ਅੰਮ੍ਰਿਤਸਰ (ਇੰਦਰਜੀਤ)- ਐਂਬੂਲੈਂਸ ਰਾਹੀਂ ਹਸਪਤਾਲ ਜਾਣ ਵਾਲੇ ਮਰੀਜ਼ਾਂ ਲਈ ਇਹ ਖ਼ਬਰ ਕਿਸੇ ਜੀਵਨ ਰੇਖਾ ਤੋਂ ਘੱਟ ਨਹੀਂ ਹੈ। ਹੁਣ ਹਸਪਤਾਲ ਜਾਣ ਵਾਲੇ ਮਰੀਜ਼ਾਂ ਨੂੰ ਸੜਕ ਜਾਮ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ, ਉਥੇ ਹੀ ਮਾਪਿਆਂ ਨੂੰ ਵੀ ਵਾਹਨ ਲਈ ਘੰਟਿਆਂਬੱਧੀ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ ਕਿਉਂਕਿ ਸਕੂਲੀ ਬੱਚਿਆਂ ਦਾ ਘਰ ਤੋਂ ਸਕੂਲ ਤੱਕ ਦਾ ਸਫ਼ਰ ਵੀ ਸਮੇਂ ਅਨੁਸਾਰ ਸੀਮਤ ਹੋਵੇਗਾ। ਅੰਮ੍ਰਿਤਸਰ ਵਿਚ ਬੇਕਾਬੂ ਟ੍ਰੈਫ਼ਿਕ ਨੂੰ ਮੁੜ ਲੀਹ ’ਤੇ ਲਿਆਉਣ ਲਈ ਮਾਸਟਰ ਪਲਾਨ ਤਿਆਰ ਕਰਨ ਵਾਲੇ ਵਧੀਕ ਡਾਇਰੈਕਟਰ ਜਨਰਲ ਆਫ਼ ਪੁਲਸ ਅਤੇ ਜ਼ਿਲ੍ਹਾ ਕਮਿਸ਼ਨਰ ਨੌਨਿਹਾਲ ਸਿੰਘ ਨੇ ਇਹ ਸਹੂਲਤ ਦੇਣ ਦਾ ਸੰਕਲਪ ਲਿਆ ਹੈ।
ਇਹ ਵੀ ਪੜ੍ਹੋ- 2 ਸਾਲਾ ਬੱਚੇ ਦੀ ਮੌਤ ਦਾ ਮਾਮਲਾ: ਪੋਸਟਮਾਰਟਮ ਦੀ ਮੁੱਢਲੀ ਰਿਪੋਰਟ ’ਚ ਹੋਇਆ ਵੱਡਾ ਖੁਲਾਸਾ
ਪਤਾ ਲੱਗਾ ਹੈ ਕਿ ਜਿਸ ਤਰ੍ਹਾਂ ਨਾਲ ਪਹਿਲਾਂ ਸੜਕ ਜਾਮ ਵਿਚ ਫ਼ਸੀਆਂ ਹੋਈਆਂ ਐਂਬੂਲੈਂਸ ਵਿਚ ਮਰੀਜ਼ ਅਤੇ ਉਨ੍ਹਾਂ ਦੇ ਸਰਪ੍ਰਸਤ ਪੂਰੇ ਰਸਤੇ ਅਰਦਾਸ ਕਰਦੇ ਰਹੇ ਕਿ ਮਰੀਜ਼ ਨੂੰ ਜਲਦੀ ਹਸਪਤਾਲ ਦੇ ਐਮਰਜੈਂਸੀ ਰੂਮ ’ਚ ਪਹੁੰਚਾਇਆ ਜਾਵੇ ਪਰ ਸੜਕ ਜਾਮ ’ਤੇ ਕੋਈ ਕਾਬੂ ਨਹੀਂ ਸੀ, ਕਦੋਂ ਜਾਮ ਖ਼ਤਮ ਹੋਵੇਗਾ। ਨਵੀਂ ਸਹੂਲਤ ਨੂੰ ਸੰਭਵ ਬਣਾਉਣ ਲਈ ਪੁਲਸ ਅਜਿਹੇ ਪ੍ਰਬੰਧ ਕਰ ਰਹੀ ਹੈ ਕਿ ਐਂਬੂਲੈਂਸ ਨੂੰ ਕਿਸੇ ਵੀ ਹਾਲਤ ’ਚ ਘੱਟੋ-ਘੱਟ 40 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਲੰਘਣ ਦਿੱਤਾ ਜਾਵੇ ਅਤੇ ਉਹ ਵੀ ਬਿਨਾਂ ਜਾਮ ਦੇ।
ਇਹ ਵੀ ਪੜ੍ਹੋ- ਪੈਨਸ਼ਨਧਾਰਕਾਂ ਨੂੰ ਮਿਲੇਗੀ ਵੱਡੀ ਰਾਹਤ, ਪੰਜਾਬ ਸਰਕਾਰ ਲੈਣ ਜਾ ਰਹੀ ਇਹ ਫ਼ੈਸਲਾ
ਸਕੂਲੀ ਬੱਚਿਆਂ ਦੀਆਂ ਗੱਡੀਆਂ ਵੀ ਪੁੱਜਣਗੀਆਂ 10 ਤੋਂ 15 ਮਿੰਟਾਂ ’ਚ ਘਰ ਵਾਪਸ
ਇਸੇ ਤਰ੍ਹਾਂ ਬੱਚਿਆਂ ਨੂੰ ਸਕੂਲ ਲਿਜਾਣ ਅਤੇ ਘਰ ਵਾਪਸ ਲਿਆਉਣ ਲਈ ਸਕੂਲ ਵੱਲੋਂ ਅਧਿਕਾਰਤ ਵੈਨਾਂ ਜਾਂ ਆਟੋਆਂ ਲਈ ਇਸ ਤਰੀਕੇ ਨਾਲ ਰਸਤਾ ਬਣਾਉਣ ਦੀ ਯੋਜਨਾ ਬਣਾਈ ਗਈ ਹੈ ਕਿ ਇਹ ਵੱਧ ਤੋਂ ਵੱਧ 10 ਜਾਂ 15 ਮਿੰਨ ਅੰਦਰ ਮੰਜ਼ਿਲ ’ਤੇ ਪਹੁੰਚ ਸਕੇ। ਜਦੋਂ ਕਿ ਮੌਜੂਦਾ ਸਿਸਟਮ ਵਿਚ ਬੱਚਿਆਂ ਨੂੰ ਸਵੇਰੇ ਸਕੂਲ ਜਾਣ ਜਾਂ ਵਾਪਸ ਆਉਣ ਵਿਚ ਇਕ ਘੰਟਾ ਲੱਗਣਾ ਆਮ ਗੱਲ ਹੈ। ਇਸ ਨਾਲ ਬੱਚਿਆਂ ਨੂੰ ਵੀ ਰਾਹਤ ਮਿਲੇਗੀ ਅਤੇ ਪੜ੍ਹਾਈ ਵਿਚ ਵੀ ਉਨ੍ਹਾਂ ਦੀ ਕੁਸ਼ਲਤਾ ਵਧੇਗੀ। ਸਮੇਂ ਵਿਚ ਇਹ ਸਕੀਮਾਂ ਲਾਗੂ ਕੀਤੀਆਂ ਜਾ ਸਕਦੀਆਂ ਹਨ।
ਇਹ ਵੀ ਪੜ੍ਹੋ- ਲਾਵਾਰਿਸ ਪਸ਼ੂਆਂ ਦੀ ਸਾਂਭ ਸੰਭਾਲ ਨੂੰ ਲੈ ਕੇ ਪੰਜਾਬ ਕੈਬਨਿਟ ਦਾ ਅਹਿਮ ਫ਼ੈਸਲਾ
ਜੀ-20 ਕਾਨਫ਼ਰੰਸ ’ਚ ਪੁਲਸ-ਵਿਵਸਥਾ ਦੀ ਮਿਲੀ ਮਿਸਾਲ
ਅੰਮ੍ਰਿਤਸਰ ਦੇ ਪੁਲਸ ਕਮਿਸ਼ਨਰ ਨੌਨਿਹਾਲ ਸਿੰਘ ਨੇ ਜੀ-20 ਕਾਨਫ਼ਰੰਸ ਵਿਚ ਆਉਣ-ਵਾਲੇ ਵਿਦੇਸ਼ੀ ਮਹਿਮਾਨਾਂ ਦੇ ਵਾਹਨਾਂ ਨੂੰ ਜਿਸ ਤਰ੍ਹਾਂ ਬਿਹਤਰ ਸਹੀ ਰੂਪ ਦਿੱਤਾ ਅਤੇ ਅਮਨ-ਕਾਨੂੰਨ ਨੂੰ ਕੰਟਰੋਲ ਵਿਚ ਰੱਖਿਆ, ਉਸ ਨਾਲ ਅੰਮ੍ਰਿਤਸਰ ਮੈਟਰੋਪੋਲੀਟਨ ਪੁਲਸ ਦਾ ਵੱਕਾਰ ਵਧਿਆ। ਪੰਜਾਬ ’ਚ ਹੀ ਨਹੀਂ, ਸਗੋਂ ਦੁਨੀਆ ਦੇ ਹੋਰ ਦੇਸ਼ਾਂ ਵਿਚ ਵੀ ਬਣਾਏ ਗਏ ਹਨ। ਉੱਤਰੀ ਭਾਰਤ ਦੀ ਸਭ ਤੋਂ ਵੱਡੀ ਸੰਸਥਾ ਪੰਜਾਬ ਪ੍ਰਦੇਸ਼ ਵਪਾਰ ਮੰਡਲ ਦੇ ਮਹਾਮੰਤਰੀ ਸਮੀਰ ਜੈਨ ਅਤੇ ਉੱਘੇ ਲੋਹਾ ਵਪਾਰੀ ਆਗੂ ਤਜਿੰਦਰ ਬਿੱਟੂ ਦਾ ਕਹਿਣਾ ਹੈ ਕਿ ਅਜਿਹੇ ਪ੍ਰਬੰਧਾਂ ਸਦਕਾ ਸਾਡੀ ਸ਼ਾਨ ਸ਼ਹਿਰ ਵਿਚ ਵਾਧਾ ਹੋ ਰਿਹਾ ਹੈ ਅਤੇ ਆਉਣ ਵਾਲੇ ਸਮੇਂ ਵਿਚ ਇੱਥੇ ਵਿਦੇਸ਼ੀ ਸੈਲਾਨੀਆਂ ਦਾ ਗ੍ਰਾਫ਼ ਵੀ ਵਧੇਗਾ। ਉਕਤ ਵਪਾਰਕ ਆਗੂਆਂ ਨੇ ਐਂਬੂਲੈਂਸਾਂ ਅਤੇ ਸਕੂਲੀ ਵਾਹਨਾਂ ਨੂੰ ਵੱਖਰੇ ਰੂਟ ਦੇਣ ਦੀ ਯੋਜਨਾ ਦੀ ਸ਼ਲਾਘਾ ਕਰਦਿਆਂ ਇਸ ਨੂੰ ਇਕ ਵਧੀਆ ਉਪਰਾਲਾ ਕਰਾਰ ਦਿੱਤਾ। ਦੂਜੇ ਪਾਸੇ ਪੁਲਸ ਕਮਿਸ਼ਨਰ ਨੂੰ ਅਪੀਲ ਕੀਤੀ ਕਿ ਕਮਰਸ਼ੀਅਲ ਵਾਹਨਾਂ ਲਈ ਵੀ ਵੱਖਰਾ ਰੂਟ-ਮੈਪ ਤਿਆਰ ਕਰੋ, ਇਹ ਵੀ ਆਰਥਿਕਤਾ ਦਾ ਹਿੱਸਾ ਹੈ।
ਇਹ ਵੀ ਪੜ੍ਹੋ- ਆਸਾਮ 'ਚ ਡਿਊਟੀ ਕਰ ਰਹੇ ਪੰਜਾਬ ਦੇ ਫ਼ੌਜੀ ਜਵਾਨ ਨਾਲ ਵਾਪਰਿਆ ਭਾਣਾ, ਮਾਪਿਆਂ ਦਾ ਸੀ ਇਕਲੌਤਾ ਪੁੱਤ
ਨੋਟ- ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ 'ਚ ਦੱਸੋ।
2047 ਤੱਕ ਭਾਰਤ ਬਣੇਗਾ ਵਿਕਸਿਤ ਰਾਸ਼ਟਰ, ਕਾਂਗਰਸ ਨੂੰ ਦੇਸ਼ 'ਚ ਹੋਇਆ ਵਿਕਾਸ ਨਹੀਂ ਦਿਖਦਾ : ਹਰਦੀਪ ਪੁਰੀ
NEXT STORY 
