ਅੱਧੀ ਰਾਤੀਂ 8 ਬੱਚੇ ਮਦਰੱਸੇ ਦਾ ਤਾਲਾ ਤੋੜ ਕੇ ਹੋ ਗਏ ਫਰਾਰ, ਪੁਲਸ ਨੇ ਕਾਬੂ ਕਰ ਕੇ ਕੀਤਾ ਮਾਪਿਆਂ ਦੇ ਸਪੁਰਦ

Edited By Harpreet Singh,
Updated: 26 Aug, 2024 02:44 AM

8 children broke the lock of the madrassa and escaped

ਸਮਾਣਾ (ਦਰਦ)- ਬੀਤੀ ਰਾਤ ਥਾਣਾ ਘੱਗਾ ਦੇ ਪਿੰਡ ਕਲਵਾਣੂੰ ਦੇ ਇਕ ਮਦਰੱਸੇ ’ਚ ਪੜ੍ਹਾਈ ਕਰ ਰਹੇ 8 ਬੱਚੇ ਫਰਾਰ ਹੋ ਗਏ ਸਨ। ਇਨ੍ਹਾਂ ਨੂੰ ਸਦਰ ਪੁਲਸ ਨੇ ਪਿੰਡ ਖਾਨਪੁਰ ਵਾਸੀਆਂ ਦੇ ਸਹਿਯੋਗ ਨਾਲ ਬੱਚਿਆਂ ਦੇ ਮਾਪਿਆਂ ਨਾਲ ਸੰਪਰਕ ਕਰ ਕੇ ਕੈਬਨਿਟ ਮੰਤਰੀ ਦੇ ਓ.ਐੱਸ.ਡੀ. ਗੁਰਦੇਵ ਸਿੰਘ ਟਿਵਾਣਾ ਦੀ ਹਾਜ਼ਰੀ ’ਚ ਮਾਪਿਆਂ ਦੇ ਸਪੁਰਦ ਕਰ ਦਿੱਤਾ।

ਮਦਰੱਸੇ ਦੇ ਅਧਿਆਪਕ ਅਬਦੁੱਲ ਰਹਿਮਾਨ ਨੇ ਦੱਸਿਆ ਕਿ ਪਿੰਡ ਕਲਵਾਣੂੰ ਸਥਿਤ ਮਦਨੀ ਮਦਰੱਸੇ ’ਚ 75 ਦੇ ਕਰੀਬ ਬੱਚੇ ਪੜ੍ਹਾਈ ਕਰਦੇ ਹਨ, ਜੋ ਦਿਨ-ਰਾਤ ਉੱਥੇ ਹੀ ਰਹਿੰਦੇ ਹਨ। ਉਨ੍ਹਾਂ ਦੱਸਿਆ ਕਿ ਮੋਹਾਲੀ ਜ਼ਿਲ੍ਹੇ ਦੇ ਪਿੰਡ ਖਾਨਪੁਰ ਦੇ 8 ਬੱਚਿਆਂ ਨੇ 22 ਅਗਸਤ ਨੂੰ ਦਾਖਲਾ ਲੈ ਕੇ ਨਰਸਰੀ ਜਮਾਤ ’ਚ ਪੜ੍ਹਾਈ ਸ਼ੁਰੂ ਕੀਤੀ ਸੀ। ਉਹ ਬਿਨ੍ਹਾਂ ਕਿਸੇ ਨੂੰ ਦੱਸੇ ਹੀ ਰਾਤ ਨੂੰ ਮਦਰੱਸੇ ਦਾ ਤਾਲਾ ਖੋਲ੍ਹ ਕੇ ਫਰਾਰ ਹੋ ਗਏ।

ਇਹ ਵੀ ਪੜ੍ਹੋ- Love Marriage ਕਰਵਾਉਣ ਵਾਲੇ ਜੋੜੇ ਨੇ ਮੰਗੀ ਸੁਰੱਖਿਆ, ਅਦਾਲਤ ਨੇ ਉਨ੍ਹਾਂ 'ਤੇ ਹੀ ਕਰ'ਤੀ ਕਾਰਵਾਈ

ਥਾਣਾ ਸਦਰ ਮੁਖੀ ਅਵਤਾਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਿੰਡ ਵਾਸੀਆਂ ਵੱਲੋਂ ਸੂਚਨਾ ਮਿਲੀ ਸੀ ਕਿ ਇਕ ਈ-ਰਿਕਸ਼ਾ ’ਚ 8 ਬੱਚੇ ਸਵਾਰ ਹਨ, ਜੋ ਸਾਡੇ ਪਿੰਡ ਦੇ ਨਹੀਂ ਹਨ। ਉਨ੍ਹਾਂ ਈ-ਰਿਕਸ਼ਾ ਨੂੰ ਬੱਚਿਆਂ ਸਮੇਤ ਥਾਣਾ ਸਦਰ ਸਮਾਣਾ ਲਿਆ ਕੇ ਬੱਚਿਆਂ ਤੋਂ ਉਨ੍ਹਾਂ ਦੇ ਵਾਰਿਸਾਂ, ਰਿਹਾਇਸ਼ ਤੇ ਸਿਹਤ ਬਾਰੇ ਜਾਣਿਆ। ਵਾਰਿਸਾਂ ਨੂੰ ਸੂਚਿਤ ਕਰ ਕੇ ਮੋਹਾਲੀ ਜ਼ਿਲ੍ਹੇ ਦੇ ਪਿੰਡ ਖਾਨਪੁਰ ਵਿਖੇ ਬੁਲਾਇਆ ਗਿਆ ਅਤੇ ਬੱਚਿਆਂ ਨੂੰ ਉਨ੍ਹਾਂ ਦਾ ਸਪੁਰਦ ਕਰ ਦਿੱਤਾ ਗਿਆ।