ਲੁਧਿਆਣਾ (ਨਰਿੰਦਰ) : ਸ਼ਹਿਰ ਦੇ ਡੰਡੀ ਸਵਾਮੀ ਇਲਾਕੇ 'ਚ ਕਾਂਗਰਸੀ ਕੌਂਸਲਰ ਇੰਦੂ ਥਾਪਰ ਦੇ ਪਤੀ ਰਾਜੂ ਥਾਪਰ ਅਤੇ ਉਸ ਦੇ ਗੁੰਡਿਆਂ ਵਲੋਂ ਸ਼ਰੇਆਮ ਇਕ ਬੇਕਸੂਰ ਨੌਜਵਾਨ ਨੂੰ ਕੁੱਟਿਆ ਗਿਆ, ਜਿਸ ਦੀ ਵੀਡੀਓ ਵਾਇਰਲ ਹੋ ਗਈ ਹੈ। ਜਾਣਕਾਰੀ ਮੁਤਾਬਕ ਡੰਡੀ ਸਵਾਮੀ ਇਲਾਕੇ 'ਚੋਂ ਇਕ ਗੱਡੀ ਲੰਘ ਰਹੀ ਸੀ ਕਿ ਅਚਾਨਕ ਪਾੜ ਪੈਣ ਕਾਰਨ ਉੱਥੇ ਧੱਸ ਗਈ। ਇਸ ਤੋਂ ਬਾਅਦ ਇਲਾਕੇ ਵਾਲੇ ਇਕੱਠੇ ਹੋਏ ਤਾਂ ਮੌਕੇ 'ਤੇ ਪੁੱਜਿਆ ਕਾਂਗਰਸੀ ਕੌਂਸਲਰ ਦਾ ਪਤੀ ਰਾਜੂ ਥਾਪਰ ਜੇ. ਸੀ. ਬੀ. ਦੀ ਮਦਦ ਨਾਲ ਗੱਡੀ ਕਢਵਾਉਣ 'ਚ ਲੱਗ ਗਿਆ ਅਤੇ ਮੀਡੀਆ ਨੂੰ ਖੱਡੇ ਸਬੰਧੀ ਜਾਣਕਾਰੀ ਦੇਣ ਲੱਗਾ।
ਇੰਨੇ ਨੂੰ ਗੌਰਵ ਕਾਲੀਆ ਨਾਂ ਦਾ ਸ਼ਖਸ ਮੌਕੇ ਦੀ ਸਥਿਤੀ ਬਿਆਨ ਕਰਨ ਲਈ ਲਾਈਵ ਹੋ ਗਿਆ। ਇਹ ਸਭ ਬਰਦਾਸ਼ਤ ਨਾ ਕਰਦੇ ਹੋਏ ਕੌਂਸਲਰ ਦੇ ਪਾਲੇ ਗੁੰਡੇ ਤੇ ਉਸ ਦਾ ਪਤੀ ਰਾਜੂ ਥਾਪਰ ਮੀਡੀਆ ਨਾਲ ਗੱਲ ਕਰਦਿਆਂ ਹੀ ਉਸ ਨੌਜਵਾਨ ਨੂੰ ਕੁੱਟਣ ਚਲਾ ਗਿਆ। ਇਹ ਸਾਰੀ ਘਟਨਾ ਲੋਕਾਂ ਨੇ ਆਪਣੇ ਮੋਬਾਇਲ ਫੋਨਾਂ 'ਚ ਕੈਦ ਕੀਤੀ ਅਤੇ ਇਲਾਕੇ ਦੇ ਸੀ. ਸੀ. ਟੀ. ਵੀ. ਕੈਮਰਿਆਂ 'ਚ ਵੀ ਸਭ ਕੁਝ ਕੈਦ ਹੋ ਗਿਆ।
ਪਰਨੀਤ ਕੌਰ ਦਾ ਕਰੀਬੀ ਹੈ ਰਾਜੂ ਥਾਪਰ
ਰਾਜੂ ਥਾਪਰ ਸੂਬੇ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਪਤਨੀ ਪਰਨੀਤ ਕੌਰ ਦਾ ਵੀ ਖਾਸ ਮੰਨਿਆ ਜਾਂਦਾ ਹੈ ਅਤੇ ਪਰਨੀਤ ਕੌਰ ਕੋਲੋਂ ਰੱਖੜੀਆਂ ਬੰਨ੍ਹਵਾਉਂਦਾ ਵੀ ਦੇਖਿਆ ਗਿਆ ਹੈ। ਹੁਣ ਜਦੋਂ ਮੈਡਮ ਪਰਨੀਤ ਕੌਰ ਨੂੰ ਰਾਜੂ ਥਾਪਰ ਦੀ ਅਜਿਹੀ ਕਰਤੂਤ ਦਾ ਪਤਾ ਲੱਗੇਗਾ ਤਾਂ ਉਨ੍ਹਾਂ ਨੂੰ ਵੀ ਆਪਣੇ ਭਰਾ ਦੀ ਕਰਤੂਤ 'ਤੇ ਸ਼ਰਮ ਤਾਂ ਜ਼ਰੂਰ ਆ ਜਾਵੇਗੀ। ਇਹ ਕੋਈ ਪਹਿਲੀ ਵਾਰ ਨਹੀਂ, ਜਦੋਂ ਸੱਤਾ ਦੇ ਨਸ਼ੇ 'ਚ ਚੂਰ ਕਾਂਗਰਸੀਆਂ ਨੇ ਆਮ ਲੋਕਾਂ 'ਤੇ ਉਨ੍ਹਾਂ ਦੀ ਕਰਤੂਤ ਦਾ ਪਰਦਾਫਾਸ਼ ਕਰਨ 'ਤੇ ਉਨ੍ਹਾਂ ਨਾਲ ਕੁੱਟਮਾਰ ਕੀਤੀ ਹੋਵੇ। ਉਮੀਦ ਹੈ ਕਿ ਕਾਂਗਰਸ ਦੇ ਸੂਬਾ ਪ੍ਰਧਾਨ ਸੁਨੀਲ ਜਾਖੜ ਅਤੇ ਹੋਰ ਵੱਡੇ ਆਗੂ ਇਸ ਕੌਂਸਲਰ ਦੇ ਪਤੀ ਦੀ ਸ਼ਰਮਨਾਕ ਕਰਤੂਤ ਦੇਖ ਉਸ 'ਤੇ ਸਖਤ ਕਦਮ ਚੁੱਕਣਗੇ ਅਤੇ ਪੀੜਤ ਨੂੰ ਇਨਸਾਫ ਦੁਆਉਣਗੇ।
ਸਿਵਲ ਹਸਪਤਾਲ ਲੁਧਿਆਣਾ ’ਚੋਂ ਫ਼ਰਾਰ ਹਵਾਲਾਤੀ ਕਾਬੂ
NEXT STORY 
