ਸੰਗਰੂਰ, (ਬੇਦੀ, ਹਰਜਿੰਦਰ)- ਪੁਲਸ ਨੇ 2 ਵਿਅਕਤੀਆਂ ਨੂੰ 70 ਕਿਲੋ ਭੁੱਕੀ ਸਣੇ ਕਾਬੂ ਕੀਤਾ ਹੈ। ਜਾਣਕਾਰੀ ਦਿੰਦਿਆਂ ਗੁਰਮੀਤ ਸਿੰਘ ਸਿੱਧੂ ਕਪਤਾਨ ਪੁਲਸ (ਇਨ.) ਸੰਗਰੂਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਹਾਇਕ ਥਾਣੇਦਾਰ ਸੁਖਦੇਵ ਸਿੰਘ ਸੰਗਰੂਰ ਐਂਟੀ ਨਾਰਕੋਟਿਕ ਸੈੱਲ ਸੁਨਾਮ ਨੂੰ ਗਸ਼ਤ ਦੌਰਾਨ ਇਤਲਾਹ ਮਿਲੀ ਕਿ ਡੀ. ਸੀ. ਪੁੱਤਰ ਪਾਲਾ ਸਿੰਘ ਵਾਸੀ ਸੁਨਾਮ ਹਾਲ ਅਾਬਾਦ ਚੋਵਾਸ ਜਖੇਪਲ ਜੋ ਕਿ ਬਾਹਰਲੇ ਰਾਜਾਂ ਤੋਂ ਭਾਰੀ ਮਾਤਰਾ ’ਚ ਚੂਰਾ ਪੋਸਤ ਲਿਆ ਕੇ ਲੁਕਾ ਕੇ ਰੱਖਦਾ ਹੈ, ਜਿਸ ਨੂੰ ਅੱਗੇ ਵੇਚਣ ਲਈ ਕੁਲਵੰਤ ਸਿੰਘ ਉਰਫ਼ ਗੋਰਾ ਪੁੱਤਰ ਸੀਤਾ ਵਾਸੀ ਹੰਬਲਵਾਸ ਥਾਣਾ ਧਰਮਗਡ਼੍ਹ ਅਤੇ ਰਾਜਦੀਪ ਸਿੰਘ ਉਰਫ਼ ਬੱਗਾ ਵਾਸੀ ਚੋਵਾਸ ਜਖੇਪਲ ਥਾਣਾ ਚੀਮਾ ਰੱਖੇ ਹੋਏ ਹਨ। ਇਤਲਾਹ ’ਤੇ ਸੁਖਦੇਵ ਸਿੰਘ ਨੇ ਪੀਰਖਾਨਾ ਚੀਮਾ ਰੋਡ ਜਖੇਪਲ ’ਤੇ ਨਾਕਾਬੰਦੀ ਦੌਰਾਨ ਹਰਦੀਪ ਸਿੰਘ ਪੀ. ਪੀ. ਐੱਸ., ਡੀ. ਐੱਸ. ਪੀ. ਸਬ ਡਵੀਜ਼ਨ ਸੁਨਾਮ ਦੀ ਹਾਜ਼ਰੀ ਵਿਚ ਦੋਸ਼ੀ ਕੁਲਵੰਤ ਸਿੰਘ ਅਤੇ ਰਾਜਦੀਪ ਸਿੰਘ ਤੋਂ 20 ਕਿਲੋ ਚੂਰਾ ਪੋਸਤ ਤੇ ਇਕ ਮੋਟਰਸਾਈਕਲ ਬਰਾਮਦ ਕੀਤਾ। ਦੋਸ਼ੀਆਂ ਦੀ ਨਿਸ਼ਾਨਦੇਹੀ ’ਤੇ ਪਿੰਡ ਚੋਵਾਸ ਜਖੇਪਲ ਦੇ ਸ਼ਮਸ਼ਾਨਘਾਟ ’ਚੋਂ 70 ਕਿੱਲੋ ਭੁੱਕੀ ਬਰਾਮਦ ਹੋਈ। ਦੋਸ਼ੀਆਂ ਖਿਲਾਫ਼ ਮਾਮਲਾ ਦਰਜ ਕਰ ਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਗਈ ਹੈ । ਇਸ ਦੇ ਮਾਸਟਰ ਮਾਈਂਡ ਡੀ. ਸੀ. ਪੁੱਤਰ ਪਾਲਾ ਸਿੰਘ ਦੀ ਗ੍ਰਿਫਤਾਰੀ ਹਾਲੇ ਬਾਕੀ ਹੈ।
ਜੀਪ-ਮੋਟਰਸਾਈਕਲ ਦੀ ਟੱਕਰ ’ਚ ਇਕ ਜ਼ਖਮੀ
NEXT STORY 
