ਚੰਡੀਗੜ੍ਹ/ਬਠਿੰਡਾ - ਬਠਿੰਡਾ ਵਿੱਚ ਲੱਗੀ ਐੱਚ. ਐੱਮ. ਈ. ਐੱਲ. ਦੀ ਰਿਫਾਇਨਰੀ ਹੁਣ ਈਥਾਨੋਲ ਵੀ ਬਣਾਏਗੀ ਅਤੇ ਇਸ ਨੂੰ ਪੈਟਰੋਲ ਵਿੱਚ 20 ਫ਼ੀਸਦੀ ਤੱਕ ਮਿਲਾਏਗੀ। ਉਨ੍ਹਾਂ ਨੂੰ ਅਜਿਹਾ ਕਰਨ ਲਈ ਟੈਕਸ ਵਿਭਾਗ ਤੋਂ ਲਾਇਸੈਂਸ ਮਿਲ ਗਿਆ ਹੈ। ਈ-2 ਲਾਇਸੈਂਸ ਫ਼ਸਲ ਦੀ ਰਹਿੰਦ-ਖੂੰਹਦ ਤੋਂ ਈਥਾਨੋਲ ਬਣਾਉਣ ਲਈ ਦਿੱਤਾ ਜਾਂਦਾ ਹੈ। ਕੰਪਨੀ ਨੇ ਕਾਫ਼ੀ ਲੰਬੇ ਸਮੇਂ ਤੋਂ ਲਾਇਸੈਂਸ ਦੀ ਮੰਗ ਕੀਤੀ ਹੋਈ ਸੀ, ਜੋ ਉਨ੍ਹਾਂ ਨੂੰ ਵੀਰਵਾਰ ਨੂੰ ਮਿਲ ਗਿਆ ਹੈ। ਕੰਪਨੀ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਵੀ ਲਾਇਸੈਂਸ ਮਿਲਣ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਹੁਣ ਕੰਪਨੀ ਰੋਜ਼ਾਨਾ 300 ਕਿਲੋ ਲੀਟਰ ਈਥਾਨੋਲ ਬਣਾ ਸਕੇਗੀ ਅਤੇ ਇਸ ਦੇ ਲਈ ਕਿਸਾਨਾਂ ਤੋਂ ਗੰਨੇ ਦੀ ਰਹਿੰਦ-ਖੂੰਹਦ ਲਈ ਜਾਵੇਗੀ। ਉਨ੍ਹਾਂ ਦੱਸਿਆ ਕਿ ਹੁਣ ਕੰਪਨੀ ਕਿਸਾਨਾਂ ਨੂੰ ਉਨ੍ਹਾਂ ਦੀ ਵੇਸਟੇਜ਼ ਦੇ ਪੈਸੇ ਵੀ ਦੇਵੇਗੀ।
ਇਹ ਵੀ ਪੜ੍ਹੋ- ਜਲੰਧਰ ਜ਼ਿਲ੍ਹੇ ਦੀ ਇਸ ਫੈਕਟਰੀ 'ਚ ਚੱਲ ਰਿਹਾ ਸੀ ਗਊਆਂ ਨੂੰ ਵੱਢਣ ਦਾ ਕੰਮ, 13 ਨੌਜਵਾਨ ਰੰਗੇ ਹੱਥੀਂ ਗ੍ਰਿਫ਼ਤਾਰ
ਹਾਲਾਂਕਿ ਇਥੇ ਵੱਡਾ ਸਵਾਲ ਇਹ ਹੈ ਕਿ ਕੰਪਨੀ ਰੋਜ਼ਾਨਾ 300 ਕਿਲੋ ਲੀਟਰ ਈਥਾਨੋਲ ਬਣਾਉਣ ਲਈ ਰੋਜ਼ਾਨਾ ਵੇਸਟੇਜ਼ ਕਿੱਥੋਂ ਲੈ ਕੇ ਲੈ ਆਵੇਗੀ। ਜਿੰਨੀ ਰਹਿੰਦ-ਖੂੰਹਦ ਦੀ ਗੱਲ ਕੀਤੀ ਜਾ ਰਹੀ ਹੈ, ਉਹ ਖੰਡ ਮਿੱਲਾਂ ਨਾਲ ਹੀ ਹੁੰਦੀ ਹੈ ਪਰ ਹੁਣ ਉਹ ਈਥਾਨੋਲ ਬਣਾਉਣ ਜਾਂ ਫਿਰ ਇਸ ਤੋਂ ਗੁੜ ਤਿਆਰ ਕਰਨ ਦਾ ਕੰਮ ਵੀ ਕਰੇਗੀ। ਕੁਝ ਇਸ ਨੂੰ ਬਾਲਣ ਵਜੋਂ ਵੀ ਵਰਤਦੇ ਹਨ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇਕਰ ਕਿਸਾਨਾਂ ਨੂੰ ਗੰਨੇ ਦੀ ਰਹਿੰਦ-ਖੂੰਹਦ ਤੋਂ ਈਥਾਨੋਲ ਤਿਆਰ ਕਰਕੇ ਵਾਧੂ ਪੈਸੇ ਦਿੱਤੇ ਜਾਣ ਤਾਂ ਉਹ ਝੋਨੇ ਅਤੇ ਕਣਕ ਨੂੰ ਛੱਡ ਕੇ ਗੰਨੇ ਦਾ ਰਕਬਾ ਵਧਾ ਸਕਦੇ ਹਨ ਪਰ ਇਸ ਵਿੱਚ ਵੱਡੀ ਸਮੱਸਿਆ ਇਸ ਦੀ ਬਰਬਾਦੀ ਨੂੰ ਇਕੱਠਾ ਕਰਨਾ ਹੈ। ਕੰਪਨੀ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇਸ ਲਈ ਰਿਫਾਈਨਰੀ ਵਿੱਚ 500 ਏਕੜ ਵਾਧੂ ਜ਼ਮੀਨ ਰੱਖੀ ਹੋਈ ਹੈ।
ਜ਼ਿਕਰਯੋਗ ਹੈ ਕਿ ਅਨਾਜ ਤੋਂ ਵੱਧ ਤੋਂ ਵੱਧ ਈਥੋਨਾਲ ਪ੍ਰਾਪਤ ਕੀਤਾ ਜਾਂਦਾ ਹੈ, ਜੋ ਕੰਪਨੀ ਲਈ ਸਭ ਤੋਂ ਵੱਧ ਫਾਇਦੇਮੰਦ ਹੁੰਦਾ ਹੈ। ਇਕ ਟਨ ਚੌਲਾਂ ਤੋਂ 450-480 ਲੀਟਰ ਈਥੋਨਾਲ ਪੈਦਾ ਹੁੰਦਾ ਹੈ। ਜਦੋਂਕਿ ਟੁੱਟੇ ਹੋਏ ਦਾਣਿਆਂ ਤੋਂ 450-460 ਲੀਟਰ, ਮੱਕੀ ਤੋਂ 380-400 ਲੀਟਰ, ਜਵਾਰ ਅਤੇ ਬਾਜਰੇ ਤੋਂ 365-380 ਲੀਟਰ ਪੈਦਾਵਾਰ ਹੁੰਦੀ ਹੈ।
ਈਥੋਨਾਲ ਦਾ ਉਤਪਾਦਨ ਸਟਾਰਚ ਦੀ ਸਮੱਗਰੀ 'ਤੇ ਨਿਰਭਰ ਕਰਦਾ ਹੈ, ਜੋਕਿ ਚੌਲਾਂ ਵਿੱਚ 68-72 ਫ਼ੀਸਦੀ, ਮੱਕੀ ਵਿੱਚ 58-62 ਫ਼ੀਸਦੀ, ਜਵਾਰ ਵਿੱਚ 56-58 ਫ਼ੀਸਦੀ ਹੈ। ਹੁਣ ਸਵਾਲ ਇਹ ਹੈ ਕਿ ਜੇਕਰ ਕੰਪਨੀਆਂ ਨੂੰ ਵੇਸਟੇਜ਼ ਨਹੀਂ ਮਿਲੀ ਤਾਂ ਕੀ ਉਹ ਅਨਾਜ ਤੋਂ ਈਥੋਨਾਲ ਬਣਾਉਣਗੀਆਂ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਇਸ ਦਾ ਫ਼ਸਲੀ ਵਿਭਿੰਨਤਾ 'ਤੇ ਮਾੜਾ ਅਸਰ ਪਵੇਗਾ। ਜੇਕਰ ਇਸ ਨੂੰ ਗੰਨੇ ਤੋਂ ਬਣਾਇਆ ਜਾਵੇ ਤਾਂ ਕਿਸਾਨਾਂ ਨੂੰ ਖੇਤੀ ਵਿਭਿੰਨਤਾ ਦਾ ਚੰਗਾ ਮੌਕਾ ਮਿਲ ਸਕਦਾ ਹੈ ਪਰ ਜੇਕਰ ਇਸ ਨੂੰ ਚੌਲਾਂ ਤੋਂ ਬਣਾਇਆ ਜਾਵੇ ਤਾਂ ਕਿਸਾਨ ਝੋਨੇ ਦਾ ਰਕਬਾ ਹੋਰ ਵਧਾ ਸਕਦੇ ਹਨ।
ਇਹ ਵੀ ਪੜ੍ਹੋ- ਜਲੰਧਰ: ਗੁਰੂ ਨਾਨਕ ਮਿਸ਼ਨ ਚੌਂਕ 'ਚ ਭਿੜੇ ਭਿਖਾਰੀ, ਦਿਵਿਆਂਗ ਭਿਖਾਰੀ ਨੂੰ ਵੇਖ ਲੋਕਾਂ ਦੇ ਉੱਡੇ ਹੋਸ਼
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:-
https://play.google.com/store/apps/details?id=com.jagbani&hl=en&pli=1
For IOS:-
https://apps.apple.com/in/app/id538323711
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ
ਪੰਜਾਬ ਦੇ ਲੱਖਾਂ ਕਿਸਾਨਾਂ ਲਈ ਬੁਰੀ ਖ਼ਬਰ, ਇਸ ਕੇਂਦਰੀ ਸਕੀਮ 'ਚ ਹੋਏ Out
NEXT STORY 
