ਵਾਸ਼ਿੰਗਟਨ—ਹਵਾਈ ਸਫਰ ਦੌਰਾਨ ਲੱਤਾਂ ਰੱਖਣ ਲਈ ਥਾਂ ਘੱਟ ਹੋਣ ਕਾਰਨ ਕਈ ਝਗੜੇ ਹੁੰਦੇ ਰਹੇ ਹਨ ਪਰ ਇਸੇ ਤਰ੍ਹਾਂ ਦੇ ਇਕ ਝਗੜੇ ਕਾਰਨ ਅਮਰੀਕਾ ਵਿਚ ਇਕ ਵਿਅਕਤੀ ਨੂੰ 20 ਸਾਲ ਦੀ ਸਜ਼ਾ ਹੋ ਸਕਦੀ ਹੈ। ਇਹ ਵਿਅਕਤੀ 60 ਸਾਲਾਂ ਦਾ ਇਕ ਬਜ਼ੁਰਗ ਵਿਅਕਤੀ ਹੈ। ਹੈਤੀ ਦੇ ਰਹਿਣ ਵਾਲੇ ਐਲਗਜੈਂਡਰੇ ਨਾਂ ਦਾ ਇਹ ਵਿਅਕਤੀ ਮਿਆਮੀ ਤੋਂ ਪੈਰਿਸ ਦੀ ਹਵਾਈ ਯਾਤਰਾ ਲਈ ਜਹਾਜ਼ ਵਿਚ ਸਵਾਰ ਸੀ। ਉਸ ਦੀ ਅਗਲੀ ਸੀਟ 'ਤੇ ਬੈਠਿਆ ਵਿਅਕਤੀ ਆਪਣੀ ਸੀਟ ਨੂੰ ਕਾਫੀ ਪਿੱਛੇ ਤੱਕ ਕਰਕੇ ਬੈਠਿਆ ਸੀ। ਇਸ ਨਾਲ ਅਲੈਗਜੈਂਡਰੇ ਨੂੰ ਪੈਰ ਰੱਕਣ ਵਿਚ ਤਕਲੀਫ ਹੋਣ ਲੱਗੀ ਸੀ। ਉਸ ਨੇ ਇਸ ਦੀ ਸ਼ਿਕਾਇਤ ਕਰਨ ਦੀ ਥਾਂ 'ਤੇ ਹੰਗਾਮਾ ਕਰਨਾ ਜ਼ਿਆਦਾ ਠੀਕ ਸਮਝਿਆ। ਅਲੈਗਜੈਂਡਰੇ ਨੇ ਸਹਿ-ਯਾਤਰੀ ਅਤੇ ਕਰੂ ਦੇ ਮੈਂਬਰ ਨਾਲ ਇਸ ਗੱਲ ਨੂੰ ਲੈ ਕੇ ਝਗੜਾ ਸ਼ੁਰੂ ਕਰ ਦਿੱਤਾ। ਇਹ ਝਗੜਾ ਇੰਨਾਂ ਵੱਧ ਗਿਆ ਕਿ ਫਲਾਈਟ ਨੂੰ ਰਸਤੇ ਵਿਚ ਬਾਸਟਨ ਵਿਚ ਹੀ ਉਤਾਰਨਾ ਪਿਆ।
ਜਹਾਜ਼ ਵਿਚ ਹੰਗਾਮਾ ਕਰਨ ਅਤੇ ਯਾਤਰਾ ਵਿਚ ਰੁਕਾਵਟ ਪੈਦਾ ਕਰਨ ਕਰਕੇ ਅਲੈਗਜੈਂਡਰੇ ਨੂੰ ਏਅਰ ਮਾਰਸ਼ਲ ਨੇ ਗ੍ਰਿਫਤਾਰ ਕਰ ਲਿਆ। ਮਾਮਲਾ 27 ਅਗਸਤ ਦਾ ਹੈ। ਵੀਰਵਾਰ ਨੂੰ ਉਸ ਦੇ ਖਿਲਾਫ ਅਮਰੀਕਾ ਦੀ ਅਦਾਲਤ ਵਿਚ ਦੋਸ਼ ਤੈਅ ਕੀਤੇ ਗਏ ਹਨ। ਕਾਨੂੰਨ ਜਾਣਕਾਰਾਂ ਦੇ ਅਨੁਸਾਰ ਜੇਕਰ ਉਹ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਉਸ ਨੂੰ 20 ਸਾਲ ਦੀ ਜੇਲ੍ਹ ਦੀ ਸਜ਼ਾ ਹੋ ਸਕਦੀ ਹੈ।
ਭਾਰਤ ਤੋਂ ਨੋਬੇਲ ਸ਼ਾਂਤੀ ਪੁਰਸਕਾਰ ਖੋਹਣ ਦੀ ਤਿਆਰੀ 'ਚ ਪਾਕਿਸਤਾਨ!
NEXT STORY 
