ਅੰਮ੍ਰਿਤਸਰ/ਲੁਧਿਆਣਾ (ਵਿੱਕੀ) : ਪਿਛਲੇ ਕਾਫੀ ਸਮੇਂ ਤੋਂ ਡੇਟਸ਼ੀਟ ਜਾਰੀ ਹੋਣ ਦਾ ਇੰਤਜ਼ਾਰ ਕਰ ਰਹੇ 10ਵੀਂ ਅਤੇ 12ਵੀਂ ਦੇ ਵਿਦਿਆਰਥੀਆਂ ਨੂੰ ਸੈਂਟਰਲ ਬੋਰਡ ਆਫ ਸੈਕੰਡਰੀ ਐਜੂਕੇਸ਼ਨ (ਸੀ.ਬੀ.ਐੱਸ.ਈ.) ਨੇ ਮੰਗਲਵਾਰ ਦੇਰ ਸ਼ਾਮ ਨੂੰ ਰਾਹਤ ਦਿੱਤੀ ਹੈ। ਨਵਾਂ ਸਾਲ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਲੱਖਾਂ ਵਿਦਿਆਰਥੀਆਂ ਦੀ ਬੋਰਡ ਪ੍ਰੀਖਿਆ ਦਾ ਅਲਾਰਮ ਵੱਜ ਗਿਆ ਹੈ। ਸੀ.ਬੀ.ਐੱਸ.ਈ. ਨੇ ਦੇਰ ਸ਼ਾਮ ਆਪਣੀ ਅਧਿਕਾਰਿਕ ਵੈੱਬਸਾਈਟ 'ਤੇ ਕਲਾਸ 10ਵੀਂ ਅਤੇ 12ਵੀਂ ਬੋਰਡ ਪ੍ਰੀਖਿਆ 2020 ਦੀ ਡੇਟਸ਼ੀਟ ਜਾਰੀ ਕਰ ਦਿੱਤੀ ਹੈ। ਡੇਟਸ਼ੀਟ ਦੇ ਮੁਤਾਬਕ ਦੋਵੇਂ ਕਲਾਸਾਂ ਦੀਆਂ ਪ੍ਰੀਖਿਆਵਾਂ 15 ਫਰਵਰੀ ਤੋਂ ਸ਼ੁਰੂ ਹੋਣਗੀਆਂ। ਹਾਲਾਂਕਿ ਦੋਵੇਂ ਕਲਾਸਾਂ ਦੀਆਂ ਪ੍ਰੀਖਿਆਵਾਂ ਦੀ ਸ਼ੁਰੂਆਤ ਵੋਕੇਸ਼ਨਲ ਵਿਸ਼ਿਆਂ ਦੀ ਪ੍ਰੀਖਿਆ ਨਾਲ ਹੋਵੇਗੀ।
ਸੀ.ਬੀ.ਐੱਸ.ਈ. ਡੇਟਸ਼ੀਟ ਦੇ ਮੁਤਾਬਕ 10ਵੀਂ ਦੀ ਪਹਿਲੀ ਪ੍ਰੀਖਿਆ 15 ਫਰਵਰੀ ਨੂੰ ਵੋਕੇਸ਼ਨਲ ਵਿਸ਼ਿਆਂ ਦੀ ਹੋਵੇਗੀ ਜਦਕਿ ਮੁੱਖ ਵਿਸ਼ਿਆਂ ਦੀ ਪਹਿਲੀ ਪ੍ਰੀਖਿਆ 26 ਫਰਵਰੀ ਨੂੰ ਇੰਗਲਿਸ਼ ਦੇ ਪੇਪਰ ਨਾਲ ਹੋਵੇਗੀ। ਪ੍ਰੀਖਿਆ ਦਾ ਸਮਾਂ ਸਵੇਰੇ 10.30 ਤੋਂ 1.30 ਵਜੇ ਤੱਕ ਹੋਵੇਗਾ ਜਦਕਿ ਪ੍ਰੀਖਿਆਵਾਂ ਨੂੰ ਸਵੇਰੇ 10 ਵਜੇ ਉੱਤਰ ਪੱਤਰਿਕਾ ਦੇ ਦਿੱਤੀ ਜਾਵੇਗੀ। 10ਵੀਂ ਦੇ ਪੇਪਰ 20 ਮਾਰਚ ਨੂੰ ਖਤਮ ਹੋਣਗੇ ਉਥੇ 12ਵੀਂ ਦੀਆਂ ਪ੍ਰੀਖਿਆਵਾਂ ਵੀ 15 ਫਰਵਰੀ ਤੋਂ ਲੈ ਕੇ 30 ਮਾਰਚ ਤੱਕ ਚੱਲਣਗੀਆਂ। 12ਵੀਂ ਦਾ ਪਹਿਲਾ ਪੇਪਰ ਵੀ ਵੋਕੇਸ਼ਨਲ ਵਿਸ਼ਿਆਂ ਦਾ ਹੋਵੇਗਾ। ਕੋਰ ਵਿਸ਼ੇ ਦਾ ਪਹਿਲਾ ਪੇਪਰ 27 ਫਰਵਰੀ ਨੂੰ ਇੰਗਲਿਸ਼ ਦਾ ਹੋਵੇਗਾ। 30 ਮਾਰਚ ਨੂੰ ਸੋਸ਼ੋਲੋਜੀ ਦੇ ਅੰਤਿਮ ਪੇਪਰ ਦੇ ਨਾਲ ਪ੍ਰੀਖਿਆਵਾਂ ਦਾ ਸਮਾਪਨ ਹੋਵੇਗਾ। ਇਥੇ ਦੱਸ ਦੇਈਏ ਕਿ ਇਸ ਸਾਲ 10ਵੀਂ ਦੀ ਪ੍ਰੀਖਿਆ ਵੀ 12ਵੀਂ ਦੇ ਨਾਲ ਸ਼ੁਰੂ ਹੋ ਰਹੀ ਹੈ। ਜਦਕਿ ਪਿਛਲੇ ਸਾਲ 7 ਮਾਰਚ ਨੂੰ ਪ੍ਰੀਖਿਆਵਾਂ ਦੀ ਸ਼ੁਰੂਆਤ ਹੋਈ ਸੀ। ਉਥੇ 12ਵੀਂ ਦੀ ਪ੍ਰੀਖਿਆ ਵੀ 2 ਮਾਰਚ ਤੋਂ ਸ਼ੁਰੂ ਹੋਈ ਸੀ।
10ਵੀਂ ਦੀ ਡੇਟਸ਼ੀਟ
15 ਫਰਵਰੀ – ਰਿਟੇਲਿੰਗ, ਆਟੋਮੋਟਿਵ
17 ਫਰਵਰੀ- ਹੋਮ ਸਾਇੰਸ
26 ਫਰਵਰੀ- ਇੰਗਲਿਸ਼
29 ਫਰਵਰੀ –ਹਿੰਦੀ
4 ਮਾਰਚ -ਸਾਇੰਸ
7 ਮਾਰਚ- ਸੰਸਕ੍ਰਿਤ
12 ਮਾਰਚ- ਗਣਿਤ
18 ਮਾਰਚ- ਇਨਫਰਮੇਸ਼ਨ ਟੈਕਨਾਲੋਜੀ
12ਵੀਂ ਦੀ ਡੇਟਸ਼ੀਟ
15 ਫਰਵਰੀ- ਮਲਟੀਮੀਡੀਆ, ਬੈਂਕਿੰਗ ਆਦਿ
22 ਫਰਵਰੀ – ਸਾਇਕਾਲੋਜੀ
24 ਫਰਵਰੀ- ਸਰੀਰਕ ਸਿੱਖਿਆ
27 ਫਰਵਰੀ- ਇੰਗਲਿਸ਼
2 ਮਾਰਚ- ਫਿਜ਼ਿਕਸ
3 ਮਾਰਚ- ਹਿਸਟਰੀ
5 ਮਾਰਚ- ਅਕਾਊਂਟੈਂਸੀ
6 ਮਾਰਚ- ਪੋਲੀਟੀਕਲ ਸਾਇੰਸ
7 ਮਾਰਚ- ਕਮਿਸਟਰੀ
13 ਮਾਰਚ- ਇਕਨੋਮਿਕਸ
14 ਮਾਰਚ- ਬਾਇਓਲੋਜੀ
17 ਮਾਰਚ- ਗਣਿਤ
24 ਮਾਰਚ- ਬਿਜ਼ਨੈੱਸ ਸਟੱਡੀ
30 ਮਾਰਚ- ਸੋਸ਼ੋਲੋਜੀ
ਪੰਜਾਬ ਬੋਰਡ ਵਲੋਂ 'ਟੈੱਟ' ਦੀ 22 ਦਸੰਬਰ ਨੂੰ ਲਈ ਜਾਣ ਵਾਲੀ ਪ੍ਰੀਖਿਆ ਮੁਲਤਵੀ
NEXT STORY