ਬੈਂਗਲੁਰੂ (ਏਜੰਸੀ)- ਅਦਾਕਾਰਾ ਰਸ਼ਮੀਕਾ ਮੰਦਾਨਾ ਵੱਲੋਂ ਖੁਦ ਨੂੰ "ਕਰਨਾਟਕ ਦੀ ਬਜਾਏ ਹੈਦਰਾਬਾਦ ਤੋਂ" ਦੱਸਣ 'ਤੇ ਸੱਤਾਧਾਰੀ ਪਾਰਟੀ ਦੇ ਵਿਧਾਇਕ ਰਵੀ ਕੁਮਾਰ ਗੌੜਾ (ਗਨੀਗਾ) ਅਤੇ ਕੰਨੜ ਕਾਰਕੁਨ ਟੀ.ਏ. ਨਾਰਾਇਣ ਗੌੜਾ ਵੱਲੋਂ ਆਲੋਚਨਾ ਦੇ ਵਿਚਕਾਰ, ਕੋਡਵਾ ਨੈਸ਼ਨਲ ਕੌਂਸਲ (ਸੀਐੱਨਸੀ) ਨੇ ਅਦਾਕਾਰਾ ਦਾ ਸਮਰਥਨ ਕੀਤਾ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਰਾਜ ਦੇ ਗ੍ਰਹਿ ਮੰਤਰੀ ਜੀ. ਪਰਮੇਸ਼ਵਰ ਤੋਂ ਉਨ੍ਹਾਂ ਦੀ ਸੁਰੱਖਿਆ ਦੀ ਅਪੀਲ ਕੀਤੀ ਹੈ। ਹਾਲਾਂਕਿ, ਰਵੀ ਕੁਮਾਰ ਗੌੜਾ ਨੇ ਹੁਣ ਆਪਣੇ ਬਿਆਨ 'ਤੇ ਸਪੱਸ਼ਟੀਕਰਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ 'ਸਬਕ ਸਿਖਾਵਾਂਗਾ' ਕਹਿਣ ਦਾ ਮੇਰਾ ਮਤਲਬ ਹਮਲਾ ਕਰਨ ਦਾ ਇਰਾਦਾ ਨਹੀਂ ਸੀ। ਮੇਰਾ ਮਤਲਬ ਸੀ ਕਿ ਉਨ੍ਹਾਂ ਨੂੰ ਸਾਡੀ ਧਰਤੀ ਅਤੇ ਭਾਸ਼ਾ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ। ਮੈਂ ਸਿਰਫ਼ ਇਹੀ ਕਿਹਾ, 'ਜਿਸ ਪੌੜੀ 'ਤੇ ਤੁਸੀਂ ਚੜ੍ਹੇ ਹੋ, ਉਸਨੂੰ ਲੱਤ ਨਾ ਮਾਰੋ।'
ਇਹ ਵੀ ਪੜ੍ਹੋ: ਸੋਨਾ ਸਮੱਗਲਿੰਗ ਦਾ ਮਾਮਲਾ : ਅਦਾਕਾਰਾ ਰਾਨਿਆ ਰਾਓ 14 ਦਿਨਾਂ ਦੀ ਨਿਆਇਕ ਹਿਰਾਸਤ ’ਚ
ਉਥੇ ਹੀ ਸੀ.ਐੱਨ.ਸੀ. ਦੇ ਚੇਅਰਮੈਨ ਐੱਨ.ਯੂ. ਨਚੱਪਾ ਨੇ ਸ਼ਾਹ ਅਤੇ ਪਰਮੇਸ਼ਵਰ ਨੂੰ ਲਿਖੇ ਇੱਕ ਪੱਤਰ ਵਿੱਚ ਦੋਸ਼ ਲਗਾਇਆ ਕਿ ਰਸ਼ਮਿਕਾ ਨੂੰ "ਇੱਕ ਵਿਧਾਇਕ ਦੁਆਰਾ ਧਮਕਾਇਆ ਅਤੇ ਡਰਾਇਆ ਜਾ ਰਿਹਾ ਹੈ", ਜਿਸਨੂੰ ਕੋਡਵਾ ਭਾਈਚਾਰਾ "ਗੁੰਡਾਗਰਦੀ" ਮੰਨਦਾ ਹੈ।ਨਚੱਪਾ ਨੇ ਕਿਹਾ ਕਿ ਕੋਡਵਾਲੈਂਡ ਦੀ ਮੂਲ ਕੋਡਵਾ ਆਦਿਵਾਸੀ ਜਾਤੀ ਨਾਲ ਸਬੰਧ ਰੱਖਣ ਵਾਲੀ ਰਸ਼ਮਿਕਾ ਨੇ ਆਪਣੀ ਮਿਹਨਤ ਅਤੇ ਪ੍ਰਤਿਭਾ ਨਾਲ ਭਾਰਤੀ ਫਿਲਮ ਉਦਯੋਗ ਵਿੱਚ ਬਹੁਤ ਸਫਲਤਾ ਪ੍ਰਾਪਤ ਕੀਤੀ ਹੈ। ਨਚੱਪਾ ਨੇ ਕਿਹਾ ਕਿ ਰਸ਼ਮਿਕਾ ਨੇ ਅਮਿਤਾਭ ਬੱਚਨ ਅਤੇ ਸਲਮਾਨ ਖਾਨ ਵਰਗੇ ਪ੍ਰਮੁੱਖ ਕਲਾਕਾਰਾਂ ਨਾਲ ਕੰਮ ਕੀਤਾ ਹੈ। ਸੰਗਠਨ ਦੇ ਪ੍ਰਧਾਨ ਨੇ ਕਿਹਾ, "ਸੀ.ਐੱਨ.ਸੀ. ਇਸ ਗੱਲ 'ਤੇ ਜ਼ੋਰ ਦਿੰਦੀ ਹੈ ਕਿ ਆਪਣੀ ਪਸੰਦ ਚੁਣਨ ਦੀ ਰਸ਼ਮਿਕਾ ਦੀ ਆਜ਼ਾਦੀ ਦਾ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਉਸਨੂੰ ਵਿਧਾਇਕਾਂ ਦੇ ਹੁਕਮਾਂ ਦੀ ਪਾਲਣਾ ਕਰਨ ਲਈ ਮਜਬੂਰ ਨਹੀਂ ਕੀਤਾ ਜਾਣਾ ਚਾਹੀਦਾ।"
ਇਹ ਵੀ ਪੜ੍ਹੋ: ਸੁਨੰਦਾ ਸ਼ਰਮਾ ਦੀ ਭਾਵੁਕ ਪੋਸਟ, ਕਿਹਾ- ਕਈ ਵਾਰ ਆਪਣੇ ਆਪ ਨੂੰ ਖ਼ਤਮ ਕਰਨ ਦੀ ਕੀਤੀ ਕੋਸ਼ਿਸ਼
ਕੌਂਸਲ ਇਸ ਗੱਲ ਨੂੰ ਵੀ ਉਜਾਗਰ ਕਰਦੀ ਹੈ ਕਿ ਵਿਧਾਇਕ ਦੀਆਂ ਹਰਕਤਾਂ ਕੋਡਵਾ ਪ੍ਰਤੀ ਡਰ ਨੂੰ ਦਰਸਾਉਂਦੀਆਂ ਹਨ ਕਿਉਂਕਿ ਉਹ ਰਸ਼ਮਿਕਾ ਨੂੰ ਸਿਰਫ਼ ਉਸਦੇ ਭਾਈਚਾਰੇ ਕਾਰਨ ਨਿਸ਼ਾਨਾ ਬਣਾ ਰਹੇ ਹਨ।" ਉਨ੍ਹਾਂ ਕਿਹਾ ਇਸ ਦੇ ਮੱਦੇਨਜ਼ਰ, ਸੀ.ਐੱਨ.ਸੀ. ਮੰਗ ਕਰਦੀ ਹੈ ਕਿ ਸਰਕਾਰ ਰਸ਼ਮਿਕਾ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਏ ਅਤੇ ਉਨ੍ਹਾਂ ਨਾਲ ਉਚਿਤ ਸਤਿਕਾਰ ਨਾਲ ਪੇਸ਼ ਆਵੇ, ਉਨ੍ਹਾਂ ਦੇ ਅਧਿਕਾਰਾਂ ਦੀ ਰੱਖਿਆ ਕਰੇ ਅਤੇ ਨਿਆਂ ਨੂੰ ਬਰਕਰਾਰ ਰੱਖੇ।"
ਇਹ ਵੀ ਪੜ੍ਹੋ: ਨਗਰ ਨਿਗਮ ਦਾ ਵੱਡਾ ਐਕਸ਼ਨ, ਹਨੀ ਸਿੰਘ ਦੇ ਕੰਸਰਟ ਦਾ 1 ਕਰੋੜ ਦਾ ਸਾਮਾਨ ਜ਼ਬਤ, ਜਾਣੋ ਕੀ ਹੈ ਵਜ੍ਹਾ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ITBP 'ਚ ਨੌਕਰੀ ਕਰਨ ਦਾ ਸੁਨਹਿਰੀ ਮੌਕਾ, ਜਾਣੋ ਉਮਰ ਹੱਦ ਤੇ ਹੋਰ ਵੇਰਵੇ
NEXT STORY 
