ਨੈਸ਼ਨਲ ਡੈਸਕ : ਦੇਸ਼ ਭਰ ਵਿੱਚ ਨਰਾਤਿਆਂ ਦਾ ਤਿਉਹਾਰ ਬੜੀ ਧੂਮਧਾਮ ਅਤੇ ਸ਼ਰਧਾ ਨਾਲ ਮਨਾਇਆ ਜਾਂਦਾ ਹੈ। ਇਸ ਸਮੇਂ ਦੌਰਾਨ ਮਾਂ ਆਦਿਸ਼ਕਤੀ ਦੁਰਗਾ ਦੇ ਵੱਖ-ਵੱਖ ਰੂਪਾਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਅੱਜ ਤੋਂ ਚੇਤ ਦੇ ਨਰਾਤੇ ਸ਼ੁਰੂ ਹੋ ਰਹੇ ਹਨ ਅਤੇ ਮਾਂ ਆਦਿਸ਼ਕਤੀ ਦੇ ਸ਼ੈਲਪੁੱਤਰੀ ਰੂਪ ਦੀ ਪੂਜਾ ਕੀਤੀ ਜਾਵੇਗੀ। ਨਰਾਤਿਆਂ ਦਾ ਪਹਿਲਾ ਦਿਨ ਬਹੁਤ ਮਹੱਤਵਪੂਰਨ ਹੈ। ਇਸ ਦਿਨ ਮਾਤਾ ਸ਼ੈਲਪੁੱਤਰੀ ਦੀ ਪੂਜਾ ਕਰਨ ਤੋਂ ਬਾਅਦ ਘਾਟ ਸਥਾਪਨਾ ਕੀਤੀ ਜਾਂਦੀ ਹੈ। ਮਾਂ ਸ਼ੈਲਪੁੱਤਰੀ ਨੂੰ ਧੀਰਜ ਅਤੇ ਪਿਆਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਸੱਚੇ ਮਨ ਨਾਲ ਇਸ ਦੀ ਪੂਜਾ ਕਰਨ ਵਾਲੇ ਦੀਆਂ ਸਾਰੀਆਂ ਮੁਸ਼ਕਲਾਂ ਦੂਰ ਹੋ ਜਾਂਦੀਆਂ ਹਨ ਅਤੇ ਜੀਵਨ ਵਿੱਚ ਖੁਸ਼ੀਆਂ ਆਉਂਦੀਆਂ ਹਨ।
ਇਹ ਵੀ ਪੜ੍ਹੋ : 5 ਅਪ੍ਰੈਲ ਤੋਂ ਇਨ੍ਹਾਂ ਪੰਜ ਰਾਸ਼ੀਆਂ ਦੀ ਹੋਵੇਗੀ ਬੱਲੇ-ਬੱਲੇ, ਭਰ ਜਾਵੇਗੀ ਤੁਹਾਡੀ ਤਿਜੌਰੀ
ਮਾਂ ਸ਼ੈਲਪੁੱਤਰੀ ਦੀ ਪੂਜਾ ਵਿਧੀ
ਚੇਤ ਦੇ ਨਰਾਤਿਆਂ ਦੇ ਪਹਿਲੇ ਦਿਨ ਮਾਂ ਸ਼ੈਲਪੁੱਤਰੀ ਦੀ ਪੂਜਾ ਕਰਨ ਤੋਂ ਪਹਿਲਾਂ ਸ਼ੁਭ ਸਮੇਂ ਵਿੱਚ ਘਾਟ ਸਥਾਪਨਾ ਕਰੋ। ਉਪਰੰਤ ਵਿਘਨ ਦੂਰ ਕਰਨ ਵਾਲੇ ਭਗਵਾਨ ਗਣੇਸ਼ ਜੀ ਦੀ ਪੂਜਾ ਅਰਚਨਾ ਕਰਕੇ ਅਖੰਡ ਜੋਤ ਜਗਾਓ। ਹੁਣ ਸ਼ੋਦੋਪਾਚਾਰ ਵਿਧੀ ਨਾਲ ਮਾਂ ਸ਼ੈਲਪੁੱਤਰੀ ਦੀ ਪੂਜਾ ਕਰੋ। ਇਸ ਸਮੇਂ ਦੌਰਾਨ ਮਾਂ ਸ਼ੈਲਪੁਤਰੀ ਨੂੰ ਕੁਮਕੁਮ, ਸਫੈਦ ਚੰਦਨ, ਸਿੰਦੂਰ, ਸੁਪਾਰੀ, ਹਲਦੀ, ਲੌਂਗ, ਨਾਰੀਅਲ ਅਤੇ 16 ਸ਼ਿੰਗਾਰ ਦਾ ਸਾਮਾਨ ਅਰਪਿਤ ਕਰੋ। ਮਾਂ ਸ਼ੈਲਪੁੱਤਰੀ ਨੂੰ ਚਿੱਟੇ ਫੁੱਲ ਅਤੇ ਚਿੱਟੀ ਮਿਠਾਈ ਚੜ੍ਹਾਓ। ਇਸ ਤੋਂ ਬਾਅਦ ਮਾਂ ਸ਼ੈਲਪੁੱਤਰੀ ਦੇ ਬੀਜ ਮੰਤਰਾਂ ਦਾ ਜਾਪ ਕਰੋ ਅਤੇ ਅੰਤ ਵਿੱਚ ਆਰਤੀ ਕਰੋ। ਸ਼ਾਮ ਨੂੰ ਵੀ ਮਾਂ ਸ਼ੈਲਪੁੱਤਰੀ ਦੀ ਆਰਤੀ ਕਰੋ ਅਤੇ ਲੋਕਾਂ ਨੂੰ ਪ੍ਰਸ਼ਾਦ ਦਿਓ।
ਇਹ ਵੀ ਪੜ੍ਹੋ : Vastu Tips : ਇਸ ਦਿਸ਼ਾ 'ਚ ਲਗਾਓ ਕਾਮਧੇਨੂ ਗਾਂ ਦੀ ਮੂਰਤੀ
ਮਾਂ ਸ਼ੈਲਪੁੱਤਰੀ ਦਾ ਮਨਪਸੰਦ ਰੰਗ ਅਤੇ ਭੋਗ
ਮਾਂ ਸ਼ੈਲਪੁੱਤਰੀ ਦਾ ਮਨਪਸੰਦ ਰੰਗ ਚਿੱਟਾ ਹੈ, ਇਸ ਲਈ ਪੂਜਾ ਵਿੱਚ ਸਫੈਦ ਰੰਗ ਦੀਆਂ ਖਾਣ-ਪੀਣ ਵਾਲੀਆਂ ਵਸਤੂਆਂ ਜਿਵੇਂ ਖੀਰ, ਰਸਗੁੱਲਾ, ਪਤਾਸੇ ਆਦਿ ਚੜ੍ਹਾਉਣੇ ਚਾਹੀਦੇ ਹਨ। ਇਸ ਤੋਂ ਇਲਾਵਾ ਚੰਗੀ ਸਿਹਤ ਅਤੇ ਲੰਬੀ ਉਮਰ ਲਈ ਮਾਂ ਸ਼ੈਲਪੁੱਤਰੀ ਨੂੰ ਗਾਂ ਦਾ ਘਿਓ ਚੜ੍ਹਾਓ। ਤੁਸੀਂ ਗਾਂ ਦੇ ਘਿਓ ਤੋਂ ਬਣੀ ਮਠਿਆਈ ਵੀ ਚੜ੍ਹਾ ਸਕਦੇ ਹੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਭਾਰਤ ਵਿਚ ਗੈਰ-ਕਾਨੂੰਨੀ ਤੌਰ ’ਤੇ ਰਹਿਣ ਦੇ ਦੋਸ਼ ਵਿਚ 14 ਵਿਦੇਸ਼ੀ ਗ੍ਰਿਫ਼ਤਾਰ
NEXT STORY 
