾਨਾਂ ਲਈ CRPF ਦੀ 88ਵੀਂ (ਮਹਿਲਾ) ਬਟਾਲੀਅਨ ਵੱਲੋਂ ਰੱਖੜੀ ਦਾ ਵਿਸ਼ੇਸ਼ ਪ੍ਰੋਗਰਾਮ
NEXT STORY 
