ਜੀਵਨ ਵਿਚ ਤਰੱਕੀ ਲਈ 4 ਤਰ੍ਹਾਂ ਦੀਆਂ ਤਾਕਤਾਂ ਜ਼ਰੂਰੀ ਹਨ : ਸਰੀਰਕ ਤਾਕਤ, ਮਾਨਸਿਕ ਤਾਕਤ, ਬੌਧਿਕ ਤਾਕਤ ਤੇ ਸੰਗਠਨਾਤਮਕ ਤਾਕਤ।
ਸਰੀਰਕ ਤਾਕਤ ਤੋਂ ਭਾਵ ਹੈ ਸਰੀਰ ਤੰਦਰੁਸਤ ਹੋਣਾ ਚਾਹੀਦਾ ਹੈ। ਮੋਟੇ ਹੋਣ ਨੂੰ ਸਰੀਰਕ ਤੌਰ 'ਤੇ ਤਾਕਤਵਰ ਹੋਣਾ ਨਹੀਂ ਕਿਹਾ ਜਾ ਸਕਦਾ। ਅਸਲ ਵਿਚ ਸਰੀਰ ਤੰਦਰੁਸਤ ਹੋਣਾ ਹੀ ਸਰੀਰਕ ਤਾਕਤ ਹੈ।
ਦੂਜੀ ਤਾਕਤ ਹੈ ਮਾਨਸਿਕ ਤਾਕਤ। ਜ਼ਰਾ ਜਿੰਨੀ ਗੱਲ 'ਤੇ ਗੁੱਸੇ ਹੋ ਜਾਣਾ, ਜ਼ਰਾ ਜਿੰਨੀ ਗੱਲ ਤੋਂ ਡਰ ਜਾਣਾ, ਖਿੱਝ ਜਾਣਾ। ਇਹ ਸਭ ਕਮਜ਼ੋਰ ਮਨ ਦੀਆਂ ਨਿਸ਼ਾਨੀਆਂ ਹਨ। ਛੋਟੀ-ਛੋਟੀ ਗੱਲ 'ਤੇ ਘਬਰਾਉਣਾ ਨਹੀਂ ਚਾਹੀਦਾ, ਫਿਕਰ ਨਹੀਂ ਕਰਨਾ ਚਾਹੀਦਾ ਸਗੋਂ ਆਪਣੇ ਮਨ ਨੂੰ ਮਜ਼ਬੂਤ ਬਣਾਉਣਾ ਚਾਹੀਦਾ ਹੈ।
ਤੀਜੀ ਤਾਕਤ ਹੈ ਬੌਧਿਕ ਤਾਕਤ। ਸ਼ਾਸਤਰਾਂ ਦਾ ਗਿਆਨ ਹਾਸਲ ਕਰ ਕੇ ਆਪਣਾ, ਕੁਲ ਦਾ, ਸਮਾਜ ਦਾ, ਆਪਣੇ ਰਾਸ਼ਟਰ ਦਾ ਅਤੇ ਪੂਰੀ ਮਨੁੱਖੀ ਜਾਤੀ ਦਾ ਕਲਿਆਣ ਕਰਨ ਦੀ ਜੋ ਬੁੱਧੀ ਹੈ, ਉਹੀ ਬੌਧਿਕ ਤਾਕਤ ਹੈ। ਸਰੀਰਕ, ਮਾਨਸਿਕ ਤੇ ਬੌਧਿਕ ਤਾਕਤ ਤਾਂ ਹੋਵੇ ਪਰ ਚੌਥੀ ਤਾਕਤ (ਸੰਗਠਨਾਤਮਕ ਤਾਕਤ) ਹੋਣੀ ਵੀ ਜ਼ਰੂਰੀ ਹੈ।
ਇਹ ਚਾਰੇ ਤਰ੍ਹਾਂ ਦੀਆਂ ਤਾਕਤਾਂ ਕਿਥੋਂ ਆਉਂਦੀਆਂ ਹਨ? ਇਨ੍ਹਾਂ ਸਾਰੀਆਂ ਤਾਕਤਾਂ ਦਾ ਮਹਾ ਖਜ਼ਾਨਾ ਹੈ ਆਤਮਾ। ਆਤਮਾ ਤੇ ਪ੍ਰਮਾਤਮਾ ਦੁਨੀਆ ਦੀਆਂ ਸਾਰੀਆਂ ਤਾਕਤਾਂ ਦਾ ਮਹਾ ਖਜ਼ਾਨਾ ਹਨ। ਬਲਵਾਨਾਂ ਦੀ ਤਾਕਤ, ਬੁੱਧੀਮਾਨਾਂ ਦੀ ਬੁੱਧੀ, ਤੇਜਸਵੀਆਂ ਦਾ ਤੇਜ, ਯੋਗੀਆਂ ਦੀ ਯੋਗਾ ਸਮਰੱਥਾ ਸਭ ਉਥੋਂ ਹੀ ਆਉਂਦੇ ਹਨ। ਇਹ ਚਾਰੇ ਤਾਕਤਾਂ ਜਿਸ ਪ੍ਰਮਾਤਮਾ ਤੋਂ ਪ੍ਰਾਪਤ ਹੁੰਦੀਆਂ ਹਨ, ਉਸ ਪ੍ਰਮਾਤਮਾ ਅੱਗੇ ਰੋਜ਼ਾਨਾ ਪ੍ਰਾਰਥਨਾ ਕਰਨੀ ਚਾਹੀਦੀ ਹੈ ਅਤੇ ਕਹਿਣਾ ਚਾਹੀਦਾ ਹੈ—'ਰੱਬਾ! ਤੇਰੇ ਵਿਚ ਸਾਰੀਆਂ ਸ਼ਕਤੀਆਂ ਹਨ। ਅਸੀਂ ਤੇਰੇ ਹਾਂ, ਤੂੰ ਸਾਡਾ ਹੈ। ਤੂੰ 5 ਸਾਲ ਦੇ ਧਰੁਵ ਦੇ ਦਿਲ ਵਿਚ ਪ੍ਰਗਟ ਹੋ ਸਕਦਾ ਹੈਂ, ਤੂੰ ਪ੍ਰਹਿਲਾਦ ਦੇ ਅੱਗੇ ਪ੍ਰਗਟ ਹੋ ਸਕਿਆ ਏਂ। ਤੂੰ ਸਾਡੇ ਦਿਲ ਵਿਚ ਵੀ ਪ੍ਰਗਟ ਹੋਵੇ।'
ਇੰਝ ਦਿਲ ਨਾਲ, ਪਿਆਰ ਨਾਲ ਤੇ ਸ਼ਾਂਤ ਮਨ ਨਾਲ ਪ੍ਰਾਰਥਨਾ ਕਰਦੇ-ਕਰਦੇ ਪਿਆਰ ਤੇ ਸ਼ਾਂਤੀ ਨਾਲ ਸਰਾਬੋਰ ਹੁੰਦੇ ਜਾਓ। ਸੰਜਮ ਤੇ ਧਰਮ ਨਾਲ ਇੰਦਰੀਆਂ ਨੂੰ ਕਾਬੂ ਵਿਚ ਰੱਖ ਕੇ ਪਰਮ ਸ਼ਾਂਤੀ ਵਿਚ ਆਪਣੀ ਸਥਿਤੀ ਵਧਾਉਣ ਵਾਲੇ ਨੂੰ ਇਸ ਆਤਮ-ਈਸ਼ਵਰ ਦੀ ਸੰਪਦਾ ਮਿਲਦੀ ਜਾਂਦੀ ਹੈ।
ਸਤਿਸੰਗ 'ਚ ਸਿਰਫ ਬੈਠ ਜਾਣ ਨਾਲ ਵੀ ਪੁੰਨ ਮਿਲਦੈ
NEXT STORY 
