ਜਲੰਧਰ (ਪ੍ਰੀਤ, ਸੁਧੀਰ)-ਸ਼ਹਿਰ ਬੱਸ ਸਟੈਂਡ ਫਲਾਈਓਵਰ 'ਤੇ ਦਿਨ-ਦਿਹਾੜੇ ਨਾਬਾਲਗ ਲੜਕੀ ਦੇ ਅਗਵਾ ਅਤੇ ਗੈਂਗਰੇਪ ਦਾ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਆਪਣੇ ਭਰਾ ਨਾਲ ਜਾਂਦੀ ਹੋਈ ਇਕ ਕੁੜੀ ਨੂੰ ਦੋਸ਼ੀ ਸ਼ਰੇਆਮ ਚੁੱਕ ਕੇ ਲੈ ਗਏ ਅਤੇ ਉਸ ਨਾਲ ਸਮੂਹਕ ਬਲਾਤਕਾਰ ਕੀਤਾ। ਪੀੜਤ ਪਰਿਵਾਰ ਜਦੋਂ ਥਾਣਾ ਨਵੀਂ ਬਾਰਾਂਦਰੀ 'ਚ ਸ਼ਿਕਾਇਤ ਦੇਣ ਪਹੁੰਚਿਆ ਤਾਂ ਪੁਲਸ ਨੇ ਕਾਰਵਾਈ ਕਰਨ ਦੀ ਬਜਾਏ ਉਸ ਨੂੰ ਚਲਦਾ ਕੀਤਾ।
ਜਾਣਕਾਰੀ ਮੁਤਾਬਕ ਨੇੜੇ ਦੇ ਪਿੰਡ ਖੁਰਲਾ ਕਿੰਗਰਾ ਨਿਵਾਸੀ ਔਰਤ ਰਾਣੀ ਨੇ ਦੱਸਿਆ ਕਿ ਉਸਦੀ ਨਾਬਾਲਗ ਲੜਕੀ ਨੂੰ ਪਿੰਡ ਦਾ ਹੀ ਨੌਜਵਾਨ ਤੰਗ ਕਰਦਾ ਸੀ। ਨੌਜਵਾਨ ਵਲੋਂ ਤੰਗ ਕੀਤੇ ਜਾਣ ਤੋਂ ਪਰੇਸ਼ਾਨ ਹੋ ਕੇ ਉਸਨੇ ਆਪਣੀ ਬੇਟੀ ਨੂੰ ਬਿਲਗਾ 'ਚ ਰਹਿੰਦੀ ਭੈਣ ਕੋਲ ਭੇਜ ਦਿੱਤਾ। ਕੁਝ ਦਿਨ ਪਹਿਲਾਂ ਲੜਕੀ ਨੂੰ ਵਾਪਸ ਬੁਲਾਇਆ ਗਿਆ ਤਾਂ ਨੌਜਵਾਨ ਉਸ ਨੂੰ ਤੰਗ ਕਰਨ ਲੱਗੇ ਤੇ ਉਸਦੀ ਲੜਕੀ ਦੇ ਅਗਵਾ ਦੀਆਂ ਧਮਕੀਆਂ ਦੇਣ ਲੱਗੇ।
ਰਾਣੀ ਨੇ ਦੱਸਿਆ ਕਿ ਬੀਤੀ ਸ਼ਾਮ ਉਸਨੇ ਆਪਣੀ ਭੈਣ ਨੂੰ ਫੋਨ ਕਰਕੇ ਸਾਰੀ ਘਟਨਾ ਦੀ ਜਾਣਕਾਰੀ ਦਿੱਤੀ ਅਤੇ ਉਸਦੇ ਬੇਟੇ ਰਾਜਾ ਨੂੰ ਇਥੇ ਬੁਲਾਇਆ ਤਾਂ ਜੋ ਉਹ ਉਸਦੀ ਬੇਟੀ ਨੂੰ ਵਾਪਸ ਲੈ ਜਾਵੇ। ਰਾਜਾ ਬੱਸ ਸਟੈਂਡ ਪਹੁੰਚਿਆ। ਰਾਣੀ ਆਪਣੀ ਬੇਟੀ ਨੂੰ ਬੱਸ ਸਟੈਂਡ 'ਤੇ ਰਾਜਾ ਨਾਲ ਭੇਜ ਕੇ ਵਾਪਸ ਘਰ ਮੁੜ ਗਈ। ਰਾਜਾ ਅਤੇ ਲੜਕੀ ਬੱਸ ਸਟੈਂਡ ਫਲਾਈਓਵਰ ਤੋਂ ਜਾ ਰਹੇ ਸਨ ਕਿ ਨੌਜਵਾਨ ਗੋਪੀ ਨੇ ਆਪਣੇ ਸਾਥੀਆਂ ਸਮੇਤ ਉਨ੍ਹਾਂ ਨੂੰ ਘੇਰ ਲਿਆ ਅਤੇ ਮਾਰਕੁੱਟ ਕਰਕੇ ਉਸਦੀ ਬੇਟੀ ਨੂੰ ਅਗਵਾ ਕਰਕੇ ਲੈ ਗਏ।
ਰਾਜਾ ਨੇ ਉਸੇ ਵੇਲੇ ਥਾਣਾ ਨਵੀਂ ਬਾਰਾਂਦਰੀ 'ਚ ਅਗਵਾ ਦੀ ਘਟਨਾ ਦੀ ਸੂਚਨਾ ਦਿੱਤੀ ਪਰ ਪੁਲਸ ਨੇ ਗੰਭੀਰਤਾ ਨਾਲ ਨਹੀਂ ਲਿਆ। ਕਿਸੇ ਤਰ੍ਹਾਂ ਸ਼ਾਮ ਨੂੰ ਕੁੜੀ ਆਪਣੇ ਘਰ ਪਹੁੰਚ ਗਈ ਅਤੇ ਦੱਸਿਆ ਕਿ ਦੋਸ਼ੀਆਂ ਨੇ ਉਸ ਨਾਲ ਗੈਂਗਰੇਪ ਕੀਤਾ ਹੈ। ਪੁਲਸ ਦੇ ਸ਼ਿਕਾਇਤ ਦਰਜ ਨਾ ਕਰਨ ਤੋਂ ਬਾਅਦ ਪੀੜਤ ਪਰਿਵਾਰ ਨੇ ਥਾਣੇ ਦੇ ਘਿਰਾਓ ਕਰਕੇ ਨਾਅਰੇਬਾਜ਼ੀ ਕੀਤੀ, ਜਿਸ ਤੋਂ ਬਾਅਦ ਤਿੰਨ ਨੌਜਵਾਨਾਂ 'ਤੇ ਅਗਵਾ ਕਰਨ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ
ਮਿਹਨਤਾਂ ਨੂੰ ਲੱਗੇ ਫਲ, ਰੇੜ੍ਹੀ ਲਗਾਉਣ ਵਾਲੇ ਦੀ ਧੀ ਨੇ ਕਰਾ 'ਤੀ ਧੰਨ-ਧੰਨ (ਦੇਖੋ ਤਸਵੀਰਾਂ)
NEXT STORY