ਸਿਲੀਗੁੜੀ (ਏਜੰਸੀ)- ਅੰਤਰਰਾਸ਼ਟਰੀ ਬਾਜ਼ਾਰ 'ਚ ਲਗਭਗ 2.75 ਲੱਖ ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੀ ਕੀਮਤ ਵਾਲੇ ਦੁਨੀਆ ਦੇ ਸਭ ਤੋਂ ਮਹਿੰਗੇ ਅੰਬ 'ਮਿਆਜ਼ਾਕੀ' ਨੂੰ ਸਿਲੀਗੁੜੀ ਦੇ ਤਿੰਨ ਦਿਨਾ ਮੈਂਗੋ ਫੈਸਟੀਵਲ ਦੇ 7ਵੇਂ ਐਡੀਸ਼ਨ 'ਚ ਪ੍ਰਦਰਸ਼ਿਤ ਕੀਤਾ ਗਿਆ ਸੀ। ਐਸੋਸੀਏਸ਼ਨ ਫਾਰ ਕੰਜਰਵੇਸ਼ਨ ਐਂਟ ਟੂਰਿਜਮ (ਏ.ਸੀ.ਟੀ.) ਦੇ ਸਹਿਯੋਗ ਨਾਲ ਮੋਡੇਲਾ ਕੇਅਰਟੇਕਰ ਸੈਂਟਰ ਐਂਡ ਸਕੂਲ (ਐੱਮ.ਸੀ.ਸੀ.ਐੱਸ.) ਵਲੋਂ ਆਯੋਜਿਤ ਸਿਲੀਗੁੜੀ ਦੇ ਇਕ ਮਾਲ 'ਚ 9 ਜੂਨ ਨੂੰ ਉਤਸਵ ਦੀ ਸ਼ੁਰੂਆਤ ਹੋਈ। ਉਤਸਵ 'ਚ ਅੰਬ ਦੀਆਂ 262 ਤੋਂ ਵੱਧ ਕਿਸਮਾਂ ਪ੍ਰਦਰਸ਼ਿਤ ਕੀਤੀਆਂ ਜਾਣਗੀਆਂ ਅਤੇ ਉਤਸਵ 'ਚ ਪੱਛਮੀ ਬੰਗਾਲ ਦੇ 9 ਜ਼ਿਲ੍ਹਿਆਂ ਦੇ 55 ਉਤਪਾਦਕਾਂ ਨੇ ਹਿੱਸਾ ਲਿਆ। ਪ੍ਰਦਰਸ਼ਿਤ ਕੀਤੀਆਂ ਜਾਣ ਵਾਲੀਆਂ ਕੁਝ ਕਿਸਮਾਂ 'ਚ ਅਲਫਾਂਸੋ, ਲੰਗੜਾ, ਆਮਰਪਾਲੀ, ਸੂਰੀਆਪੁਰੀ, ਰਾਨੀਪਸੰਦ, ਲਕਸ਼ਮਣਭੋਗ, ਫਜਲੀ, ਬੀਰਾ, ਸਿੰਧੂ, ਹਿਮਸਾਗਰ, ਕੋਹਿਤੂਰ ਅਤੇ ਹੋਰ ਸ਼ਾਮਲ ਹਨ। ਸਿਲੀਗੁੜੀ ਦੇ ਇਕ ਅੰਬ ਪ੍ਰੇਮੀ ਸੈਂਡੀ ਆਚਾਰੀਆ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਕ ਮੰਚ 'ਤੇ ਇੰਨੇ ਸਾਰੇ ਅੰਬ ਦੇਖਣ ਦਾ ਮੌਕਾ ਮਿਲਿਆ ਹੈ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਫੈਸਟੀਵਲ 'ਚ ਉਨ੍ਹਾਂ ਨੂੰ ਦੁਨੀਆ ਦਾ ਸਭ ਤੋਂ ਮਹਿੰਗਾ ਅੰਬ 'ਮਿਆਜ਼ਾਕੀ' ਦੇਖਣ ਨੂੰ ਮਿਲਿਆ। ਉਨ੍ਹਾਂ ਕਿਹਾ ਕਿ ਇਹ ਜਾਣ ਕੇ ਬਹੁਤ ਚੰਗਾ ਲੱਗਾ ਕਿ ਬੰਗਾਲ ਦੇ ਕਿਸਾਨ ਇਸ ਅੰਬ ਨੂੰ ਆਪਣੇ ਬਗੀਚਿਆਂ 'ਚ ਉਗਾ ਰਹੇ ਹਨ।
ਪੱਛਮੀ ਬੰਗਾਲ ਦੇ ਬੀਰਭੂਮ ਜ਼ਿਲ੍ਹੇ ਦੇ ਲਾਭਪੁਰ ਦੇ ਇਕ ਮਿਆਜ਼ਾਕੀ ਕਿਸਾਨ ਸ਼ੌਕਤ ਹੁਸੈਨ ਨੇ ਕਿਹਾ ਕਿ ਉਹ ਪਹਿਲੀ ਵਾਰ ਉਤਸਵ 'ਚ ਹਿੱਸਾ ਲੈ ਰਹੇ ਹਨ ਅਤੇ ਉਹ ਉਤਸਵ 'ਚ ਮਿਆਜ਼ਾਕੀ ਕਿਸਮ ਲੈ ਕੇ ਆਏ ਹਨ। ਸ਼ੌਕਤ ਹੁਸੈਨ ਨੇ ਕਿਹਾ ਕਿ ਉਨ੍ਹਾਂ ਨੇ ਬੰਗਲਾਦੇਸ਼ ਤੋਂ ਮਸੌਦਾ ਤਿਆਰ ਕਰਨ ਵਾਲੇ ਪੌਦੇ ਮੰਗਵਾਏ ਅਤੇ ਉਨ੍ਹਾਂ ਨੂੰ ਬੀਰਭੂਮ 'ਚ ਆਪਣੇ ਬਗੀਚੇ 'ਚ ਲਗਾਇਆ। ਉਨ੍ਹਾਂ ਕਿਹਾ,''ਭਾਰੀ ਉਤਪਾਦਨ ਦੇ ਨਾਲ ਸਕਾਰਾਤਮਕ ਪ੍ਰਤੀਕਿਰਿਆ ਮਿਲੀ। ਇਸ ਨੂੰ ਸੂਬੇ ਦੇ ਕਿਸੇ ਵੀ ਹਿੱਸੇ 'ਚ ਉਗਾਇਆ ਜਾ ਸਕਦਾ ਹੈ ਅਤੇ ਕਿਸਾਨਾਂ ਦੀ ਆਰਥਿਕ ਸਥਿਤੀ ਨੂੰ ਬਦਲ ਸਕਦਾ ਹੈ।'' ਮਿਆਜ਼ਾਕੀ ਅੰਬ ਦਾ ਉਤਪਾਦਨ ਕੈਲੀਫੋਰਨੀਆ 'ਚ 1940 ਦੇ ਸਾਲ 'ਚ ਸ਼ੁਰੂ ਕੀਤਾ ਗਿਆ ਸੀ। ਬਾਅਦ 'ਚ ਇਸ ਨੂੰ ਜਾਪਾਨ ਦੇ ਮਿਆਜ਼ਾਕੀ ਸ਼ਹਿਰ 'ਚ ਲਿਆਂਦਾ ਗਿਆ ਅਤੇ ਇਸ ਤਰ੍ਹਾਂ ਇਸ ਦਾ ਨਾਮ ਮਿਆਜ਼ਾਕੀ ਅੰਬ ਪਿਆ। ਹਾਲ 'ਚ ਜ਼ਿਆਦਾਤਰ ਬੰਗਾਲ ਦੇ ਭਾਰਤੀ ਉਤਪਾਦਕਾਂ ਨੇ ਆਪਣੇ ਬਗੀਚਿਆਂ 'ਚ ਇਸ ਕਿਸਮ ਨੂੰ ਉਗਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਨੂੰ 'ਰੈਡ ਸਨ' ਅਤੇ ਬੰਗਾਲੀ 'ਚ 'ਸੂਰਜਾ ਡਿਮ' (ਲਾਲ ਆਂਡੇ) ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਅੰਬ ਆਪਣੇ ਪੋਸ਼ਕ ਤੱਤਾਂ, ਸੁਆਦ, ਰੰਗ ਅਤੇ ਸ਼ੂਗਰ ਦੀ ਮਾਤਰਾ ਲਈ ਲੋਕਪ੍ਰਿਯ ਹੈ।
ਮਿਸ਼ਨ 2024 ਤੋਂ ਪਹਿਲਾਂ ਕਾਂਗਰਸ 'ਚ ਵੱਡਾ ਫੇਰਬਦਲ, ਸ਼ਕਤੀ ਗੋਹਿਲ ਤੇ ਦੀਪਕ ਬਾਬਰੀਆ ਨੂੰ ਸੌਂਪੀ ਅਹਿਮ ਜ਼ਿੰਮੇਵਾਰੀ
NEXT STORY 
