ਨਵੀਂ ਦਿੱਲੀ - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਡਿਜੀਟਲ ਇੰਡੀਆ ਪ੍ਰੋਗਰਾਮ ਦੀ ਸ਼ਲਾਘਾ ਕਰਦਿਆਂ ਹੋਏ ਸੋਸ਼ਲ ਨੈੱਟਵਰਕਿੰਗ ਸਾਈਟ ਫੇਸਬੁੱਕ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਮਾਰਕ ਜੁਕਰਬਰਗ ਨੇ ਕਿਹਾ ਹੈ ਕਿ ਇਸ ਪ੍ਰੋਗਰਾਮ ਰਾਹੀਂ 1 ਅਰਬ ਲੋਕ ਇੰਟਰਨੈੱਟ ਨਾਲ ਜੁੜਨਗੇ।
ਜੁਕਰਬਰਗ ਨੇ ਇਥੇ ਸੰਚਾਰ ਅਤੇ ਸੂਚਨਾ ਤਕਨੀਕ ਮੰਤਰੀ ਰਵੀ ਸ਼ੰਕਰ ਪ੍ਰਸਾਦ ਨਾਲ ਮੁਲਾਕਾਤ ਕਰਨ ਤੋਂ ਬਾਅਦ ਕਿਹਾ ਕਿ ਡਿਜੀਟਲ ਇੰਡੀਆ ਆਮ ਭਾਰਤੀ ਤਕ ਨਵੀਂ ਵਿਧੀ ਨੂੰ ਪਹੁੰਚਾਉਣ 'ਚ ਮਦਦਗਾਰ ਹੋਵੇਗਾ। ਉਨ੍ਹਾਂ ਨੇ ਇਸ ਪ੍ਰੋਗਰਾਮ 'ਚ ਭਾਈਵਾਲੀ ਕਰਨ ਦੇ ਪ੍ਰਤੀ ਉਤਸੁਕਤਾ ਦਰਸਾਉਂਦੇ ਹੋਏ ਕਿਹਾ ਹੈ ਕਿ ਫੇਸਬੁੱਕ ਪੂਰੇ ਦੇਸ਼ ਦੇ ਲੋਕਾਂ ਨੂੰ ਇੰਟਰਨੈੱਟ ਨਾਲ ਜੋੜਨ 'ਚ ਮਦਦ ਕਰਨ ਲਈ ਤਿਆਰ ਹੈ। ਪ੍ਰਸਾਦ ਨੇ ਫੇਸਬੁੱਕ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਦੀ ਡਿਜੀਟਲ ਇੰਡੀਆ 'ਚ ਕਾਫੀ ਦਿਲਚਸਪੀ ਲੈਣ 'ਤੇ ਸ਼ਲਾਘਾ ਕਰਦੇ ਹੋਏ ਕਿਹਾ ਹੈ ਕਿ ਫੇਸਬੁੱਕ ਦੀ ਦੇਸ਼ 'ਚ ਚੰਗੀ ਪਹੁੰਚ ਹੈ ਅਤੇ ਇਸ ਖੇਤਰ 'ਚ ਕਾਫੀ ਸੰਭਾਵਨਾਵਾਂ ਹਨ। ਜੁਕਰਬਰਗ ਦੇਸ਼ 'ਚ ਕੁਨੈਕਟੀਵਿਟੀ ਵਧਾਉਣ ਪ੍ਰਤੀ ਸੰਜੀਦਾ ਹਨ ਅਤੇ ਉਹ ਭਾਰਤ ਦੇ ਬਰਾਡਬੈਂਡ ਰਿਟੇਲ, ਈ-ਸਿੱਖਿਆ, ਈ-ਸਿਹਤ ਅਤੇ ਇਸ ਤਰ੍ਹਾਂ ਦੇ ਦੂਜੇ ਪ੍ਰੋਗਰਾਮਾਂ 'ਚ ਅਹਿਮ ਭੂਮਿਕਾ ਨਿਭਾਉਣ ਪ੍ਰਤੀ ਵੀ ਗੰਭੀਰ ਹੈ।
ਸਿੱਕਾ ਦਾ ਕਮਾਲ, ਇਨਫੋਸਿਸ ਦੇ ਸ਼ੇਅਰਾਂ 'ਚ ਉਛਾਲ ; ਸ਼ੁੱਧ ਲਾਭ 3096 ਕਰੋੜ
NEXT STORY 
