ਕਟੜਾ : ਮਾਤਾ ਵੈਸ਼ਨੋ ਦੇਵੀ ਦੇ ਦਰਬਾਰ ਵਿੱਚ ਨਿਯਮਾਂ ਦੀਆਂ ਧੱਜੀਆਂ ਉਡਾਉਣ ਵਾਲੀ ਦਿੱਲੀ ਦੀ ਇੱਕ ਸੋਸ਼ਲ ਮੀਡੀਆ ਇੰਫਲੂਐਂਸਰ ਹੁਣ ਮੁਸੀਬਤ ਵਿੱਚ ਫਸ ਗਈ ਹੈ। ਪਵਿੱਤਰ ਗੁਫ਼ਾ ਦੇ ਅੰਦਰ ਵੀਡੀਓ ਸ਼ੂਟ ਕਰਕੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰਨ ਦੇ ਦੋਸ਼ ਵਿੱਚ ਪੁਲਸ ਨੇ ਇਸ ਮਹਿਲਾ ਵਿਰੁੱਧ ਮਾਮਲਾ ਦਰਜ ਕਰ ਲਿਆ ਹੈ।
ਨਿਯਮਾਂ ਦੀ ਸ਼ਰੇਆਮ ਉਲੰਘਣਾ
ਜਾਣਕਾਰੀ ਅਨੁਸਾਰ, ਦਿੱਲੀ ਦੀ ਰਹਿਣ ਵਾਲੀ ਸੋਸ਼ਲ ਮੀਡੀਆ ਇੰਫਲੂਐਂਸਰ ਸ਼ਿਖਾ ਰਸਤੋਗੀ ਨੇ ਮਾਤਾ ਵੈਸ਼ਨੋ ਦੇਵੀ ਦੀ ਪਵਿੱਤਰ ਗੁਫ਼ਾ ਦੇ ਅੰਦਰ ਜਾ ਕੇ ਚੋਰੀ-ਛਿਪੇ ਵੀਡੀਓ ਰਿਕਾਰਡ ਕੀਤੀ। ਦੱਸਣਯੋਗ ਹੈ ਕਿ ਗੁਫ਼ਾ ਦੇ ਅੰਦਰ ਫੋਟੋਗ੍ਰਾਫੀ ਅਤੇ ਵੀਡੀਓਗ੍ਰਾਫੀ 'ਤੇ ਮੁਕੰਮਲ ਪਾਬੰਦੀ ਹੈ ਅਤੇ ਇਸ ਸਬੰਧੀ ਉੱਥੇ ਸਪੱਸ਼ਟ ਨਿਰਦੇਸ਼ ਵੀ ਲਗਾਏ ਗਏ ਹਨ। ਇਸ ਦੇ ਬਾਵਜੂਦ ਸ਼ਿਖਾ ਨੇ ਸੁਰੱਖਿਆ ਨਿਯਮਾਂ ਨੂੰ ਤੋੜਦਿਆਂ ਵੀਡੀਓ ਬਣਾਈ ਅਤੇ ਬਾਅਦ ਵਿੱਚ ਇਸ ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਅਪਲੋਡ ਕਰ ਦਿੱਤਾ।
ਸੁਰੱਖਿਆ 'ਤੇ ਉੱਠੇ ਸਵਾਲ
ਵੀਡੀਓ ਵਾਇਰਲ ਹੁੰਦੇ ਹੀ ਸ਼ਰਧਾਲੂਆਂ ਵਿੱਚ ਭਾਰੀ ਰੋਸ ਦੇਖਣ ਨੂੰ ਮਿਲਿਆ ਅਤੇ ਕਈ ਲੋਕਾਂ ਨੇ ਸ਼੍ਰਾਈਨ ਬੋਰਡ ਦੀ ਸੁਰੱਖਿਆ ਪ੍ਰਣਾਲੀ 'ਤੇ ਸਵਾਲ ਚੁੱਕੇ ਹਨ। ਲੋਕ ਇਹ ਪੁੱਛ ਰਹੇ ਹਨ ਕਿ ਸਖ਼ਤ ਜਾਂਚ ਦੇ ਬਾਵਜੂਦ ਇਹ ਮਹਿਲਾ ਕੈਮਰਾ ਜਾਂ ਕੋਈ ਹੋਰ ਡਿਵਾਈਸ ਗੁਫ਼ਾ ਦੇ ਅੰਦਰ ਕਿਵੇਂ ਲੈ ਕੇ ਗਈ।
ਸ਼੍ਰਾਈਨ ਬੋਰਡ ਦੀ ਕਾਰਵਾਈ ਅਤੇ FIR
ਮਾਮਲਾ ਗਰਮਾਉਂਦੇ ਹੀ ਮਾਤਾ ਵੈਸ਼ਨੋ ਦੇਵੀ ਸ਼੍ਰਾਈਨ ਬੋਰਡ ਹਰਕਤ ਵਿੱਚ ਆਇਆ। ਬੋਰਡ ਵੱਲੋਂ ਦਿੱਤੀ ਗਈ ਰਸਮੀ ਸ਼ਿਕਾਇਤ ਦੇ ਅਧਾਰ 'ਤੇ ਪੁਲਸ ਨੇ FIR ਦਰਜ ਕਰ ਲਈ ਹੈ। ਬੋਰਡ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮਹਿਲਾ ਵਿਰੁੱਧ ਜ਼ਰੂਰੀ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇੰਫਲੂਐਂਸਰ ਨੇ ਡਿਲੀਟ ਕੀਤੀ ਵੀਡੀਓ
ਚੌਤਰਫ਼ਾ ਆਲੋਚਨਾ ਅਤੇ ਪੁਲਸ ਕਾਰਵਾਈ ਦੇ ਡਰੋਂ ਸ਼ਿਖਾ ਰਸਤੋਗੀ ਨੇ ਹੁਣ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਉਹ ਵਿਵਾਦਤ ਵੀਡੀਓ ਡਿਲੀਟ ਕਰ ਦਿੱਤੀ ਹੈ ਅਤੇ ਆਪਣਾ ਅਕਾਊਂਟ ਵੀ ਪਬਲਿਕ ਤੋਂ ਪ੍ਰਾਈਵੇਟ ਕਰ ਲਿਆ ਹੈ। ਪੁਲਸ ਹੁਣ ਇਸ ਗੱਲ ਦੀ ਜਾਂਚ ਕਰ ਰਹੀ ਹੈ ਕਿ ਉਸ ਨੇ ਇਹ ਵੀਡੀਓ ਕਿਸ ਯੰਤਰ (ਹਿਡਨ ਕੈਮਰਾ ਜਾਂ ਕੋਈ ਹੋਰ ਡਿਵਾਈਸ) ਰਾਹੀਂ ਰਿਕਾਰਡ ਕੀਤੀ ਸੀ।
ਗੋਆ ਨਾਈਟ ਕਲੱਬ ਅਗਨੀਕਾਂਡ : ਲੂਥਰਾ ਭਰਾਵਾਂ ਦੀਆਂ ਜ਼ਮਾਨਤ ਪਟੀਸ਼ਨਾਂ ਰੱਦ
NEXT STORY 
