ਪੰਚਕੂਲਾ- ਸਮਾਜਿਕ ਬੁਰਾਈਆਂ ਨੂੰ ਖ਼ਤਮ ਕਰਨ ਅਤੇ ਵੱਖ-ਵੱਖ ਜਾਤਾਂ-ਪੰਥਾਂ ਵਿਚਾਲੇ ਸਦਭਾਵਨਾ ਵਧਾਉਣ ਦੇ ਉਦੇਸ਼ ਨਾਲ ਸ਼ੁਰੂ ਹੋਈ 'ਸਰਵ ਸਮਾਜ ਬੰਧੂਤਵ ਯਾਤਰਾ' ਮੰਗਲਵਾਰ ਨੂੰ ਪੰਚਕੂਲਾ ਪਹੁੰਚੀ। ਇਸ ਤੋਂ ਪਹਿਲਾਂ ਸ਼ਹਿਰ ਦੇ ਨੌਜਵਾਨਾਂ ਦਾ ਇੱਕ ਜਥਾ ਮੋਟਰਸਾਈਕਲਾਂ ’ਤੇ ਸਵਾਰ ਹੋ ਕੇ ਗੁਰਦੁਆਰਾ ਨਾਡਾ ਸਾਹਿਬ ਵਿਖੇ ਪੁੱਜਿਆ, ਉਥੋਂ ਯਾਤਰਾ ਦਾ ਸਵਾਗਤ ਕੀਤਾ ਗਿਆ। ਇਸ ਦੌਰਾਨ ਕਈ ਸੰਤਾਂ ਮਹਾਂਪੁਰਸ਼ਾਂ ਦੇ ਪ੍ਰਵਚਨ ਸੁਣਨ ਲਈ ਸ਼ਹਿਰ ਵਾਸੀਆਂ ਵਿਚ ਵਿਸ਼ੇਸ਼ ਉਤਸ਼ਾਹ ਦੇਖਿਆ ਗਿਆ।
ਭਗਤੀ ਲਹਿਰ ਦੇ ਸੰਤਾਂ ਦੇ ਸੰਦੇਸ਼ਾਂ 'ਤੇ ਆਧਾਰਿਤ ਇਹ ਯਾਤਰਾ 'ਮੀਰਾ ਚਲੀ ਸਤਿਗੁਰੂ ਕੇ ਧਾਮ' ਮੁਹਿੰਮ ਤਹਿਤ 4 ਨਵੰਬਰ ਨੂੰ ਰਾਜਸਥਾਨ ਦੇ ਮੇੜਤਾ ਤੋਂ ਸ਼ੁਰੂ ਹੋਈ। ਇਹ ਯਾਤਰਾ ਪੰਜਾਬ, ਜੰਮੂ-ਕਸ਼ਮੀਰ, ਹਿਮਾਚਲ ਪ੍ਰਦੇਸ਼ ਤੋਂ ਹੁੰਦੀ ਹੋਈ ਪੰਚਕੂਲਾ ਪਹੁੰਚੀ ਹੈ। ਯਾਤਰਾ 4 ਦਸੰਬਰ ਨੂੰ ਯਮੁਨਾਨਗਰ ਜ਼ਿਲ੍ਹੇ 'ਚ ਸਥਿਤ ਕਪਾਲਮੋਚਨ ਤੀਰਥ ਸਥਾਨ 'ਤੇ ਸਮਾਪਤ ਹੋਵੇਗੀ। ਇਸ ਦੌਰਾਨ ਗੋਹਾਨਾ ਧਾਮ ਦੇ ਸੰਤ ਰਮੇਸ਼ ਵਿਕਾਸ, ਡੇਰਾ ਸਤਿਗੁਰੂ ਰਵਿਦਾਸ ਜੀ, ਫਗਵਾੜਾ ਤੋਂ ਮਹੰਤ ਪੁਰਸ਼ੋਤਮ ਲਾਲ, ਨਿਰਮਲ ਕੁਟੀਆ, ਹਜ਼ਾਰਾ ਦੇ ਮਹੰਤ ਗੁਰਵਿੰਦਰ ਸਿੰਘ, ਦਿਵਿਆ ਜਯੋਤੀ ਜਾਗ੍ਰਿਤੀ ਸੰਸਥਾਨ ਤੋਂ ਸਵਾਮੀ ਗੁਰੂ ਕ੍ਰਿਪਾ ਨੰਦ, ਸ਼੍ਰੀ ਮਾਤਾ ਮਨਸਾ ਦੇਵੀ ਤੋਂ ਸਵਾਮੀ ਪ੍ਰਸਾਦ ਮਿਸ਼ਰਾ, ਸਵਾਮੀ ਪ੍ਰਸਾਦ ਮਿਸ਼ਰਾ ਦੇ ਪ੍ਰਵਚਨ ਹੋਏ।
ਸਮਾਜਕ ਸਮਰਤਾ ਮੰਚ ਦੇ ਖੇਤਰੀ ਕਨਵੀਨਰ ਪ੍ਰਮੋਦ ਕੁਮਾਰ ਨੇ ਵੀ ਸੰਬੋਧਨ ਕੀਤਾ। ਸੰਤਾਂ ਨੇ ਕਿਹਾ ਕਿ ਸਾਲਾਂ ਤੋਂ ਵਿਦੇਸ਼ੀ ਹਮਲਾਵਰਾਂ ਦੀ ਮਾਰ ਹੇਠ ਰਹਿਣ ਕਾਰਨ ਭਾਰਤੀ ਸਮਾਜ ਵਿਚ ਕਈ ਬੁਰਾਈਆਂ ਪ੍ਰਵੇਸ਼ ਕਰ ਚੁੱਕੀਆਂ ਹਨ। ਅੱਜ ਸਾਨੂੰ ਸਿਹਤਮੰਦ ਸਮਾਜਿਕ ਢਾਂਚਾ ਸਿਰਜਣ ਲਈ ਇਨ੍ਹਾਂ ਬੁਰਾਈਆਂ ਨੂੰ ਖ਼ਤਮ ਕਰਨਾ ਪਵੇਗਾ। ਛੂਤ-ਛਾਤ, ਬਾਲ ਵਿਆਹ, ਦਾਜ ਅਤੇ ਪਰਦਾ ਪ੍ਰਥਾ, ਅੰਧ-ਵਿਸ਼ਵਾਸ ਆਦਿ ਸਾਡੇ ਧਰਮ ਦਾ ਹਿੱਸਾ ਨਹੀਂ ਹਨ। ਭਾਰਤੀ ਸਮਾਜ ਨੂੰ ਇਨ੍ਹਾਂ ਬੁਰਾਈਆਂ ਤੋਂ ਮੁਕਤ ਕਰਕੇ ਅਤੇ ਪ੍ਰਮਾਤਮਾ ਦੀ ਭਗਤੀ ਵਿਚ ਜੁਟ ਕੇ ਹੀ ਸਮਾਜ ਵਿਚ ਨਵੀਂ ਚੇਤਨਾ ਲਿਆਂਦੀ ਜਾ ਸਕਦੀ ਹੈ।
ਭਗਤੀ ਲਹਿਰ ਦੇ ਮਹਾਨ ਸੰਤਾਂ ਨੇ ਵੀ ਅਜਿਹਾ ਹੀ ਕੀਤਾ। ਮਹਾਨ ਗੁਰੂਆਂ, ਸੰਤਾਂ, ਭਗਤਾਂ ਨੇ ਸਾਨੂੰ ਸਦਭਾਵਨਾ ਨਾਲ ਰਹਿਣ ਦਾ ਰਸਤਾ ਦਿਖਾਇਆ ਹੈ। ਸ਼ਰਧਾਲੂਆਂ ਵੱਲੋਂ ਮੀਰਾਬਾਈ, ਸਤਿਗੁਰੂ ਰਵਿਦਾਸ ਆਦਿ ਦੇ ਆਦਰਸ਼ਾਂ ਨੂੰ ਅੱਗੇ ਵਧਾਉਣ ਲਈ ‘ਹੋ ਮੋਰਾ ਚਲੀ ਸਤਿਗੁਰੂ ਕੇ ਧਾਮ’ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ। ਸੰਤ ਸ਼੍ਰੋਮਣੀ ਮੀਰਾ ਬਾਈ ਭਗਤੀ ਲਹਿਰ ਦੀ ਮਹਾਨ ਨਾਇਕਾ ਰਹੀ ਹੈ। ਉਨ੍ਹਾਂ ਨੇ ਸਤੀ ਪ੍ਰਥਾ ਅਤੇ ਜਾਤ-ਪਾਤ ਦੇ ਭੇਦਭਾਵ ਨੂੰ ਤੋੜ ਕੇ ਸਮਾਜ ਨੂੰ ਨਵਾਂ ਰਾਹ ਦਿਖਾਇਆ। ਜਦੋਂ ਮੀਰਾ ਦੇ ਪਤੀ ਭੋਜ ਰਾਜ ਨੇ ਵਿਆਹ ਦੇ 8 ਸਾਲ ਬਾਅਦ ਹੀ ਇਸ ਸੰਸਾਰ ਨੂੰ ਛੱਡ ਦਿੱਤਾ ਤਾਂ ਸ਼ਾਹੀ ਪੁਜਾਰੀਆਂ ਨੇ ਮੀਰਾ ਨੂੰ ਸਤੀ ਕਰਨ ਲਈ ਪ੍ਰੇਰਿਆ। ਇਸ 'ਤੇ ਮੀਰਾ ਨੇ ਸਾਫ਼ ਕਿਹਾ, ਗਿਰਧਰ ਗੋਪਾਲ ਮੇਰਾ ਹੈ ਕਿਸੇ ਹੋਰ ਦਾ ਨਹੀਂ, ਮੇਰਾ ਪਤੀ ਸਿਰ 'ਤੇ ਮੋਰ ਦਾ ਮੁਕਟ ਰੱਖ ਕੇ ਸੌਂ ਰਿਹਾ ਹੈ।' ਮੀਰਾ ਬਾਈ ਵੱਲੋਂ ਕੀਤਾ ਗਿਆ ਦੂਜਾ ਕ੍ਰਾਂਤੀਕਾਰੀ ਕੰਮ ਇਹ ਸੀ ਕਿ ਉਸ ਨੇ ਜਾਤ-ਪਾਤ ਤੋਂ ਉੱਪਰ ਉੱਠ ਕੇ ਸਤਿਗੁਰੂ ਰਵਿਦਾਸ ਮਹਾਰਾਜ ਨੂੰ ਆਪਣਾ ਗੁਰੂ ਮੰਨ ਲਿਆ ਅਤੇ ਆਪਣਾ ਸਾਰਾ ਜੀਵਨ ਪਰਮਾਤਮਾ ਦੀ ਭਗਤੀ ’ਚ ਬਿਤਾਇਆ।
ਧਰਮ ਸਭਾ ਦੌਰਾਨ ਮੰਚ ਦਾ ਸੰਚਾਲਨ ਪਿਊਸ਼ ਗੋਇਲ ਨੇ ਕੀਤਾ। ਇਸ ਮੌਕੇ ਹਰਿਆਣਾ ਵਿਧਾਨ ਸਭਾ ਦੇ ਸਪੀਕਰ ਗਿਆਨ ਚੰਦ ਗੁਪਤਾ, ਮੇਅਰ ਕੁਲਭੂਸ਼ਣ ਗੋਇਲ, ਯਾਤਰਾ ਦੇ ਸਰਪ੍ਰਸਤ ਈਸ਼ਵਰ ਜਿੰਦਲ, ਕਨਵੀਨਰ ਸੁਸ਼ੀਲ ਕੌਸ਼ਲ, ਸਹਿ-ਕਨਵੀਨਰ ਪਵਨ ਬਾਂਸਲ, ਰਵਿਦਾਸ ਸਭਾ ਦੇ ਪ੍ਰਧਾਨ ਕ੍ਰਿਸ਼ਨ ਲਾਲ ਬਰਾੜ, ਸੀਨੀਅਰ ਸਿਟੀਜ਼ਨ ਆਦਿ ਹਾਜ਼ਰ ਸਨ।
ਸਿਆਸਤ 'ਚ ਆਹਮੋ-ਸਾਹਮਣੇ ਰਵਿੰਦਰ ਜਡੇਜਾ ਦਾ ਪਰਿਵਾਰ, ਪਤਨੀ BJP ਉਮੀਦਵਾਰ ਤੇ ਪਿਤਾ ਕਾਂਗਰਸ ਦੇ ਹੱਕ 'ਚ
NEXT STORY 
