ਚੰਡੀਗੜ੍ਹ: ਆਮ ਪ੍ਰਭਾਵ ਤੇ ਛਪੀਆਂ ਰਿਪੋਰਟਾਂ ਦੇ ਉਲਟ ਅਸੀਤਫੇ ਦੇ ਚੁੱਕੇ ਆਮ ਆਦਮੀ ਪਾਰਟੀ ਦੇ ਤਿੰਨ ਵਿਧਾਇਕਾਂ ਦੀ ਸਿਆਸੀ ਕਿਸਮਤ ਬਾਰੇ ਅੱਜ ਕੋਈ ਫੈਸਲਾ ਹੋਣ ਦੇ ਆਸਾਰ ਨਹੀਂ ਹਨ। ਸੂਤਰਾਂ ਮੁਤਾਬਕ ਅੱਜ (ਮੰਗਲਵਾਰ) ਪੇਸ਼ੀ 'ਤੇ ਕੋਈ ਵੀ ਫੈਸਲਾ ਸਪੀਕਰ ਵਲੋਂ ਕੀਤੇ ਜਾਣ ਦੀ ਉਮੀਦ ਨਹੀਂ ਹੈ। ਇਹ ਪਤਾ ਲੱਗਾ ਹੈ ਕਿ ਇਨ੍ਹਾਂ ਅਸਤੀਫਿਆਂ ਬਾਰੇ ਕੋਈ ਵੀ ਫੈਸਲਾ ਕਿਸੇ ਅਗਲੀ ਤਾਰੀਖ 'ਤੇ ਪਾ ਦਿੱਤੇ ਜਾਣ ਦੀ ਸੰਭਾਵਨਾ ਹੈ। ਜਿਨ੍ਹਾਂ 3 'ਆਪ' ਵਿਧਾਇਕਾਂ ਨੂੰ ਸਪੀਕਰ ਨੇ ਪੇਸ਼ੀ ਲਈ ਬੁਲਾਇਆ ਸੀ, ਉਨ੍ਹਾਂ ਨੇ ਆਪਣੀਆਂ ਮਜ਼ਬੂਰੀਆਂ ਦੱਸਦੇ ਹੋਏ ਅੱਜ ਵਿਧਾਨ ਸਭਾ 'ਚ ਨਾ ਆ ਸਕਣ ਦੇ ਸੰਦੇਸ਼ ਵਿਧਾਨ ਸਭਾ ਸਕੱਤਰ ਨੂੰ ਭੇਜੇ ਹਨ।
ਸੁਖਪਾਲ ਖਹਿਰਾ, ਨਜ਼ਰ ਸਿੰਘ ਮਾਨਸ਼ਾਹੀਆ ਤੇ ਅਮਰਜੀਤ ਸਿੰਘ ਸੰਦੋਆ ਦਾ ਲੋਕ ਸਭਾ ਚੋਣਾਂ ਤੋਂ ਬਾਅਦ ਗਿਣਤੀ ਅਧਿਕ ਦੇ ਪ੍ਰਬੰਧਾਂ 'ਚ ਰੁੱਝੇ ਹੋਣ ਕਰਕੇ ਨਹੀਂ ਆ ਸਕਦੇ। ਇਸ ਲਈ ਸਪੀਕਰ ਰਾਣਾ ਕੇ. ਪੀ. ਸਿੰਘ ਵਲੋਂ ਉਨ੍ਹਾਂ ਨੂੰ ਕੋਈ ਹੋਰ ਅਗਲੀ ਤਾਰੀਖ ਦਿੱਤੇ ਜਾਣ ਦੀ ਵੀ ਸੰਭਾਵਨਾ ਹੈ। ਖਬਰਾਂ ਮੁਤਾਬਕ ਸਪੀਕਰ ਰਾਣਾ ਕੇ. ਪੀ. ਸਿੰਘ ਵਲੋਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਕਿ ਵਿਧਾਇਕਾਂ ਵਲੋਂ ਅੱਜ ਭਾਵ 21 ਮਈ ਨੂੰ ਨਾ ਪਹੁੰਚ ਸਕਣ ਦੀ ਸੂਚਨਾ ਵਿਧਾਨ ਸਭਾ ਨੂੰ ਭੇਜੀ ਗਈ ਹੈ। ਇਸ ਬਾਰੇ ਉਹ ਆਪਣਾ ਫ਼ੈਸਲਾ ਸੁਣਵਾਈ ਤੋਂ ਬਾਅਦ ਦੇਣਗੇ।
ਜ਼ਿਕਰਯੋਗ ਹੈ ਕਿ ਸਪੀਕਰ ਵਲੋਂ ਖਹਿਰਾ, ਮਾਨਸ਼ਾਹੀਆ ਨੂੰ 21 ਮਈ ਉਨ੍ਹਾਂ ਦੇ ਵਿਧਾਨ ਸਭਾ ਤੋਂ ਦਿੱਤੇ ਅਸਤੀਫ਼ਿਆਂ ਬਾਰੇ ਜਾਤੀ ਤੌਰ 'ਤੇ ਪੇਸ਼ ਹੋਣ ਲਈ ਬੁਲਾਇਆ ਗਿਆ ਹੈ।
'ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਹੇਠ ਸਟਰਾਂਗ ਰੂਮਾਂ 'ਚ ਰੱਖੀਆਂ ਵੋਟਿੰਗ ਮਸ਼ੀਨਾਂ'
NEXT STORY 
