ਨਵੀਂ ਦਿੱਲੀ- ਰਾਜਧਾਨੀ ਦਿੱਲੀ 'ਚ ਵਿਜੇ ਚੌਕ 'ਤੇ ਬੀਟਿੰਗ ਦਿ ਰਿਟ੍ਰੀਟ ਸੈਰੇਮੇਨੀ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਇਸ ਪ੍ਰੋਗਰਾਮ 'ਚ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਸਮੇਤ ਦੇਸ਼ ਦੇ ਸਾਰੇ ਦਿੱਗਜ ਲੋਕ ਸ਼ਾਮਲ ਹੋ ਰਹੇ ਹਨ। ਗਣਤੰਤਰ ਦਿਵਸ ਦਾ ਚਾਰ ਦਿਨਾਂ ਤੱਕ ਚੱਲਣ ਵਾਲੇ ਸਮਾਰੋਹ ਦਾ ਸ਼ਾਨਦਾਰ ਸਮਾਪਨ ਬੀਟਿੰਗ ਦਿ ਰਿਟ੍ਰੀਟ ਨਾਲ ਹੁੰਦਾ ਹੈ। ਇਸ ਸਮਾਰੋਹ 'ਚ ਭਾਰਤ ਦੀ ਤਿੰਨੋਂ ਸੈਨਾਵਾਂ ਦੇ ਬੈਂਡ ਰਵਾਇਤੀ ਧੁਨਾਂ ਵਜਾਉਂਦੇ ਹਨ। ਇਸ ਦੌਰਾਨ ਵਿਜੇ ਚੌਕ ਦੀਆਂ ਇਤਿਹਾਸਕ ਇਮਾਰਤਾਂ ਨੂੰ ਰੰਗ-ਬਿਰੰਗੀ ਰੋਸ਼ਨੀ ਨਾਲ ਸਜਾਇਆ ਜਾਂਦਾ ਹੈ।
ਬੀਟਿੰਗ ਰਿਟ੍ਰੀਟ ਸੈਰੇਮਨੀ ਦਾ ਮਤਲਬ ਹੈ, ਫ਼ੌਜ ਦੀ ਬੈਰਕ 'ਚ ਵਾਪਸੀ। ਇਹ ਪਰੰਪਰਾ ਰਾਜਾ ਮਹਾਰਾਜਾਵਾਂ ਦੇ ਸਮੇਂ ਤੋਂ ਚਲੀ ਆ ਰਹੀ ਹੈ। ਜਿਸ 'ਚ ਸੈਨਾਵਾਂ ਦਿਨ ਭਰ ਯੁੱਧ ਲੜਦੀਆਂ ਸਨ ਅਤੇ ਫਿਰ ਸੂਰਜ ਡੁੱਬਣ ਤੋਂ ਬਾਅਦ ਸੈਨਿਕ ਯੁੱਧ ਬੰਦ ਕਰ ਦਿੰਦੇ ਸਨ। ਉਸ ਸਮੇਂ ਇਕ ਸੰਗੀਤ ਵਜਦਾ ਸੀ, ਜਿਸ ਨੂੰ ਬੀਟਿੰਗ ਰਿਟ੍ਰੀਟ ਕਿਹਾ ਜਾਂਦਾ ਸੀ। ਗਣਤੰਤਰ ਦਿਵਸ ਤੋਂ ਬਾਅਦ ਬੀਟਿੰਗ ਰਿਟ੍ਰੀਟ ਵੀ ਉਸੇ ਪਰੰਪਰਾ ਨੂੰ ਧਿਆਨ 'ਚ ਰੱਖਦੇ ਹੋਏ ਮਨਾਈ ਜਾਂਦੀ ਹੈ। ਜਿਸ 'ਚ ਸੂਰਜ ਡੁੱਬਣ ਤੋਂ ਬਾਅਦ ਰਾਸ਼ਟਰਗੀਤ ਤੋਂ ਬਾਅਦ ਰਾਸ਼ਟਰੀ ਝੰਡੇ ਨੂੰ ਝੁਕਾ ਦਿੱਤਾ ਜਾਂਦਾ ਹੈ। ਗਣਤੰਤਰ ਦਿਵਸ ਦੇ ਚੌਥੇ ਦਿਨ 'ਬੀਟਿੰਗ ਦਿ ਰਿਟ੍ਰੀਟ ਸੈਰੇਮਨੀ' ਦਾ ਆਯੋਜਨ ਹੁੰਦਾ ਹੈ।
ਸਮਾਰੋਹ ਦੀ ਸ਼ੁਰੂਆਤ 'ਕਦਮ ਕਦਮ ਬੜਾਏ ਜਾ' ਦੀ ਸ਼ਾਨਦਾਰ ਧੁਨ ਨਾਲ ਹੋਈ। ਇਹ ਪ੍ਰੋਗਰਾਮ 'ਸਾਰੇ ਜਹਾਂ ਸੇ ਅੱਛਾ' ਦੀ ਧੁਨ ਨਾਲ ਸਮਾਪਤ ਹੋਵੇਗਾ। ਅੱਜ ਦੇ ਸਮਾਰੋਹ ਦੇ ਮੁੱਖ ਸੰਚਾਲਕ ਕਮਾਂਡਰ ਮਨੋਜ ਸੇਬੇਸਟੀਅਨ ਹਨ। ਆਰਮੀ ਬੈਂਡ ਦੇ ਸੰਚਾਲਕ ਸੂਬੇਦਾਰ ਮੇਜਰ ਬਿਸ਼ਨ ਬਹਾਦਰ ਹਨ, ਜਦੋਂ ਕਿ ਨੇਵੀ ਬੈਂਡ ਐੱਮ ਐਂਟਨੀ ਦੀ ਅਗਵਾਈ ਹੇਠ ਪ੍ਰਦਰਸ਼ਨ ਕਰੇਗਾ। ਵਾਰੰਟ ਅਫ਼ਸਰ ਅਸ਼ੋਕ ਕੁਮਾਰ ਏਅਰ ਫੋਰਸ ਬੈਂਡ ਦੇ ਕੰਡਕਟਰ ਹਨ। ਸੀਏਪੀਐੱਫ ਬੈਂਡ ਦੀ ਕਮਾਨ ਹੈੱਡ ਕਾਂਸਟੇਬਲ ਜੀਡੀ ਮਹਾਜਨ ਕੈਲਾਸ਼ ਮਾਧਵ ਰਾਓ ਦੇ ਹੱਥ ਹੈ। ਪਾਈਪਸ ਅਤੇ ਡਰੱਮ ਬੈਂਡ ਦੀ ਕਮਾਨ ਸੂਬੇਦਾਰ ਮੇਜਰ ਅਭਿਲਾਸ਼ ਸਿੰਘ ਕੋਲ ਹੈ। ਉੱਥੇ ਹੀ ਬਗਲਰ ਨਾਇਬ ਸੂਬੇਦਾਰ ਭੂਪਾਲ ਸਿੰਘ ਦੀ ਅਗਵਾਈ ਹੇਠ ਆਪਣਾ ਪ੍ਰਦਰਸ਼ਨ ਦੇਣਗੇ। ਬੀਟਿੰਗ ਰਿਟਰੀਟ ਦੀ ਇਹ ਪਰੰਪਰਾ ਭਾਰਤ 'ਚ 1952 'ਚ ਸ਼ੁਰੂ ਹੋਈ ਸੀ ਜਦੋਂ ਮਹਾਰਾਣੀ ਐਲਿਜ਼ਾਬੈਥ ਅਤੇ ਪ੍ਰਿੰਸ ਫਿਲਿਪ ਮਹਿਮਾਨ ਸਨ। ਉਸ ਸਮੇਂ ਭਾਰਤੀ ਫੌਜ ਦੇ ਮੇਜਰ ਰਾਬਰਟ ਨੇ ਫੌਜ ਦੇ ਬੈਂਡ ਦੁਆਰਾ ਇਕ ਪ੍ਰਦਰਸ਼ਨ ਦਾ ਪ੍ਰਬੰਧ ਕੀਤਾ ਸੀ। ਇਹ ਪਰੰਪਰਾ ਉਦੋਂ ਤੋਂ ਹੀ ਚੱਲੀ ਆ ਰਹੀ ਹੈ। ਇਸ ਪ੍ਰੋਗਰਾਮ ਦੇ ਨਾਲ ਗਣਤੰਤਰ ਦਿਵਸ ਦੇ ਜਸ਼ਨ ਅਧਿਕਾਰਤ ਤੌਰ 'ਤੇ ਸਮਾਪਤ ਹੋ ਜਾਣਗੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
'ਜਾਕੋ ਰਾਖੇ ਸਾਈਆਂ ਮਾਰ ਸਕੇ ਨਾ ਕੋਇ', 30 ਘੰਟੇ ਬਾਅਦ ਇਮਾਰਤ ਦੇ ਮਲਬੇ 'ਚੋਂ ਜ਼ਿੰਦਾ ਕੱਢਿਆ ਪਰਿਵਾਰ
NEXT STORY 
