ਘਨੌਰ (ਜੋਸਨ, ਅਲੀ): ਹਲਕਾ ਘਨੌਰ ਦੇ ਵਿਧਾਇਕ ਮਦਨ ਲਾਲ ਜਲਾਲਪੁਰ ਵੱਲੋਂ ਬਲਾਕ ਘਨੌਰ ਅਤੇ ਬਲਾਕ ਸ਼ੰਭੂ ਦੀਆਂ ਪੰਚਾਇਤਾਂ ਨੂੰ ਵੱਖ-ਵੱਖ ਵਿਕਾਸ ਕਾਰਜਾਂ ਲਈ ਗ੍ਰਾਂਟਾਂ ਦੇ ਚੈੱਕ ਵੰਡੇ ਗਏ। ਇਸ ਮੌਕੇ ਜ਼ਿਲਾ ਪ੍ਰਧਾਨ ਗੁਰਦੀਪ ਸਿੰਘ ਊਂਟਸਰ, ਯੂਥ ਕਾਂਗਰਸ ਦੇ ਜ਼ਿਲਾ ਮੀਤ ਪ੍ਰਧਾਨ ਤੇ ਮੈਂਬਰ ਜ਼ਿਲਾ ਪ੍ਰੀਸ਼ਦ ਗਗਨਦੀਪ ਸਿੰਘ ਜਲਾਲਪੁਰ, ਚੇਅਰਮੈਨ ਬਲਾਕ ਸ਼ੰਭੂ ਅੱਛਰ ਸਿੰਘ ਭੇਡਵਾਲ, ਅਮਰੀਕ ਸਿੰਘ ਖਾਨਪੁਰ ਮੈਂਬਰ ਜ਼ਿਲਾ ਪ੍ਰੀਸ਼ਦ, ਜਗਰੂਪ ਸਿੰਘ ਹੈਪੀ ਸੇਹਰਾ ਮੈਂਬਰ ਬਲਾਕ ਸੰਮਤੀ, ਸਾਬਕਾ ਸਰਪੰਚ ਜਗਦੀਪ ਸਿੰਘ ਡਿੰਪਲ ਚੱਪੜ੍ਹ ਵੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਰਹੇ।
ਸੰਬੋਧਨ ਕਰਦਿਆਂ ਵਿਧਾਇਕ ਜਲਾਲਪੁਰ ਨੇ ਕਿਹਾ ਕਿ ਜਿਹੜੀਆਂ ਪੰਚਾਇਤਾਂ ਇਮਾਨਦਾਰੀ ਨਾਲ ਕੰਮ ਕਰਕੇ ਆਪੋ-ਆਪਣੇ ਪਿੰਡਾਂ ਦੀ ਨੁਹਾਰ ਬਦਲਣ ਵਿਚ ਲੱਗੀਆਂ ਹੋਈਆਂ ਹਨ, ਉਨ੍ਹਾਂ ਨੂੰ ਇਨਾਮ ਵਜੋਂ ਗ੍ਰਾਂਟਾਂ ਦੇ ਗੱਫ਼ੇ ਦੇ ਕੇ ਨਿਵਾਜਿਆ ਜਾਵੇਗਾ। ਉਨ੍ਹਾਂ ਵੱਲੋਂ ਸਰਪੰਚਾਂ ਨੂੰ ਬਿਨ੍ਹਾਂ ਕਿਸੇ ਪੱਖ-ਪਾਤ ਦੇ ਸਮੁੱਚੇ ਪਿੰਡ ਨੂੰ ਨਾਲ ਲੈ ਕੇ ਵਿਕਾਸ ਕੰਮ ਕਰਨ ਦੀ ਅਪੀਲ ਕੀਤੀ ਗਈ। ਜਲਾਲਪੁਰ ਵੱਲੋਂ ਪੰਚਾਇਤਾਂ ਨੂੰ ਪਿੰਡਾਂ ਦੇ ਸਮਸ਼ਾਨਘਾਟਾਂ ਨੂੰ ਸਾਂਝਾ ਕਰਕੇ ਇਕ ਬਣਾਉਣ ਅਤੇ ਸਰਕਾਰੀ ਸਕੂਲਾਂ ਦਾ ਨਵੀਨੀਕਰਨ ਕਰਨ ਵੱਲ ਵੱਧ ਧਿਆਨ ਦੇਣ ਬਾਰੇ ਕਿਹਾ ਗਿਆ। ਉਨ੍ਹਾਂ ਕਿਹਾ ਕਿ ਅੱਜ ਉਨ੍ਹਾਂ ਵੱਲੋਂ ਮੰਡਵਾਲ, ਆਲਮਪੁਰ, ਘੜਾਮਾਂ, ਚਤਰ ਨਗਰ, ਜੈ ਨਗਰ, ਨੌਵਾਗਾਂ, ਪਿੰਡ ਚਮਾਰੂ, ਅਲਾਮਦੀਪੁਰ, ਨਵਾਂ ਅਜਰੌਰ, ਭੱਟਮਾਜਰਾ, ਜਮੀਤਗੜ੍ਹ, ਚਪੜ੍ਹ, ਸੀਲ ਸਮੇਤ ਹੋਰਨਾਂ ਪਿੰਡਾਂ ਨੂੰ ਵੱਖ-ਵੱਖ ਵਿਕਾਸ ਕੰਮਾਂ ਲਈ 60 ਲੱਖ ਰੁਪਏ ਦੀਆਂ ਗ੍ਰਾਂਟਾਂ ਦੇ ਚੈੱਕ ਦਿੱਤੇ ਗਏ ਹਨ।
ਇਸ ਮੌਕੇ ਬਲਾਕ ਸੰਮਤੀ ਮੈਂਬਰ ਨਰੇਸ਼ ਸੂਦ ਅਜਰੌਰ, ਸਰਪੰਚ ਸਤਿੰਦਰ ਸਿੰਘ , ਰਵਿੰਦਰ ਸਿੰਘ ਖੋਖਰ ਸਰਪੰਚ ਚਤਰਨਗਰ, ਹਰਪ੍ਰੀਤ ਸਿੰਘ ਸਰਪੰਚ ਚਮਾਰੂ, ਜਸਬੀਰ ਸਿੰਘ ਅਲਾਮਦੀਪੁਰ, ਮਨਜੀਤ ਸਿੰੰਘ ਸਰਪੰਚ ਚਪੜ੍ਹ, ਗੁਰਦੀਪ ਸਿੰਘ ਸਰਪੰਚ ਜੈ ਨਗਰ, ਸੁਰਜੀਤ ਸਿੰਘ ਸਰਪੰਚ ਅਜਰੌਰ, ਜਸਪਾਲ ਸਿੰਘ ਨੰਬਰਦਾਰ ਅਜਰੌਰ, ਰਾਮ ਸਿੰਘ ਸੀਲ, ਬਲਜੀਤ ਸਿੰਘ ਸਰਪੰਚ ਲਾਛੜੂ,ਮੇਵਾ ਸਿੰਘ ਲਾਛੜੂ, ਗੁਰਦੇਵ ਸਿੰਘ ਲਾਛੜੂ ਅਤੇ ਜਸਵੀਰ ਸਿੰਘ ਸਰਪੰਚ ਭੱਟਮਾਜਰਾ ਸਮੇਤ ਹੋਰ ਵੀ ਹਾਜ਼ਰ ਸਨ।
ਸਾਜ਼ਿਸ਼ਕਾਰ ਰੋਮੀ ਨੇ ਉੱਚ ਅਦਾਲਤ 'ਚ ਦਾਇਰ ਕੀਤੀ ਅਪੀਲ, ਕਿਹਾ,''ਮੈਨੂੰ ਭਾਰਤ ਹਵਾਲੇ ਨਾ ਕੀਤਾ ਜਾਵੇ''
NEXT STORY 
