ਤਿਰੂਵਰੁਰ- ਤਾਮਿਲਨਾਡੂ ਦੇ ਤਿਰੂਵਰੁਰ ਜ਼ਿਲ੍ਹੇ 'ਚ ਬਣਿਆ ਇਕ ਅਨੋਖਾ ਸਮਾਰਕ ਇੰਨੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਲੋਕ ਇਸ ਨੂੰ ਦੱਖਣੀ ਤਾਜ ਮਹਿਲ ਕਹਿ ਰਹੇ ਹਨ ਅਤੇ ਇਸ ਨੂੰ ਦੇਖਣ ਲਈ ਰਾਜ ਹੀ ਨਹੀਂ ਸਗੋਂ ਦੇਸ਼ ਭਰ ਤੋਂ ਵੱਡੀ ਗਿਣਤੀ 'ਚ ਸੈਲਾਨੀ ਪਹੁੰਚ ਰਹੇ ਹਨ। ਇਹ ਸਮਾਰਕ ਅਮਯੱਪਨ ਪਿੰਡ 'ਚ ਬਣਾਇਆ ਗਿਆ ਹੈ। ਇੱਥੇ ਰਹਿਣ ਵਾਲੇ ਸ਼ੇਖ ਦਾਊਦ ਅਤੇ ਜੇਲਾਨੀ ਬੀਵੀ ਦੇ ਬੇਟੇ ਅਮੁਰਦੀਨ (49) ਜੋ ਚੇਨਈ ਦੇ ਵਪਾਰੀ ਹਨ, ਨੇ ਆਪਣੀ ਮਾਂ ਦੀ ਯਾਦ 'ਚ ਇਸ ਸਮਾਰਕ ਦਾ ਨਿਰਮਾਣ ਕਰਵਾਇਆ। ਪਰਿਵਾਰ 'ਚ ਉਸ ਦੀਆਂ ਚਾਰ ਭੈਣਾਂ ਵੀ ਹਨ ਅਤੇ ਸਾਰੇ ਚੇਨਈ 'ਚ ਰਹਿੰਦੇ ਹਨ।
ਪਿਤਾ ਦੇ ਦਿਹਾਂਤ ਦੇ ਕੁਝ ਸਾਲਾਂ ਬਾਅਦ ਸਾਲ 2020 'ਚ ਮਾਂ ਜੇਲਾਨੀ ਬੀਵੀ ਦਾ ਵੀ ਦਿਹਾਂਤ ਹੋ ਗਿਆ। ਮਾਂ ਦੇ ਜਾਣ ਤੋਂ ਬਾਅਦ ਅਮੁਰਦੀਨ ਨੇ ਉਨ੍ਹਾਂ ਦੀ ਯਾਦ ਨੂੰ ਹਮੇਸ਼ਾ ਜਿਊਂਦੇ ਰੱਖਣ ਲਈ ਪਿੰਡ 'ਚ ਇਕ ਸ਼ਾਨਦਾਰ ਸਮਾਰਕ ਬਣਾਉਣ ਦਾ ਫੈਸਲਾ ਕੀਤਾ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੂੰ ਐੱਮ. ਕੁਰਣਾਨਿਧੀ ਤੋਂ ਪ੍ਰੇਰਨਾ, ਜਿਨ੍ਹਾਂ ਨੇ ਆਪਣੀ ਮਾਂ ਅੰਜੁਗਮ ਅਮੈਯਾਰ ਦੀ ਯਾਦ 'ਚ ਸਮਾਰਕ ਬਣਾਇਆ ਸੀ। ਇਸੇ ਸੋਚ ਨਾਲ ਅਮੁਰਦੀਨ ਨੇ ਆਪਣੀ ਮਾਂ ਲਈ ਕੁਝ ਖਾਸ ਕਰਨ ਦਾ ਫੈਸਲਾ ਕੀਤਾ। ਅਮੁਰਦੀਨ ਦਾ ਕਹਿਣਾ ਹੈ, ਜਿਸ ਤਰ੍ਹਾਂ ਤਾਜ ਮਹਿਲ ਪਿਆਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ, ਉਸੇ ਤਰ੍ਹਾਂ ਉਹ ਆਪਣੀ ਮਾਂ ਲਈ ਪਿਆਰ, ਸਨਮਾਨ ਦਾ ਪ੍ਰਤੀਕ ਬਣਾਉਣਾ ਚਾਹੁੰਦਾ ਸੀ। ਇਸ ਲਈ ਉਨ੍ਹਾਂ ਨੇ ਰਾਜਸਥਾਨ ਤੋਂ ਸਫੈਦ ਸੰਗਮਰਮਰ ਮੰਗਵਾ ਕੇ ਮੁਗਲ ਸ਼ੈਲੀ 'ਚ ਤਾਜ ਮਹਿਲ ਵਰਗੀ ਇਮਾਰਤ ਤਿਆਰ ਕਰਵਾਈ।
ਕਰੀਬ ਇਕ ਏਕੜ ਜ਼ਮੀਨ 'ਤੇ ਬਣੇ ਇਸ ਸਮਾਰਕ ਦਾ ਨਿਰਮਾਣ ਲਗਭਗ 8,000 ਵਰਗ ਫੁੱਟ ਦੇ ਖੇਤਰ 'ਚ ਕੀਤਾ ਗਿਆ ਹੈ। ਇਹ 46 ਫੁੱਟ ਚੌੜਾ ਹੈ ਅਤੇ ਇਸ 'ਚ ਉੱਚੀਆਂ ਮੀਨਾਰਾਂ ਵੀ ਬਣਾਈਆਂ ਗਈਆਂ ਹਨ। ਇਸ ਵਿਲੱਖਣ ਸਮਾਰਕ ਦਾ ਉਦਘਾਟਨ 2 ਜੂਨ, 2022 ਨੂੰ ਇਕ ਸਾਦੇ ਸਮਾਰੋਹ 'ਚ ਕੀਤਾ ਗਿਆ ਸੀ। ਸਮਾਰਕ ਕੰਪਲੈਕਸ ਦੇ ਅੰਦਰ ਉਸ ਦੀ ਮਾਂ ਦੀ ਯਾਦ 'ਚ ਇਕ ਮਸਜਿਦ ਬਣਾਈ ਗਈ ਹੈ। ਇਕ ਪਾਸੇ ਇਕ ਵਿਸ਼ਾਲ ਪ੍ਰਾਰਥਨਾ ਹਾਲ ਅਤੇ ਦੂਜੇ ਪਾਸੇ ਇਕ ਮਦਰੱਸਾ ਵੀ ਹੈ, ਜਿੱਥੇ ਵਿਦਿਆਰਥੀ ਰਹਿ ਸਕਦੇ ਹਨ ਅਤੇ ਪੜ੍ਹਾਈ ਕਰ ਸਕਦੇ ਹਨ। ਚਿੱਟੇ ਸੰਗਮਰਮਰ ਨਾਲ ਬਣਿਆ ਇਹ ਤਾਜ ਮਹਿਲ-ਸ਼ੈਲੀ ਵਾਲਾ ਸਮਾਰਕ ਦੱਖਣੀ ਤਾਮਿਲਨਾਡੂ 'ਚ ਆਪਣੀ ਕਿਸਮ ਦਾ ਪਹਿਲਾ ਮੰਨਿਆ ਜਾਂਦਾ ਹੈ। ਇਸ ਦੇ ਖੁੱਲ੍ਹਣ ਤੋਂ ਬਾਅਦ ਹਜ਼ਾਰਾਂ ਲੋਕ ਆਏ ਹਨ।
ਗਰਮੀਆਂ ਦੀਆਂ ਛੁੱਟੀਆਂ ਨੇ ਸੈਲਾਨੀਆਂ ਦੀ ਗਿਣਤੀ 'ਚ ਹੋਰ ਵਾਧਾ ਕੀਤਾ ਹੈ। ਤਾਮਿਲਨਾਡੂ ਸਮੇਤ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਪਰਿਵਾਰ ਆ ਰਹੇ ਹਨ। ਪ੍ਰਬੰਧਨ ਸੈਲਾਨੀਆਂ ਨੂੰ ਮੁਫ਼ਤ ਛਾਛ, ਸੁੰਡਲ ਅਤੇ ਮੂੰਗਫਲੀ ਦੀ ਚਿੱਕੀ ਵੀ ਪ੍ਰਦਾਨ ਕਰ ਰਿਹਾ ਹੈ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇੱਥੇ ਸਾਰੇ ਧਰਮਾਂ ਅਤੇ ਭਾਈਚਾਰਿਆਂ ਦੇ ਲੋਕਾਂ ਨੂੰ ਬਿਨਾਂ ਕਿਸੇ ਭੇਦਭਾਵ ਦੇ ਦਾਖਲਾ ਦਿੱਤਾ ਜਾਂਦਾ ਹੈ। ਲੋਕ ਆਪਣੇ ਪਰਿਵਾਰਾਂ ਨਾਲ ਫੋਟੋਆਂ ਖਿਚਵਾ ਰਹੇ ਹਨ ਅਤੇ ਇਸ ਵਿਲੱਖਣ ਸਮਾਰਕ ਨੂੰ ਦੇਖ ਕੇ ਭਾਵੁਕ ਹੋ ਰਹੇ ਹਨ। ਸਥਾਨਕ ਲੋਕ ਅਮੁਰਦੀਨ ਦੀ ਬਹੁਤ ਪ੍ਰਸ਼ੰਸਾ ਕਰ ਰਹੇ ਹਨ। ਉਹ ਕਹਿੰਦੇ ਹਨ ਕਿ ਮਾਂ ਲਈ ਪਿਆਰ ਅਤੇ ਸ਼ਰਧਾ ਦੀ ਅਜਿਹੀ ਉਦਾਹਰਣ ਬਹੁਤ ਘੱਟ ਮਿਲਦੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪ੍ਰਤਾਪਗੜ੍ਹ ’ਚ ਦਲਿਤ ਮੁਟਿਆਰ ਦਾ ਕਤਲ, ਲਾਸ਼ ਦਰੱਖਤ ਨਾਲ ਲਟਕਦੀ ਮਿਲੀ
NEXT STORY 
