ਬਿਹਾਰ- ਬਿਹਾਰ ਤੋਂ ਇਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਇਕ ਸ਼ਖ਼ਸ ਨੂੰ ਮ੍ਰਿਤਕ ਮੰਨ ਕੇ ਪੋਸਟਮਾਰਟਮ ਦੀ ਤਿਆਰੀ ਸ਼ੁਰੂ ਹੋ ਗਈ। ਉਦੋਂ ਅਚਾਨਕ ਮ੍ਰਿਤਕ ਸ਼ਖ਼ਸ ਉੱਠ ਖੜ੍ਹਾ ਹੋਇਆ, ਜਿਸ ਕਾਰਨ ਉਥੇ ਮੌਜੂਦ ਲੋਕ ਹੈਰਾਨ ਅਤੇ ਪਰੇਸ਼ਾਨ ਹੋ ਗਏ। ਹੁਣ ਇਹ ਮਾਮਲਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦਰਅਸਲ ਇਹ ਮਾਮਲਾ ਬਿਹਾਰ ਸ਼ਰੀਫ ਦੇ ਸਦਰ ਹਸਪਤਾਲ ਦਾ ਦੱਸਿਆ ਜਾ ਰਿਹਾ ਹੈ। ਇੱਥੇ ਹਸਪਤਾਲ ਦੀ ਪਹਿਲੀ ਮੰਜ਼ਿਲ 'ਤੇ ਬਣੇ ਟਾਇਲਟ ਦਾ ਦਰਵਾਜ਼ਾ ਕਾਫੀ ਸਮੇਂ ਤੋਂ ਬੰਦ ਸੀ। ਕਾਫੀ ਸਮਾਂ ਬੀਤ ਜਾਣ 'ਤੇ ਵੀ ਕੋਈ ਹਿਲਜੁਲ ਨਹੀਂ ਹੋਈ ਅਤੇ ਨਾ ਹੀ ਦਰਵਾਜ਼ਾ ਖੁੱਲ੍ਹਿਆ। ਹੁਣ ਉੱਥੇ ਮੌਜੂਦ ਸਵੀਪਰ ਨੂੰ ਇਸ ਗੱਲ 'ਤੇ ਸ਼ੱਕ ਹੋ ਗਿਆ। ਦਰਵਾਜ਼ਾ ਕਾਫੀ ਦੇਰ ਤੋਂ ਬੰਦ ਹੋਣ ਕਾਰਨ ਸਵੀਪਰ ਨੂੰ ਕਿਸੇ ਅਣਸੁਖਾਵੀਂ ਘਟਨਾ ਦਾ ਡਰ ਸਤਾਉਣ ਲੱਗਾ। ਅਜਿਹੇ 'ਚ ਡਰੇ ਹੋਏ ਸਵੀਪਰ ਨੇ ਤੁਰੰਤ ਪੁਲਸ ਨੂੰ ਸੂਚਨਾ ਦਿੱਤੀ। ਸੂਚਨਾ ਮਿਲਦੇ ਹੀ ਪੁਲਸ ਮੌਕੇ 'ਤੇ ਪਹੁੰਚੀ ਅਤੇ ਦਰਵਾਜ਼ਾ ਤੋੜ ਕੇ ਅੰਦਰ ਦਾਖ਼ਲ ਹੋ ਗਈ। ਪੁਲਸ ਨੇ ਇਕ ਸ਼ਖ਼ਸ ਨੂੰ ਫਰਸ਼ 'ਤੇ ਬੇਹੋਸ਼ ਪਿਆ ਦੇਖਿਆ। ਇਸ ਤੋਂ ਬਾਅਦ ਪੁਲਸ ਕਰਮਚਾਰੀਆਂ ਅਤੇ ਸਿਹਤ ਕਰਮਚਾਰੀਆਂ ਨੇ ਉਸ ਦੀ ਨਬਜ਼ ਦੇਖੀ ਅਤੇ ਉਸ ਨੂੰ ਮਰਿਆ ਹੋਇਆ ਸਮਝ ਲਿਆ।
ਲਾਸ਼ ਲਈ ਸਟ੍ਰੈਚਰ ਕੀਤਾ ਗਿਆ ਤਿਆਰ
ਦੇਖਦੇ ਹੀ ਦੇਖਦੇ ਹਸਪਤਾਲ ਦੇ ਟਾਇਲਟ 'ਚ ਲਾਸ਼ ਮਿਲਣ ਦੀ ਖ਼ਬਰ ਅੱਗ ਦੀ ਤਰ੍ਹਾਂ ਫੈਲ ਗਈ। ਟਾਇਲਟ ਦੇ ਨੇੜੇ-ਤੇੜੇ ਹੌਲੀ-ਹੌਲੀ ਭੀੜ ਲੱਗਣੀ ਸ਼ੁਰੂ ਹੋ ਗਈ। ਇੰਨਾ ਹੀ ਨਹੀਂ ਪੁਲਸ ਵੀ ਬੇਹੋਸ਼ ਸ਼ਖ਼ਸ ਨੂੰ ਮ੍ਰਿਤਕ ਮੰਨ ਕੇ ਐੱਫ.ਐੱਸ.ਐੱਲ. ਟੀਮ ਦਾ ਇੰਤਜ਼ਾਰ ਕਰਨ ਲੱਗੀ। ਟਾਇਲਟ 'ਚ ਪਏ ਮ੍ਰਿਤਕ ਸ਼ਖ਼ਸ ਦੀ ਜਾਣਕਾਰੀ ਜਦੋਂ ਸਿਵਲ ਸਰਜਨ ਡਾਕਟਰ ਜਿਤੇਂਦਰ ਕੁਮਾਰ ਸਿੰਘ ਨੂੰ ਲੱਗੀ ਤਾਂ ਉਹ ਵੀ ਉਸ ਨੂੰ ਦੇਖਣ ਪਹੁੰਚੇ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੇ ਬਿਨਾਂ ਨਬਜ਼ ਦੇਖੇ ਹੀ ਸ਼ਖ਼ਸ ਨੂੰ ਮ੍ਰਿਤਕ ਮੰਨ ਲਿਆ ਅਤੇ ਪੋਸਟਮਾਰਟਮ ਹਾਊਸ ਲਿਜਾਉਣ ਦਾ ਆਦੇਸ਼ ਦੇ ਦਿੱਤਾ। ਇਸ ਤੋਂ ਬਾਅਦ ਸਟ੍ਰੈਚਰ ਲਿਆਂਦਾ ਗਿਆ ਅਤੇ ਪੋਸਟਮਾਰਟਮ ਦੀ ਤਿਆਰੀ ਕੀਤੀ ਜਾਣ ਲੱਗੀ।
ਇਹ ਵੀ ਪੜ੍ਹੋ : ਸ਼ਰਮਨਾਕ! 7 ਸਾਲਾ ਬੱਚੀ ਨਾਲ ਉਸ ਦੇ ਹਮਉਮਰ 2 ਬੱਚਿਆਂ ਨੇ ਕੀਤਾ ਜਬਰ-ਜ਼ਿਨਾਹ
ਪੋਸਟਮਾਰਟਮ ਦੀ ਭਣਕ ਲੱਗਦੇ ਉੱਠ ਖੜ੍ਹਾ ਹੋਇਆ ਸ਼ਖ਼ਸ
ਹਾਲਾਂਕਿ ਇਸ ਤੋਂ ਬਾਅਦ ਜੋ ਹੋਇਆ ਉਸ ਨਾਲ ਹਰ ਕੋਈ ਹੈਰਾਨ ਰਹਿ ਗਿਆ। ਪੋਸਟਮਾਰਟਮ ਦੀ ਗੱਲ ਨਾ ਜਾਣੇ ਕਿਵੇਂ ਬੇਹੋਸ਼ ਪਏ ਸ਼ਖ਼ਸ ਦੇ ਕੰਨਾਂ ਤੱਕ ਪਹੁੰਚੀ। ਇਸ ਦੌਰਾਨ ਉਸ ਨੂੰ ਭਣਕ ਲੱਗੀ ਕਿ ਹਰ ਕੋਈ ਉਸ ਨੂੰ ਮਰਿਆ ਹੋਇਆ ਸਮਝ ਰਿਹਾ ਹੈ। ਇਸ ਗੱਲ ਦੇ ਸਮਝਦੇ ਹੀ ਬਿਨਾਂ ਦੇਰੀ ਕੀਤੇ ਬੇਹੋਸ਼ ਪਿਆ ਸ਼ਖ਼ਸ ਉੱਠ ਕੇ ਖੜ੍ਹਾ ਹੋ ਗਿਆ। ਇਹ ਪੂਰਾ ਨਜ਼ਾਰਾ ਦੇਖ ਉੱਥੇ ਮੌਜੂਦ ਪੁਲਸ ਕਰਮੀ, ਸਿਵਲ ਸਰਜਨ ਤੋਂ ਲੈ ਕੇ ਭੀੜ ਤੱਕ ਹੈਰਾਨ ਰਹਿ ਗਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
2 ਲੱਖ ਰੁਪਏ 'ਚ ਫਰਜ਼ੀ IPS ਬਣੇ ਮਿਥੀਲੇਸ਼ ਦਾ ਨਵਾਂ ਸੁਫ਼ਨਾ, ਹੁਣ ਬਣਨਾ ਚਾਹੁੰਦਾ ਹੈ ਡਾਕਟਰ
NEXT STORY 
