ਗੰਗਾਨਗਰ- ਮਾਂ ਮੈਨੂੰ ਇਸ ਤਰ੍ਹਾਂ ਕਿਉਂ ਸੁੱਟ ਦਿੱਤਾ, ਇਸ਼ ਲਈ ਕਿ ਮੈਂ ਬੇਟੀ ਸੀ ਜਾਂ ਕੋਈ ਮਜ਼ਬੂਰੀ। ਕਿਸੇ ਮਾਂ ਦੇ ਹੱਥ ਤਾਂ ਆਪਣੇ ਕਲੇਜੇ ਦੇ ਟੁੱਕੜੇ ਨੂੰ ਸੁੱਟਣ ਲਈ ਨਹੀਂ ਉੱਠ ਸਕਦੇ ਤਾਂ ਤੁਸੀਂ ਅਜਿਹਾ ਕਿਉਂ ਕੀਤਾ? ਜੇਕਰ ਮੈਨੂੰ ਸੁੱਟਣਾ ਹੀ ਸੀ ਤਾਂ 9 ਮਹੀਨੇ ਪੇਟ 'ਚ ਕਿਉਂ ਪਾਲਿਆ? ਉਹ ਕਸ਼ਟ ਕਿਉਂ ਸਹੇ? ਕੀ ਮੈਨੂੰ ਸੁੱਟਦੇ ਹੋਏ ਤੁਹਾਡੇ ਹੱਥ ਨਹੀਂ ਕੰਬੇ? ਜਦੋਂ ਇਹ ਕੁੱਤੇ ਮੇਰੀ ਰੂਪ ਨੂੰ ਨੋਂਚ ਰਹੇ ਸਨ ਤਾਂ ਕੀ ਤੁਹਾਡਾ ਕਲੇਜਾ ਨਹੀਂ ਫਟਿਆ। ਅਜਿਹੀ ਕੀ ਮਜ਼ਬੂਰੀ ਸੀ ਜੋ ਤੁਸੀਂ ਮੈਨੂੰ ਅਪਣਾ ਨਾ ਸਕੇ। ਕੀ ਇਹ ਸਮਾਜ ਦੀਆਂ ਬੇੜੀਆਂ ਮਮਤਾ ਤੋਂ ਜ਼ਿਆਦਾ ਮਜ਼ਬੂਤ ਹੋ ਗਈਆਂ? ਤੁਸੀਂ ਮੇਰੇ ਨੰਨ੍ਹੇ ਮਨ ਦੀ ਆਵਾਜ਼ ਤੱਕ ਨਹੀਂ ਸੁਣੀ। ਮੈਨੂੰ ਇਸ ਤਰ੍ਹਾਂ ਹੀ ਮੌਤ ਦੀ ਗੋਦ 'ਚ ਸੁੱਟ ਦਿੱਤਾ। ਇਹ ਸਵਾਲ ਉਸ ਨੰਨ੍ਹੀ ਪਰੀ ਦੇ ਹਨ, ਜੋ ਇਸ ਦਿਲ ਵਿਹੀਨ ਸਮਾਜ 'ਚ ਪੈਦਾ ਤਾਂ ਹੋਈ ਪਰ ਕੁਝ ਘੰਟਿਆਂ 'ਚ ਹੀ ਦੁਨੀਆ ਤੋਂ ਚੱਲੀ ਗਈ।
ਗੰਗਾਨਗਰ ਡੀ. ਬਲਾਕ ਸਥਿਤ ਪੰਜਾਬ ਨੈਸ਼ਨਲ ਬੈਂਕ ਦੇ ਸਾਹਮਣੇ ਬੀ. ਐੱਸ. ਐੱਨ. ਐੱਲ. ਕਾਲੋਨੀ ਹੈ। ਮੰਗਲਵਾਰ ਦੁਪਹਿਰ 11 ਵਜੇ ਕਿਸੇ ਵਿਅਕਤੀ ਨੇ ਪੁਲਸ ਨੂੰ ਸੂਚਨਾ ਦਿੱਤੀ ਕਿ ਕਿਸੇ ਨਵਜੰਮ੍ਹੇ ਬੱਚੇ ਨੂੰ ਕੁੱਤੇ ਨੋਂਚ ਰਹੇ ਹਨ। ਸੂਚਨਾ ਦੇ 10 ਮਿੰਟ ਬਾਅਦ ਹੀ ਗੰਗਾਨਗਰ ਪੁਲਸ ਦੇ ਸਿਪਾਹੀ ਅਜੇ, ਸੰਜੇ, ਹੋਮਗਾਰਡ ਪਵਨ ਮੌਕੇ 'ਤੇ ਪੁੱਜੇ। ਕਾਲੋਨੀ ਦੇ ਗੇਟ 'ਤੇ ਮੌਜੂਦ ਗਾਰਡ ਨੇ ਦੱਸਿਆ ਕਿ ਕੁਝ ਕੁੱਤੇ ਨਵਜੰਮ੍ਹੇ ਬੱਚੇ ਦੀ ਲਾਸ਼ ਨੂੰ ਮੂੰਹ 'ਚ ਦਬਾ ਕੇ ਲਿਜਾ ਰਹੇ ਸਨ। ਉਸ ਨੇ ਲਾਸ਼ ਨੂੰ ਕੁੱਤਿਆਂ ਤੋਂ ਛੁਡਾ ਕੇ ਗੱਤੇ ਦੇ ਡੱਬੇ 'ਚ ਰੱਖ ਦਿੱਤਾ। ਪੁਲਸ ਨੇ ਡੱਬੇ ਦੇ ਉੱਪਰੋਂ ਕੱਪੜਾ ਹਟਾ ਕੇ ਦੇਖਿਆ ਤਾਂ ਨਵਜੰਮ੍ਹੇ ਬੱਚੇ ਦੀ ਲਾਸ਼ ਰੱਖੀ ਸੀ, ਜੋ ਖੂਨ ਨਾਲ ਲੱਥਪੱਥ ਸੀ।
ਗਰਦਨ ਦੇ ਪੇਟ ਤੱਕ ਦਾ ਹਿੱਸਾ ਕੁੱਤਿਆਂ ਨੇ ਨੋਂਚ ਕੇ ਆਪਣਾ ਨਿਵਾਲਾ ਬਣਾ ਲਿਆ ਸੀ। ਪੁਲਸ ਲਾਸ਼ ਨੂੰ ਇਕ ਨਿੱਜੀ ਹਸਪਤਾਲ ਲੈ ਗਈ। ਉੱਥੇ ਮੌਜੂਦ ਡਾ. ਰਾਜੀਵ ਨੇ ਦੱਸਿਆ ਕਿ ਇਹ ਲਾਸ਼ ਨਵਜੰਮ੍ਹੀ ਬੱਚੀ ਹੈ ਅਤੇ 8-10 ਘੰਟੇ ਪਹਿਲਾਂ ਹੀ ਇਸ ਨੇ ਜਨਮ ਲਿਆ ਹੋਵੇਗਾ। ਸੂਚਨਾ 'ਤੇ ਅਜੀਤ ਚੌਧਰੀ, ਸੰਜੀਵ ਸ਼ਰਮਾ, ਸਹਿਦੇਵ ਢਾਕਾ, ਕ੍ਰਿਸ਼ਨਾ ਢਾਕਾ ਆਦਿ ਹਸਪਤਾਲ ਪੁੱਜ ਗਏ। ਉਨ੍ਹਾਂ ਨੇ ਨਵਜੰਮ੍ਹੀ ਬੱਚੀ ਦੀ ਲਾਸ਼ ਦਾ ਪੋਸਟਮਾਰਟਮ ਨਾ ਕਰਨ ਦੀ ਬਜਾਏ ਦਫਨਾਉਣ ਦੀ ਗੱਲ ਕਹੀ। ਗੰਗਾਨਗਰ ਚੌਕੀ ਇੰਚਾਰਜ ਤੇਜਵੀਰ ਸਿੰਘ ਨੇ 8 ਲੋਕਾਂ ਦੀ ਮੌਜੂਦਗੀ 'ਚ ਲਾਸ਼ ਸੌਂਪ ਦਿੱਤੀ। ਪੁਲਸ ਅਤੇ ਸਮਾਜਿਕ ਲੋਕਾਂ ਨੇ ਇਕ ਬਲਾਕ ਸਥਿਤ ਸ਼ਮਸ਼ਾਨ ਘਾਟ 'ਚ ਲਾਸ਼ ਦਫਨਾ ਦਿੱਤੀ।
ਸ਼ੇਅਰ ਘਪਲਾ : ਹਿਤੇਨ ਦਲਾਲ, ਬੈਂਕ ਅਧਿਕਾਰੀ ਨੂੰ ਕੈਦ
NEXT STORY 
