ਹਰਿਆਣਾ- ਭਾਰਤ ਸਰਕਾਰ ਨੇ ਸੰਸਦ 'ਚ ਮੰਨਿਆ ਕਿ ਹਰਿਆਣਾ 'ਚ ਭਾਜਪਾ ਸਰਕਾਰ ਬਣਨ ਤੋਂ ਬਾਅਦ ਬੇਰੁਜ਼ਗਾਰੀ ਦਰ ਤਿੰਨ ਗੁਣਾ ਵਧੀ ਹੈ। ਸੰਸਦ 'ਚ ਦੀਪੇਂਦਰ ਸਿੰਘ ਹੁੱਡਾ ਦੇ ਸਵਾਲ 'ਤੇ ਕਿਰਤ ਅਤੇ ਰੁਜ਼ਗਾਰ ਰਾਜ ਮੰਤਰੀ ਰਾਮੇਸ਼ਵਰ ਤੇਲੀ ਦੇ ਜਵਾਬ ਤੋਂ ਸਪੱਸ਼ਟ ਹੈ ਕਿ ਹਰਿਆਣਾ 'ਚ ਕਾਂਗਰਸ ਸਰਕਾਰ ਦੇ ਸਮੇਂ 2013-14 'ਚ ਬੇਰੁਜ਼ਗਾਰੀ ਦਰ 2.9 ਫੀਸਦੀ ਸੀ, ਜੋ ਭਾਜਪਾ ਸਰਕਾਰ ਦੌਰਾਨ 2021-22 'ਚ 9.0 ਫੀਸਦੀ ਪਹੁੰਚ ਗਈ ਹੈ। ਰਾਸ਼ਟਰੀ ਪੱਧਰ 'ਤੇ ਬੇਰੁਜ਼ਗਾਰੀ ਦਰ ਨੂੰ ਦੇਖੀਏ ਤਾਂ ਇਹ 4.1 ਫੀਸਦੀ ਹੈ ਇਸ ਹਿਸਾਬ ਨਾਲ ਹਰਿਆਣਾ 'ਚ ਇਹ ਦਰ ਦੁੱਗਣੇ ਤੋਂ ਵੀ ਜ਼ਿਆਦਾ ਹੈ। ਇਹ ਭਿਆਨਕ ਸਥਿਤੀ ਉਦੋਂ ਹੈ ਜਦੋਂ ਹਰਿਆਣਾ ਨੇ ਰਾਸ਼ਟਰੀ ਰਾਜਧਾਨੀ ਨੂੰ ਤਿੰਨ ਪਾਸਿਓਂ ਘੇਰ ਰੱਖਿਆ ਹੈ। ਦੀਪੇਂਦਰ ਹੁੱਡਾ ਨੇ ਕਿਹਾ ਕਿਹਾ ਕਿ ਦੇਸ਼ 'ਚ ਹਰਿਆਣਾ ਇਕੱਲਾ ਅਜਿਹਾ ਪ੍ਰਦੇਸ਼ ਹੈ, ਜਿੱਥੇ ਭਾਜਪਾ ਸ਼ਾਸਨ ਕਾਲ 'ਚ ਬੇਰੁਜ਼ਗਾਰੀ ਦਰ ਤਿੰਨ ਗੁਣਾ ਵਧੀ ਹੈ। ਹਰਿਆਣਾ 'ਚ ਬੇਰੁਜ਼ਗਾਰੀ ਨੇ ਬਿਹਾਰ ਅਤੇ ਝਾਰਖੰਡ ਵਰਗੇ ਸੂਬਿਆਂ ਨੂੰ ਵੀ ਪਿੱਛੇ ਦਿੱਤਾ ਹੈ। ਇੰਨਾ ਹੀ ਨਹੀਂ, ਬੇਰੁਜ਼ਗਾਰੀ ਦਰ ਦੇ ਮਾਮਲੇ 'ਚ ਹਰਿਆਣਾ ਉੱਤਰ ਭਾਰਤ ਦੇ ਸੂਬਿਆਂ 'ਚ ਨੰਬਰ ਇਕ ਬਣ ਗਿਆ ਹੈ। ਹਰਿਆਣਾ ਨੇ ਪੰਜਾਬ, ਹਿਮਾਚਲ ਪ੍ਰਦੇਸ਼, ਰਾਜਸਥਾਨ, ਉੱਤਰਾਖੰਡ, ਉੱਤਰ ਪ੍ਰਦੇਸ਼, ਝਾਰਖੰਡ, ਬਿਹਾਰ, ਮੱਧ ਪ੍ਰਦੇਸ਼, ਛੱਤੀਸਗੜ੍ਹ, ਗੁਜਰਾਤ ਵਰਗੇ ਪ੍ਰਦੇਸ਼ਾਂ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਦੇਸ਼ 'ਚ ਤੇਜ਼ੀ ਨਾਲ ਵੱਧ ਰਹੀ ਬੇਰੁਜ਼ਗਾਰੀ ਕਾਰਨ ਨਸ਼ਾ ਵਧਿਆ ਅਤੇ ਨਸ਼ੇ ਕਾਰਨ ਅਪਰਾਧ ਵਧਿਆ। ਬੇਰੁਜ਼ਗਾਰੀ ਨਸ਼ੇ ਅਤੇ ਅਪਰਾਧ ਦੀ ਜੜ੍ਹ ਹੈ।
ਸੰਸਦ ਮੈਂਬਰ ਦੀਪੇਂਦਰ ਨੇ ਕਿਹਾ ਕਿ 2014 ਤੱਕ ਪ੍ਰਤੀ ਵਿਅਕਤੀ ਆਮਦਨ, ਪ੍ਰਤੀ ਵਿਅਕਤੀ ਨਿਵੇਸ਼ 'ਚ ਸਭ ਤੋਂ ਅੱਗੇ ਸੀ। ਰੁਜ਼ਗਾਰ ਦੇ ਮਾਮਲੇ 'ਚ ਹਰਿਆਣਾ ਦੂਜੇ ਪ੍ਰਦੇਸ਼ਾਂ ਨੂੰ ਰਸਤਾ ਦਿਖਾਉਂਦਾ ਸੀ। ਦੂਰ-ਦੂਰ ਤੋਂ ਲੋਕ ਹਰਿਆਣਾ 'ਚ ਰੁਜ਼ਗਾਰ ਲਈ ਆਉਂਦੇ ਸਨ ਪਰ ਅੱਜ ਦੇਸ਼ 'ਚ ਸਭ ਤੋਂ ਜ਼ਿਆਦਾ ਬੇਰੁਜ਼ਗਾਰੀ ਝੱਲ ਰਹੇ ਨੌਜਵਾਨਾਂ 'ਤੇ ਲਗਾਤਾਰ ਭਰਤੀ ਘਪਲੇ, ਭ੍ਰਿਸ਼ਟਾਚਾਰ ਦੀ ਮਾਰ ਪੈ ਰਹੀ ਹੈ। ਪਿਛਲੇ 9 ਸਾਲ ਤੋਂ ਪ੍ਰਦੇਸ਼ 'ਚ ਕੋਈ ਨਵਾਂ ਨਿਵੇਸ਼, ਨਵੀਂ ਫੈਕਟਰੀ ਨਹੀਂ ਲੱਗੀ। ਇੰਟਰਨੈਸ਼ਨਲ ਏਅਰਪੋਰਟ, ਰੇਲਕੋਚ ਫੈਕਟਰੀ ਵਰਗੀ ਹਰਿਆਣਾ ਦੇ ਵੱਡੇ ਅਤੇ ਮਨਜ਼ੂਰਸ਼ੁਦਾ ਪ੍ਰਾਜੈਕਟ ਦੂਜੇ ਪ੍ਰਦੇਸ਼ਾਂ 'ਚ ਚਲੇ ਗਏ। ਦੀਪੇਂਦਰ ਹੁੱਡਾ ਨੇ ਕਿਹਾ ਕਿ ਇਕ ਪਾਸੇ ਹਰਿਆਣਾ 'ਚ ਸਭ ਤੋਂ ਜ਼ਿਆਦਾ ਬੇਰੁਜ਼ਗਾਰੀ ਹੈ ਤਾਂ ਦੂਜੇ ਪਾਸੇ 2 ਲੱਖ ਸਰਕਾਰੀ ਅਹੁਦੇ ਖ਼ਾਲੀ ਪਏ ਹੋਏ ਹਨ। ਭਰਤੀਆਂ ਭ੍ਰਿਸ਼ਟਾਚਾਰ ਦੀ ਭੇਟ ਚੜ੍ਹ ਰਹੀਆਂ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਚੀਤਿਆਂ ਦੀ ਮੌਤ ਤੋਂ ਸੁਪਰੀਮ ਕੋਰਟ ਚਿੰਤਿਤ, ਹਲਫਨਾਮਾ ਤਲਬ
NEXT STORY 
