ਨੈਸ਼ਨਲ ਡੈਸਕ- ਉੱਤਰ ਪ੍ਰਦੇਸ਼ ਦੇ ਆਜ਼ਮਗੜ੍ਹ ’ਚ ਸਮਾਜਵਾਦੀ ਪਾਰਟੀ ਨੇ ਮੌਜੂਦਾ ਸੰਸਦ ਮੈਂਬਰ ਦਿਨੇਸ਼ ਲਾਲ ਯਾਦਵ ਨਿਰਹੁਆ ਦੇ ਜਿੱਤ ਦੇ ਰੱਥ ਨੂੰ ਰੋਕਣ ਲਈ ਧਰਮਿੰਦਰ ਯਾਦਵ ਨੂੰ ਮੈਦਾਨ ’ਚ ਉਤਾਰਿਆ ਹੈ। ਇਸ ਸਿਆਸੀ ਲੜਾਈ ’ਚ ਦਿਨੇਸ਼ ਲਾਲ ਯਾਦਵ ਦੇ ਭਰਾ ਅਤੇ ਬਿਰਹਾ ਗਾਇਕ ਵਿਜੇ ਲਾਲ ਯਾਦਵ ਸਪਾ ਉਮੀਦਵਾਰ ਧਰਮਿੰਦਰ ਯਾਦਵ ਦਾ ਸਮਰਥਨ ਕਰ ਰਹੇ ਹਨ। ਇਸ ਸਿਆਸੀ ਜੰਗ ਦਰਮਿਆਨ ਜਦੋਂ ਦਿਨੇਸ਼ ਲਾਲ ਯਾਦਵ ਨਿਰਹੁਆ ਆਪਣੀ ਮਾਂ ਨਾਲ ਜਖਨੀਆਂ ਵਿਧਾਨ ਸਭਾ ਹਲਕਾ ਤੜਵਾ ਦੇ ਬੂਥ ਨੰਬਰ 300 ’ਤੇ ਵੋਟ ਪਾਉਣ ਪਹੁੰਚੇ ਤਾਂ ਉਨ੍ਹਾਂ ਦਾ ਸਾਹਮਣਾ ਆਪਣੇ ਵੱਡੇ ਭਰਾ ਅਤੇ ਸਪਾ ਨੇਤਾ ਵਿਜੇ ਲਾਲ ਯਾਦਵ ਨਾਲ ਹੋ ਗਿਆ।
ਅਚਾਨਕ ਹੋਈ ਇਸ ਮੁਲਾਕਾਤ ਦੌਰਾਨ ਨਿਹੂਆ ਨੇ ਆਪਣੇ ਵੱਡੇ ਭਰਾ ਦੇ ਪੈਰ ਛੂਹੇ ਅਤੇ ਫਿਰ ਗਲੇ ਮਿਲੇ ਪਰ ਅਗਲੇ ਹੀ ਪਲ ਉਨ੍ਹਾਂ ’ਤੇ ਸਿਆਸੀ ਤੀਰ ਚਲਾਉਣ ਤੋਂ ਨਹੀਂ ਖੁੰਝੇ। ਦਿਨੇਸ਼ ਲਾਲ ਨਿਰਾਹੁਆ ਮੀਡੀਆ ਨਾਲ ਗੱਲਬਾਤ ਦੌਰਾਨ ਸਪਾ ਅਤੇ ਆਪਣੇ ਭਰਾ ’ਤੇ ਸਿਆਸੀ ਤੀਰ ਚਲਾਉਂਦੇ ਨਜ਼ਰ ਆਏ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਾਰਤ ਨੂੰ ਸ਼ਕਤੀਸ਼ਾਲੀ ਬਣਾਇਆ। ਮੈਂ ਚਾਹੁੰਦਾ ਹਾਂ ਕਿ ਉਹ ਪ੍ਰਧਾਨ ਮੰਤਰੀ ਬਣਨ, ਜਦੋਂ ਕਿ ਮੇਰੇ ਵੱਡੇ ਭਰਾ ਅਤੇ ਗੁਰੂ ਵਿਜੇ ਲਾਲ ਯਾਦਵ ਚਾਹੁੰਦੇ ਹਨ ਕਿ ਰਾਹੁਲ ਗਾਂਧੀ ਪ੍ਰਧਾਨ ਮੰਤਰੀ ਬਣਨ, ਜੋ ਸੰਭਵ ਨਹੀਂ ਹੈ, ਕਿਉਂਕਿ ਸਪਾ ਨੂੰ ਹਾਰ ਹੋਣ ਵਾਲੀ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਕੋਲਕਾਤਾ ਜਾਣ ਵਾਲੀ ਇੰਡੀਗੋ ਦੀ ਫਲਾਈਟ 'ਚ ਬੰਬ ਹੋਣ ਦੀ ਧਮਕੀ, ਪਿਛਲੇ 6 ਦਿਨਾਂ 'ਚ ਇਹ ਤੀਜਾ ਮਾਮਲਾ
NEXT STORY 
