ਚੇਨਈ- 3 ਅਪ੍ਰੈਲ ਨੂੰ ਬਚਪਨ ਦੀ ਦੋਸਤ ਪ੍ਰਿਯੰਕਾ ਨਾਲ ਵਿਆਹ ਕਰਨ ਵਾਲੇ ਭਾਰਤੀ ਕ੍ਰਿਕੇਟਰ ਸੁਰੇਸ਼ ਰੈਨਾ ਨੇ ਤਾਮਿਲਨਾਡੂ ਦੇ ਨਾਗਪਤਨਮ ਜ਼ਿਲੇ ਦੇ ਨਵਗ੍ਰਹਿ ਮੰਦਰ 'ਚ ਪੂਜਾ ਕੀਤੀ। ਸੋਸ਼ਲ ਸਾਈਟ 'ਤੇ ਸ਼ੇਅਰ ਕੀਤੀਆਂ ਗਈਆਂ ਫੋਟੋਜ਼ 'ਚ ਰੈਨਾ ਦੇ ਮੱਥੇ 'ਤੇ ਚੰਦਨ ਤਿਲਕ ਅਤੇ ਪਵਿੱਤਰ ਭਭੂਤੀ ਲੱਗੀ ਹੋਈ ਹੈ। ਮੀਡੀਆ ਸੂਤਰਾਂ ਅਨੁਸਾਰ ਰੈਨਾ ਤਿਰੂਵੇਂਕਾਦੂ, ਕੀਝਾਪੇਰੂਪਾਲੱਮ ਅਤੇ ਤਿਰੂੰਬਰਮ ਪਿੰਡਾਂ 'ਚ ਸਥਿਤ ਨਵਗ੍ਰਹਿ ਮੰਦਰ 'ਚ ਪੂਜਾ ਅਰਚਨਾ ਅਤੇ ਪਰਿਕ੍ਰਮਾ ਕੀਤੀ। ਤਿਰੂਵੇਂਕਾਦੁ, ਕੀਝਾਪੇਰੂਮਪਾਲੱਮ ਅਤੇ ਤਿਰੂੰਬਰਮ ਪਿੰਡਾਂ 'ਚ ਸਥਿਤ ਨਵਗ੍ਰਹਿ ਮੰਦਰ ਕਾਫੀ ਫੇਮਸ ਹੈ। ਮੰਦਰ ਦੀ ਮਹਿਮਾ ਪੂਰੇ ਦੇਸ਼ 'ਚ ਹੈ। ਭਗਤਾਂ ਦਾ ਮੰਨਣਾ ਹੈ ਕਿ ਇਨ੍ਹਾਂ ਮੰਦਰਾਂ 'ਚ ਪੂਜਾ ਅਰਚਨਾ ਕਰਨ ਨਾਲ 9 ਗ੍ਰਹਾਂ ਦੇ ਕੁਸ਼ਪ੍ਰਭਾਵਾਂ ਤੋਂ ਬਚਾ ਸਕਦਾ ਹੈ।
ਚੇਨਈ ਸੁਪਰ ਕਿੰਗਜ਼ ਦੇ ਸਟਾਰ ਬੈਟਸਮੈਨ ਦੀ ਇਕ ਝਲਕ ਪਾਉਣ ਲਈ ਵੱਡੀ ਗਿਣਤੀ 'ਚ ਫੈਨਜ਼ ਮੰਦਰ 'ਚ ਜੁਟੇ ਸਨ। ਇਸ ਦੌਰਾਨ ਸੁਰੱਖਿਆ ਦੇ ਸਖਤ ਇੰਤਜ਼ਾਮ ਕੀਤੇ ਗਏ ਸਨ। ਪੂਜਾ 'ਚ ਰੈਨਾ ਦੀ ਪਤਨੀ ਪ੍ਰਿਯੰਕਾ ਕਿਤੇ ਦਿਖਾਈ ਨਹੀਂ ਦਿੱਤੀ।
ਆਖਰ ਕਿਉਂ ਦੂਜਿਆਂ ਦੇ ਖੇਤਾਂ 'ਚ ਕਣਕ ਕੱਟਣ ਨੂੰ ਮਜ਼ਬੂਰ ਹਨ ਨੈਸ਼ਨਲ ਪਲੇਅਰਜ਼ (ਦੇਖੋ ਤਸਵੀਰਾਂ)
NEXT STORY 
