ਰਹੀਮ ਕਹਿੰਦੇ ਹਨ ਕਿ ਪ੍ਰਮਾਤਮਾ ਦਾ ਵਰਣਨ ਕਰਨਾ ਮੁਸ਼ਕਿਲ ਹੈ। ਉਸ ਦਾ ਸਰੂਪ ਸਾਡੀ ਪਹੁੰਚ ਤੋਂ ਬਾਹਰ ਹੈ। ਸੱਚ ਤਾਂ ਇਹ ਹੈ ਕਿ ਪ੍ਰਮਾਤਮਾ ਦੇ ਸਰੂਪ ਨੂੰ ਕੋਈ ਨਹੀਂ ਸਮਝ ਸਕਦਾ। ਉਸ ਦੀ ਵਿਆਖਿਆ ਹਰ ਕੋਈ ਆਪਣੇ ਅਨੁਸਾਰ ਕਰਦਾ ਹੈ ਪਰ ਅਸਲੀਅਤ ਦਾ ਵਰਣਨ ਕਰਨਾ ਮੁਸ਼ਕਿਲ ਹੈ। ਅਨੇਕਾਂ ਲੋਕ ਆਪਣੇ ਅਨੁਸਾਰ ਪ੍ਰਮਾਤਮਾ ਦੇ ਸਰੂਪ ਦੀ ਵਿਆਖਿਆ ਕਰਦੇ ਹਨ ਪਰ ਸੱਚ ਤਾਂ ਇਹ ਹੈ ਕਿ ਉਸ ਦੇ ਸਰੂਪ ਦਾ ਵਰਣਨ ਕਰਨਾ ਤੇ ਸੁਣਨਾ ਬਹੁਤ ਮੁਸ਼ਕਿਲ ਹੈ। ਸੱਚੇ ਭਗਤ ਇਸ ਗੱਲ ਨੂੰ ਜਾਣਦੇ ਹਨ ਪਰ ਕਹਿੰਦੇ ਨਹੀਂ ਅਤੇ ਜੋ ਕਹਿੰਦੇ ਹਨ, ਉਹ ਜਾਣਦੇ ਨਹੀਂ। ਅਨੇਕਾਂ ਲੋਕ ਪ੍ਰਮਾਤਮਾ ਦੇ ਅਨੇਕਾਂ ਸਰੂਪਾਂ ਵਿਚੋਂ ਹਰੇਕ ਦੇ ਜੀਵਨ ਚਰਿੱਤਰ 'ਤੇ ਵਿਆਖਿਆ ਕਰਦਿਆਂ ਆਪਣੇ ਗਿਆਨ ਦੀ ਸ਼ੇਖੀ ਮਾਰਦੇ ਹਨ ਪਰ ਸੱਚ ਤਾਂ ਇਹ ਹੈ ਕਿ ਇਹ ਉਨ੍ਹਾਂ ਦਾ ਕਾਰੋਬਾਰ ਹੈ ਅਤੇ ਉਹ ਇਸ ਬਾਰੇ ਕੁਝ ਨਹੀਂ ਜਾਣਦੇ। ਉਸ ਦੇ ਅਸਲ ਸਰੂਪ ਨੂੰ ਸੱਚੇ ਭਗਤ ਹੀ ਜਾਣਦੇ ਹਨ। ਉਹ ਉਸ ਦਾ ਵਰਣਨ ਕਰ ਕੇ ਆਪਣਾ ਹੰਕਾਰ ਨਹੀਂ ਦਿਖਾਉਣਾ ਚਾਹੁੰਦੇ। ਬਹੁਤ ਸਾਰੇ ਲੋਕ ਕਈ ਤਰ੍ਹਾਂ ਦੀ ਖੋਜ ਦਾ ਦਾਅਵਾ ਕਰਦੇ ਹਨ। ਕੁਝ ਤਾਂ ਕਿਤੇ ਇਕਾਂਤ ਵਿਚ ਤਪੱਸਿਆ ਕਰ ਕੇ ਸਿੱਧੀ ਹਾਸਲ ਕਰ ਕੇ ਫਿਰ ਸਮਾਜ ਵਿਚ ਆਪਣਾ ਅਧਿਆਤਮਿਕ ਸਾਮਰਾਜ ਸਥਾਪਿਤ ਕਰਨ ਵਿਚ ਲੱਗ ਜਾਂਦੇ ਹਨ। ਅਜਿਹੇ ਢੌਂਗੀ ਲੋਕ ਪ੍ਰਮਾਤਮਾ ਦੇ ਸਰੂਪ ਦਾ ਓਨਾ ਹੀ ਵਰਣਨ ਕਰਦੇ ਹਨ ਜਿੰਨੇ ਨਾਲ ਉਨ੍ਹਾਂ ਦਾ ਹਿੱਤ ਤੇ ਆਮਦਨ ਦਾ ਸਾਧਨ ਬਣਦਾ ਹੋਵੇ।
ਧਰਮ ਦੇ ਨਾਂ 'ਤੇ ਪੈਦਾ ਹੋ ਰਹੇ ਹਨ ਭਰਮ-ਭੁਲੇਖੇ
NEXT STORY 
