ਅੰਮ੍ਰਿਤਸਰ (ਗਿੱਲ)- ਬਟਾਲਾ ਰੋਡ ਦੇ ਨਾਲ ਲੱਗਦੇ ਲਕਸ਼ਮੀ ਵਿਹਾਰ ਕਾਲੋਨੀ 88 ਫੁੱਟ ਰੋਡ ’ਤੇ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਬਾਰੇ ਪੜ੍ਹ ਕੇ ਤੁਸੀਂ ਹੈਰਾਨ ਹੋ ਜਾਵੋਗੇ। ਇੱਥੇ ਆਪਣੇ ਪਰਿਵਾਰ ਨਾਲ ਰਹਿਣ ਵਾਲੇ ਵਿੱਕੀ ਕੁਮਾਰ ਪਿਛਲੇ ਲੰਬੇ ਸਮੇਂ ਤੋਂ ਉਹ ਬਿਜਲੀ ਵਿਭਾਗ ਦਫ਼ਤਰ ਦੇ ਚੱਕਰ ਕੱਟ ਰਿਹਾ ਹੈ ਕਿਉਂਕਿ ਉਸ ਦੇ ਘਰ ਦਾ ਬਿੱਲ ਢਾਈ ਲੱਖ ਰੁਪਏ ਆਇਆ ਹੈ।
ਇਸ ਵੇਲੇ ਫਾਈਨ ਪਾ ਕੇ ਸਾਢੇ 3 ਲੱਖ ਬਿੱਲ ਖੜ੍ਹਾ ਹੋ ਗਿਆ ਹੈ, ਜਦਕਿ ਜਿਸ ਮਕਾਨ ਦਾ ਇਹ ਬਿੱਲ ਹੈ, ਉਹ ਸਿਰਫ 35 ਗਜ਼ ’ਚ ਬਣਿਆ ਹੈ ਅਤੇ ਵਿੱਕੀ ਮਿਹਨਤ-ਮਜ਼ਦੂਰੀ ਕਰ ਕੇ ਆਪਣਾ ਅਤੇ ਪਰਿਵਾਰ ਦਾ ਗੁਜ਼ਰ ਬਸਰ ਕਰ ਰਿਹਾ ਹੈ। 35 ਗਜ਼ ਦੇ ਇਸ ਮਕਾਨ ’ਚ 3 ਤੋਂ 4 ਬੱਲਬ ਤੇ ਇਕ ਟੀ.ਵੀ. ਚੱਲਦਾ ਹੈ।
ਵਿੱਕੀ ਕੁਮਾਰ ਨੇ ਦੱਸਿਆ ਕਿ ਉਸ ਦਾ ਰੁਟੀਨ ’ਚ ਬਿੱਲ ਹਜ਼ਾਰ ਦੇ ਕਰੀਬ ਤਰੀਬ ਆਉਂਦਾ ਸੀ ਪਰ ਉਸ ਵੇਲੇ ਉਸ ਦੀ ਹੈਰਾਨੀ ਦਾ ਕੋਈ ਟਿਕਾਣਾ ਨਾ ਰਿਹਾ, ਜਦੋਂ ਢਾਈ ਲੱਖ ਦਾ ਬਿੱਲ ਉਸ ਦੀਆਂ ਅੱਖਾਂ ਸਾਹਮਣੇ ਸੀ। ਜਦੋਂ ਉਹ ਢਾਈ ਲੱਖ ਦਾ ਬਿੱਲ ਲੈ ਕੇ ਬਿਜਲੀ ਦਫਤਰ ਪਹੁੰਚਿਆ ਤਾਂ ਉਸ ਦਾ ਮੀਟਰ ਬਦਲ ਦਿੱਤਾ ਗਿਆ। ਵਿੱਕੀ ਕੁਮਾਰ ਦੀਆਂ ਮੁਸ਼ਕਿਲਾਂ ਉਦੋਂ ਹੋਰ ਵਧ ਗਈਆਂ, ਜਦੋਂ ਉਸ ਦਾ ਅਗਲਾ ਬਿੱਲ ਸਾਢੇ 3 ਲੱਖ ਭੇਜ ਦਿੱਤਾ ਗਿਆ।
ਇਹ ਵੀ ਪੜ੍ਹੋ- ਸੰਘਣੀ ਧੁੰਦ ਕਾਰਨ 2 ਘਰਾਂ 'ਚ ਵਿਛ ਗਏ ਸੱਥਰ, ਜੀਜਾ-ਸਾਲੇ ਨੇ ਇਕੱਠਿਆਂ ਦੁਨੀਆ ਨੂੰ ਕਿਹਾ ਅਲਵਿਦਾ
ਵਿੱਕੀ ਮੁਤਾਬਕ ਉਸ ਵੱਲੋਂ ਲਗਾਤਾਰ ਬਿਜਲੀ ਵਿਭਾਗ ਦੇ ਚੱਕਰ ਮਾਰੇ ਜਾ ਰਹੇ ਹਨ ਪਰ ਉਸ ਦੀ ਕੋਈ ਸੁਣਵਾਈ ਨਹੀਂ ਹੋ ਰਹੀ ਅਤੇ ਉਸ ਨੂੰ ਕਿਹਾ ਜਾ ਰਿਹਾ ਹੈ ਕਿ ਇਹ ਬਿੱਲ ਤਾਂ ਭਰਨਾ ਹੀ ਪਵੇਗਾ। ਜੇਕਰ ਉਹ ਇਸ ਬਿੱਲ ਦੇ ਵਿਰੋਧ ’ਚ ਕੇਸ ਕਰਦਾ ਹੈ ਤਾਂ ਉਸ ਨੂੰ ਕੁੱਲ ਬਿੱਲ ਦਾ 20 ਫ਼ੀਸਦੀ ਜਮ੍ਹਾ ਕਰਾਉਣਾ ਪਵੇਗਾ, ਜਿਹੜਾ ਕਿ ਉਸ ਦੀ ਪਹੁੰਚ ਤੋਂ ਬਾਹਰ ਹੈ। ਉਹ 20 ਫ਼ੀਸਦੀ ਰਕਮ ਜਮ੍ਹਾ ਕਰਵਾਉਣ ਦੀ ਵੀ ਹਾਲਤ 'ਚ ਨਹੀਂ ਹੈ। ਇਸ ਪਰਿਵਾਰ ਨੇ ਦੁਖੀ ਹੋ ਕੇ ਆਪਣਾ ਮਕਾਨ ਵੇਚਣ ਲਾ ਦਿੱਤਾ ਹੈ ਪਰ ਸਵਾਲ ਇਹ ਹੈ ਕਿ ਮਕਾਨ ਵੇਚ ਕੇ ਵੀ ਲੱਖਾਂ ਦਾ ਬਿੱਲ ਇਸ ਗਰੀਬ ਪਰਿਵਾਰ ਦਾ ਖਹਿੜਾ ਛੱਡੇਗਾ ?
ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਸਮਾਜ ਸੇਵੀ ਪਵਨ ਸ਼ਰਮਾ ਨੇ ਕਿਹਾ ਕਿ ਪਰਿਵਾਰ ਨਾਲ ਧੱਕਾ ਕੀਤਾ ਜਾ ਰਿਹਾ ਹੈ, ਜਿੱਥੇ ਸਰਕਾਰ ਵੱਲੋਂ ਕਿਹਾ ਜਾ ਰਿਹਾ ਹੈ ਕਿ ਲੋਕਾਂ ਦੇ ਘਰਾਂ ਦੇ ਬਿੱਲ ਜ਼ੀਰੋ ਹਨ, ਉਥੇ ਹੀ ਇਸ ਘਰ ਦਾ ਬਿੱਲ ਸਭ ਤੋਂ ਜ਼ਿਆਦਾ ਹੈ, ਜਿਹੜਾ ਕਿ ਆਪਣੇ ਆਪ ’ਚ ਇਕ ਮਜ਼ਾਕ ਹੈ।
ਇਸੇ ਦੌਰਾਨ ਜਦੋਂ ਪਾਵਰਕਾਮ ਦੇ ਇਸ ਇਲਾਕੇ ਦੇ ਐਕਸੀਅਨ ਮਨੋਹਰ ਸਿੰਘ, ਐੱਸ.ਡੀ.ਓ. ਵਿਪਨ ਵਿਗ ਅਤੇ ਜੇ.ਈ. ਵਿਸ਼ਾਲ ਨਾਲ ਗੱਲ ਕਰਨੀ ਚਾਹੀ ਤਾਂ ਉਨ੍ਹਾਂ ਕਿਹਾ ਕਿ ਇਹ ਮਾਮਲਾ ਉਨ੍ਹਾਂ ਦੇ ਧਿਆਨ ’ਚ ਨਹੀਂ ਹੈ। ਐੱਸ.ਡੀ.ਓ. ਨੇ ਕਿਹਾ ਕਿ ਸੋਮਵਾਰ ਨੂੰ ਇਸ ਬਾਰੇ ਵਿਸਤਾਰ ’ਚ ਜਾਣਕਾਰੀ ਲੈ ਕੇ ਇਹ ਮਾਮਲਾ ਡਿਸਯੂਟ ਸੈਟਲਮੈਂਟ ਕਮੇਟੀ ਕੋਲ ਰੱਖਿਆ ਜਾਵੇਗਾ ਅਤੇ ਇਸ ਦਾ ਹੱਲ ਕਰਵਾ ਲਿਆ ਜਾਵੇਗਾ।
ਇਹ ਵੀ ਪੜ੍ਹੋ- ਹੁਣ ਪੰਜਾਬ ਦੇ ਇਸ ਇਸ ਇਲਾਕੇ 'ਚ ਦਿਖਿਆ ਚੀਤਾ ! ਲੋਕ ਘਰੋਂ ਨਿਕਲਣ ਤੋਂ ਵੀ ਕਰ ਰਹੇ 'ਤੌਬਾ'
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਮੇਅਰ ਬਣਨ ਮਗਰੋਂ ਰਾਮਪਾਲ ਉੱਪਲ ਦਾ ਬਿਆਨ ; 'ਬਿਨਾਂ ਕਿਸੇ ਪੱਖਪਾਤ ਦੇ ਫਗਵਾੜਾ ਦਾ ਹੋਵੇਗਾ ਸਰਵਪੱਖੀ ਵਿਕਾਸ...'
NEXT STORY 
