ਸ਼ਿਮਲਾ- ਉਤਰਾਖੰਡ 'ਚ ਹੋਈ ਤਬਾਹੀ ਨੂੰ ਦੇਖਦੇ ਹੋਏ ਲਾਹੌਲ-ਸਪੀਤੀ ਜ਼ਿਲ੍ਹੇ ਦੇ ਵਾਸੀਆਂ ਨੇ ਚਿਨਾਬ ਨਦੀ ਦੇ ਬੇਸਿਨ 'ਚ ਪ੍ਰਸਤਾਵਿਤ ਪਣ-ਬਿਜਲੀ ਪ੍ਰਾਜੈਕਟਾਂ ਵਿਰੁੱਧ ਵਿਰੋਧ ਸ਼ੁਰੂ ਕਰ ਦਿੱਤਾ ਹੈ। ਹਿਮਾਚਲ ਦੇ ਚਿਨਾਬ ਬੇਸਿਨ 'ਚ ਕਈ ਬਿਜਲੀ ਪ੍ਰਾਜੈਕਟਾਂ ਅਲਾਟ ਕੀਤੇ ਗਏ ਹਨ, ਜਿਵੇਂ ਕਿ ਐੱਸ.ਜੇ.ਵੀ.ਐੱਨ.ਐੱਲ., ਐੱਨ.ਐੱਚ.ਪੀ.ਸੀ., ਐੱਚ.ਪੀ.ਸੀ.ਐੱਲ. ਅਤੇ ਐੱਨ.ਟੀ.ਪੀ.ਸੀ. ਵਰਗੀਆਂ ਮੁੱਖ ਕੰਪਨੀਆਂ। ਇਨ੍ਹਾਂ ਤੋਂ ਇਲਾਵਾ ਕਈ ਪਣ-ਬਿਜਲੀ ਪ੍ਰਾਜੈਕਟਾਂ ਲਾਹੌਲ-ਸਪੀਤੀ 'ਚ ਤੰਦੀ, ਰਸ਼ਿਲ, ਬਰਦਾਂਗ, ਮਿਆਰ ਅਤੇ ਜਿਸਪਾ ਲਈ ਪਾਈਪਲਾਈਨ 'ਚ ਹਨ। ਚਮੋਲੀ ਦੀ ਤਬਾਹੀ ਤੋਂ ਦੁਖੀ, ਟਾਂਡੀ ਅਤੇ ਗਊਸ਼ਾਲ ਪੰਚਾਇਤਾਂ ਦੇ ਵਾਸੀਆਂ ਨੇ ਚਿਨਾਬ ਬੈਂਕਾਂ 'ਤੇ ਪ੍ਰਸਤਾਵਿਤ ਪ੍ਰਾਜੈਕਟਾਂ ਦਾ ਵਿਰੋਧ ਕਰਨ ਲਈ ਇਕ ਬੈਠਕ ਕੀਤੀ। ਟਾਂਡੀ ਪੰਚਾਇਤ ਪ੍ਰਧਾਨ ਵੀਰੇਂਦਰ ਕੁਮਾਰ ਨੇ ਕਿਹਾ,''ਅਸੀਂ ਲਾਹੌਲ-ਸਪੀਤੀ 'ਚ ਬਿਜਲੀ ਪ੍ਰਾਜੈਕਟ ਸਥਾਪਤ ਕਰਨ ਦੇ ਸਰਕਾਰ ਦੇ ਫ਼ੈਸਲੇ ਦਾ ਵਿਰੋਧ ਕਰਦੇ ਹਾਂ, ਕਿਉਂਕਿ ਇਹ ਖੇਤਰ ਦੇ ਵਾਤਾਵਰਣ ਨੂੰ ਪ੍ਰਭਾਵਿਤ ਕਰੇਗਾ। ਅਸੀਂ ਤੰਦੀ ਪ੍ਰਾਜੈਕਟ ਵਿਰੁੱਧ ਇਕ ਪ੍ਰਸਤਾਵ ਪਾਸ ਕੀਤਾ ਹੈ।''
ਇਸ ਤਰ੍ਹਾਂ ਦੇ ਖ਼ਦਸ਼ਿਆਂ ਨੂੰ ਦੇਖਦੇ ਹੋਏ ਗੈਰ-ਸਰਕਾਰੀ ਸੰਗਠਨ ਸੇਵ ਲਾਹੌਲ ਕਮੇਟੀ ਦੇ ਉੱਪ ਪ੍ਰਧਾਨ ਵਿਕਰਮ ਕਟੋਚ ਨੇ ਕਿਹਾ ਕਿ ਚਿਨਾਬ ਬੇਸਿਨ 'ਚ ਵੱਧ ਪਣ-ਬਿਜਲੀ ਪ੍ਰਾਜੈਕਟਾਂ ਦੀ ਸਥਾਪਨਾ ਦੇ ਵਿਰੋਧ 'ਚ ਜ਼ਿਲੇ ਦੇ ਵਾਸੀ ਇਕਜੁਟ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਬਿਜਲੀ ਪ੍ਰਾਜੈਕਟਾਂ ਦੇ ਗਲਤ ਪ੍ਰਭਾਵ ਬਾਰੇ ਜਾਗਰੂਕਤਾ ਫੈਲਾਉਣ ਲਈ ਜ਼ਿਲ੍ਹੇ ਭਰ 'ਚ ਮੁਹਿੰਮ ਚਲਾਈ ਜਾਵੇਗੀ।
ਸੂਬਾ ਕਾਂਗਰਸ ਨਿਯੁਕਤ ਕਰੇਗੀ 10 ਹਜ਼ਾਰ ਸੋਸ਼ਲ ਮੀਡੀਆ 'ਵਾਰੀਅਰਜ਼'
NEXT STORY 
