ਨਵੀਂ ਦਿੱਲੀ— ਤੰਬਾਕੂ ਸਿਹਤ ਲਈ ਕਿੰਨਾ ਖਤਰਨਾਕ ਹੈ, ਇਸ ਬਾਰੇ ਤੁਸੀਂ ਸ਼ਾਇਦ ਹੀ ਜਾਣਦੇ ਹੋਵੋਗੇ। ਇਸ ਨਾਲ ਕੈਂਸਰ ਵਰਗੀ ਭਿਆਨਕ ਬੀਮਾਰੀ ਹੋ ਸਕਦੀ ਹੈ। ਤੰਬਾਕੂ ਖਾਣ ਕਾਰਨ ਇਸ ਸਦੀ 'ਚ ਕਰੀਬ ਇਕ ਅਰਬ ਲੋਕਾਂ ਦੀ ਮੌਤ ਹੋਣ ਦਾ ਖਦਸ਼ਾ ਹੈ। ਸ਼ੋਧ ਸੰਸਥਾ ਰੀਜ਼ਨ ਫਾਊਂਡੇਸ਼ਨ ਦੀ ਵੀਰਵਾਰ ਨੂੰ ਜਾਰੀ ਇਕ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਤੰਬਾਕੂ ਖਾਣ ਨਾਲ ਹੋਣ ਵਾਲੀ ਕੈਂਸਰ ਵਰਗੀ ਖਤਰਨਾਕ ਬੀਮਾਰੀ ਕਾਰਨ 20ਵੀਂ ਸ਼ਤਾਬਦੀ 'ਚ 10 ਕਰੋੜ ਲੋਕਾਂ ਦੀ ਜਾਨ ਗਈ ਸੀ ਅਤੇ ਲੋਕਾਂ 'ਚ ਜਿਸ ਤਰ੍ਹਾਂ ਤੇਜ਼ੀ ਨਾਲ ਇਸ ਦੀ ਵਰਤੋਂ ਵਧ ਰਹੀ ਹੈ, ਉਸ ਨੂੰ ਦੇਖਦੇ ਹੋਏ 21ਵੀਂ ਸ਼ਤਾਬਦੀ 'ਚ ਤਕਰੀਬਨ ਇਕ ਅਰਬ ਲੋਕਾਂ ਦੀ ਮੌਤ ਹੋਣ ਦਾ ਖਦਸ਼ਾ ਹੈ।
ਰਿਪੋਰਟ ਮੁਤਾਬਕ ਤੰਬਾਕੂ ਖਾਣ ਨਾਲ ਮਰਨ ਵਾਲਿਆਂ 'ਚ ਜ਼ਿਆਦਾਤਰ ਘੱਟ ਅਤੇ ਮੱਧ ਉਮਰ ਵਾਲੇ ਦੇਸ਼ ਦੇ ਹੋਣਗੇ। ਕਰੀਬ 50 ਕਰੋੜ ਲੋਕਾਂ ਦੀ ਮੌਤ 70 ਸਾਲ ਦੀ ਉਮਰ ਤੋਂ ਪਹਿਲਾਂ ਹੋਣ ਦਾ ਖਦਸ਼ਾ ਹੈ। ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਤੰਬਾਕੂ ਖਾਣ ਨਾਲ ਉਮਰ 10 ਸਾਲ ਘੱਟ ਜਾਂਦੀ ਹੈ, ਹਾਲਾਂਕਿ 40 ਸਾਲ ਦੀ ਉਮਰ ਤੋਂ ਪਹਿਲਾਂ ਤੰਬਾਕੂ ਛੱਡਣ ਵਾਲੇ ਲੋਕਾਂ 'ਚ ਇਸ ਨਾਲ ਹੋਣ ਵਾਲੀ ਮੌਤ ਦਾ ਜ਼ੋਖਮ ਕਰੀਬ 90 ਫੀਸਦੀ ਤੱਕ ਘੱਟ ਹੋ ਜਾਂਦਾ ਹੈ, ਉੱਥੇ ਹੀ 50 ਸਾਲ ਦੀ ਉਮਰ ਵਿਚ ਛੱਡਣ ਵਾਲੇ ਲੋਕਾਂ 'ਚ ਇਹ ਜ਼ੋਖਮ 50 ਫੀਸਦੀ ਤੱਕ ਘੱਟ ਹੁੰਦਾ ਹੈ।
ਸੱਤ ਕੈਦੀਆਂ ਦੀਆਂ ਭੈਣਾਂ ਵੀ ਜੇਲ 'ਚ ਬੰਦ, ਬੈਰਕ 'ਚ ਹੀ ਮਨਾਇਆ ਰੱਖੜੀ ਦਾ ਤਿਉਹਾਰ
NEXT STORY 
