ਮੁੰਬਈ (ਭਾਸ਼ਾ)- ਮਹਾਰਾਸ਼ਟਰ ਵਿਧਾਨ ਸਭਾ ਚੋਣਾਂ ਦੇ ਐਲਾਨ ਤੋਂ ਕੁਝ ਘੰਟੇ ਪਹਿਲਾਂ ਰਾਜਪਾਲ ਵਲੋਂ ਨਿਯੁਕਤ ਕੀਤੇ ਗਏ 7 ਵਿਧਾਨ ਕੌਂਸਲਰਾਂ ਨੇ ਮੰਗਲਵਾਰ ਨੂੰ ਅਹੁਦੇ ਦੀ ਸਹੁੰ ਚੁੱਕੀ। ਸੱਤ ਨਵੇਂ ਵਿਧਾਨ ਕੌਂਸਲਰਾਂ 'ਚੋਂ ਤਿੰਨ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੁਆਰਾ ਨਾਮਜ਼ਦ ਕੀਤੇ ਗਏ ਸਨ ਜਦੋਂ ਕਿ ਏਕਨਾਥ ਸ਼ਿੰਦੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ ਅਤੇ ਉਪ ਮੁੱਖ ਮੰਤਰੀ ਅਜੀਤ ਪਵਾਰ ਦੀ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐੱਨਸੀਪੀ) ਦੇ ਦੋ-ਦੋ ਮੈਂਬਰ ਹਨ। ਰਾਜਪਾਲ 6 ਸਾਲ ਦੇ ਕਾਰਜਕਾਲ ਲਈ 12 ਉਮੀਦਵਾਰਾਂ ਨੂੰ ਵਿਧਾਨ ਕੌਂਸਲਰ ਵਜੋਂ ਨਿਯੁਕਤ ਕਰ ਸਕਦੇ ਹਨ ਅਤੇ ਇਨ੍ਹਾਂ ਨੂੰ ਸਮਾਜ ਦੇ ਵੱਖ-ਵੱਖ ਵਰਗਾਂ ਤੋਂ ਨਿਯੁਕਤ ਕੀਤਾ ਜਾਂਦਾ ਹੈ। ਸੋਮਵਾਰ ਨੂੰ ਰਾਜ ਮੰਤਰੀ ਮੰਡਲ ਨੇ 12 'ਚੋਂ 7 ਨਾਵਾਂ 'ਤੇ ਸਹਿਮਤੀ ਜਤਾਈ ਸੀ ਅਤੇ ਰਾਜਪਾਲ ਸੀਪੀ ਰਾਧਾਕ੍ਰਿਸ਼ਨਨ ਤੋਂ ਵੀ ਸਹਿਮਤੀ ਪ੍ਰਾਪਤ ਕੀਤੀ ਸੀ। ਉਨ੍ਹਾਂ ਦੀ ਪ੍ਰਵਾਨਗੀ ਨਾਲ ਸੂਬਾ ਸਰਕਾਰ ਨੇ ਵਿਧਾਨ ਭਵਨ ਵਿਖੇ ਸਹੁੰ ਚੁੱਕ ਸਮਾਗਮ ਕਰਵਾਇਆ। ਬਾਕੀ ਪੰਜ ਅਸਾਮੀਆਂ ਅਜੇ ਵੀ ਖਾਲੀ ਹਨ।
ਸ਼ਿੰਦੇ ਨੇ ਸਾਬਕਾ ਸੰਸਦ ਮੈਂਬਰ ਹੇਮੰਤ ਪਾਟਿਲ ਅਤੇ ਸਾਬਕਾ ਵਿਧਾਨ ਕੌਂਸਲਰ ਮਨੀਸ਼ਾ ਕਾਯੰਦੇ ਨੂੰ ਦੁਬਾਰਾ ਨਿਯੁਕਤ ਕੀਤਾ, ਜਦੋਂ ਕਿ ਭਾਜਪਾ ਨੇ ਧਾਰਮਿਕ ਨੇਤਾਵਾਂ ਬਾਬੂ ਸਿੰਘ ਮਹਾਰਾਜ ਰਾਠੌਰ, ਚਿੱਤਰਾ ਵਾਘ ਅਤੇ ਵਿਕਰਾਂਤ ਪਾਟਿਲ ਨੂੰ ਚੁਣਿਆ। ਰਾਠੌੜ ਗੋਰ ਪੋਹਰਾਦੇਵੀ ਸੰਸਥਾ ਦੇ ਮੁਖੀ ਹਨ, ਜੋ ਕਿ ਬੰਜਾਰਾ ਭਾਈਚਾਰੇ ਦੀ ਇਕ ਪ੍ਰਮੁੱਖ ਸੰਸਥਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੁਝ ਹਫ਼ਤੇ ਪਹਿਲਾਂ ਇਸ ਮੰਦਰ ਦਾ ਦੌਰਾ ਕੀਤਾ ਸੀ। ਵਾਘ ਭਾਜਪਾ ਮਹਿਲਾ ਵਿੰਗ ਦੀ ਸੂਬਾ ਪ੍ਰਧਾਨ ਹੈ ਅਤੇ ਵਿਕਰਾਂਤ ਪਾਟਿਲ ਸੂਬਾ ਇਕਾਈ ਦੀ ਜਨਰਲ ਸਕੱਤਰ ਹੈ। ਕਰੀਬ ਦੋ ਦਹਾਕਿਆਂ ਤੋਂ ਅਣਵੰਡੇ ਐੱਨਸੀਪੀ ਨਾਲ ਜੁੜੇ ਵਾਘ ਨੂੰ 2016 'ਚ ਆਪਣੇ ਪਤੀ ਖ਼ਿਲਾਫ਼ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਉਹ 2019 'ਚ ਰਾਜ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਭਾਜਪਾ 'ਚ ਸ਼ਾਮਲ ਹੋ ਗਈ ਸੀ। ਮਈ 2023 'ਚ ਬੰਬੇ ਹਾਈ ਕੋਰਟ ਨੇ ਉਸ ਦੇ ਪਤੀ ਨੂੰ ਰਿਸ਼ਵਤ ਦੇ ਦੋਸ਼ਾਂ ਤੋਂ ਬਰੀ ਕਰ ਦਿੱਤਾ ਸੀ। ਐੱਨਸੀਪੀ ਨੇ ਕੈਬਨਿਟ ਮੰਤਰੀ ਛਗਨ ਭੁਜਬਲ ਦੇ ਪੁੱਤਰ ਪੰਕਜ ਭੁਜਬਲ ਅਤੇ ਸਾਂਗਲੀ, ਮਿਰਾਜ ਕੁਪਵਾੜ ਮਹਾਨਗਰ ਪਾਲਿਕ ਦੇ ਸਾਬਕਾ ਮੇਅਰ ਇਦਰੀਸ ਨਾਇਕਵਡੀ ਨੂੰ ਚੁਣਿਆ। ਇਸ ਤੋਂ ਪਹਿਲਾਂ ਦਿਨ 'ਚ ਰਾਜ ਸਰਕਾਰ ਨੇ ਬੰਬੇ ਹਾਈ ਕੋਰਟ ਨੂੰ ਸੂਚਿਤ ਕੀਤਾ ਸੀ ਕਿ ਸੱਤ ਵਿਧਾਨ ਕੌਂਸਲਰਾਂ ਦੀ ਨਿਯੁਕਤੀ 'ਚ ਕੋਈ ਰੁਕਾਵਟ ਨਹੀਂ ਹੈ। ਮਹਾਰਾਸ਼ਟਰ ਵਿਧਾਨ ਪ੍ਰੀਸ਼ਦ 'ਚ ਕੁੱਲ 78 ਸੀਟਾਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭਾਰਤ-ਅਮਰੀਕਾ ਨੇ 31 Predator Drones ਖਰੀਦਣ ਲਈ ਕੀਤਾ 32,000 ਕਰੋੜ ਰੁਪਏ ਦਾ ਸਮਝੌਤਾ
NEXT STORY 
