ਲੁਧਿਆਣਾ (ਖੁਰਾਣਾ) : ‘ਪ੍ਰਧਾਨ ਮੰਤਰੀ ਗਰੀਬ ਕਲਿਆਣ ਅੰਨ ਯੋਜਨਾ’ ਨਾਲ ਜੁੜੇ ਗਰੀਬ ਪਰਿਵਾਰਾਂ ਤੋਂ ਆਟਾ ਚੱਕੀ ਮਾਲਕਾਂ ਵਲੋਂ 10 ਰੁਪਏ ਪ੍ਰਤੀ ਕਿਲੋ ਦੀ ਦਰ ਨਾਲ ਕਣਕ ਦੀ ਗੈਰ-ਕਾਨੂੰਨੀ ਵਸੂਲੀ ਦੇ ਮਾਮਲੇ ’ਚ ਲਗਾਤਾਰ ਨਵੇਂ ਖੁਲਾਸੇ ਹੋ ਰਹੇ ਹਨ, ਜਿਸ ’ਚ ਡਿਪੂ ਹੋਲਡਰਾਂ ਅਤੇ ਆਟਾ ਚੱਕੀ ਮਾਲਕਾਂ ਵਲੋਂ ਆਰਥਿਕ ਤੌਰ ’ਤੇ ਕਮਜ਼ੋਰ ਪਰਿਵਾਰਾਂ ਤੋਂ ਗੈਰ-ਕਾਨੂੰਨੀ ਵਸੂਲੀ ਕਰਨ ਲਈ ਚਲਾਏ ਜਾ ਰਹੇ ਨੈੱਟਵਰਕ ਦੀਆਂ ਪਰਤਾਂ ਖੁੱਲ੍ਹ ਰਹੀਆਂ ਹਨ। ਇਸ ਘਟਨਾਚੱਕਰ ਦਾ ਸਭ ਤੋਂ ਦਿਲਚਸਪ ਪਹਿਲੂ ਇਹ ਹੈ ਕਿ ਕੁਝ ਡਿਪੂ ਹੋਲਡਰ ਅਤੇ ਆਟਾ ਚੱਕੀ ਮਾਲਕ ਇਕ-ਦੂਜੇ ਦੇ ਭੇਤ ਖੋਲ੍ਹ ਰਹੇ ਹਨ ਕਿ ਕਿਵੇਂ ਕੇਂਦਰ ਸਰਕਾਰ ਦੀ ਯੋਜਨਾ ਨਾਲ ਜੁੜੇ ਲੱਖਾਂ ਗਰੀਬ ਅਤੇ ਲੋੜਵੰਦ ਪਰਿਵਾਰਾਂ ਦਾ ਲੰਬੇ ਸਮੇਂ ਤੋਂ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ ਅਤੇ ਸਰਕਾਰ ਵੱਲੋਂ ਰਾਸ਼ਨ ਕਾਰਡਧਾਰਕਾਂ ਨੂੰ ਦਿੱਤੀ ਜਾਣ ਵਾਲੀ ਮੁਫਤ ਕਣਕ ਦੇ 10 ਰੁਪਏ ਪ੍ਰਤੀ ਕਿਲੋ ਗੈਰ-ਕਾਨੂੰਨੀ ਢੰਗ ਨਾਲ ਵਸੂਲ ਕਰ ਕੇ, ਡਿਪੂ ਹੋਲਡਰ ਅਤੇ ਆਟਾ ਚੱਕੀ ਮਾਲਕ ਆਪਸ ’ਚ ਪੈਸੇ ਵੰਡਣ ਦੀ ਗੰਦੀ ਖੇਡ ਖੇਡ ਰਹੇ ਹਨ।
ਇਹ ਵੀ ਪੜ੍ਹੋ : ਮਸ਼ਹੂਰ ਪੰਜਾਬੀ ਗਾਇਕ ਦੀ ਕੈਨੇਡਾ ਵਿਚ ਮੌਤ
ਭਰੋਸੇਯੋਗ ਸੂਤਰਾਂ ਵਲੋਂ ਕੀਤੇ ਗਏ ਕਥਿਤ ਖੁਲਾਸਿਆਂ ਅਨੁਸਾਰ ਕੁਝ ਡਿਪੂ ਹੋਲਡਰ ਅਤੇ ਆਟਾ ਚੱਕੀ ਮਾਲਕ, ਜਿਸ ’ਚ ਖੁਰਾਕ ਅਤੇ ਸਪਲਾਈ ਵਿਭਾਗ ਦੇ ਇੰਸਪੈਕਟਰ ਸ਼ਾਮਲ ਹਨ, ਗੈਰ-ਕਾਨੂੰਨੀ ਵਸੂਲੀ ਦੇ ਇਸ ਵੱਡੇ ਨੈੱਟਵਰਕ ਦਾ ਹਿੱਸਾ ਹਨ। ਇਹ ਗੰਦੀ ਖੇਡ ਉਸ ਸਮੇਂ ਸ਼ੁਰੂ ਹੁੰਦੀ ਹੈ, ਜਦੋਂ ਸਰਕਾਰੀ ਕਣਕ ਰਾਸ਼ਨ ਡਿਪੂ ਤੱਕ ਪਹੁੰਚਦੀ ਹੈ, ਜਿਸ ਵਿਚ ਰਾਸ਼ਨ ਡਿਪੂਆਂ ’ਤੇ ਲਾਭਪਾਤਰੀ ਪਰਿਵਾਰਾਂ ’ਚ ਕਣਕ ਵੰਡਣ ਸਮੇਂ ਡਿਪੂ ਹੋਲਡਰ ਖੁਰਾਕ ਅਤੇ ਸਪਲਾਈ ਵਿਭਾਗ ਦੇ ਇੰਸਪੈਕਟਰਾਂ ਨਾਲ ਮਿਲੀਭੁਗਤ ਕਰਕੇ ਪਹਿਲਾਂ ਲਾਭਪਾਤਰੀ ਪਰਿਵਾਰਾਂ ਲਈ ਆਈ ਕਣਕ ’ਤੇ ਭਾਰੀ ਕੁੰਡੀ ਲਗਾਉਣ ਦੀ ਗੰਦੀ ਖੇਡ ਖੇਡਦੇ ਹਨ ਅਤੇ ਫਿਰ ਉਨ੍ਹਾਂ ’ਤੇ ਦਬਾਅ ਪਾਉਂਦੇ ਹਨ ਕਿ ਉਹ ਫਲਾਨੀ ਚੱਕੀ ’ਤੇ ਹੀ ਕਣਕ ਪਿਸਵਾਉਣ।
ਇਹ ਵੀ ਪੜ੍ਹੋ : ਪੈਨਸ਼ਨ ਨੂੰ ਅਹਿਮ ਖ਼ਬਰ, ਪੰਜਾਬ ਸਰਕਾਰ ਨੇ ਦਿੱਤਾ ਵੱਡਾ ਤੋਹਫ਼ਾ
ਕਣਕ ਦੀ ਕਾਲਾਬਾਜ਼ਾਰੀ, ਮੁਨਾਫ਼ਾਖੋਰੀ ਅਤੇ ਕਮਿਸ਼ਨ ਦੀ ਗੈਰ-ਕਾਨੂੰਨੀ ਵਸੂਲੀ, ਸਭ ਕੁਝ ਹੋ ਰਿਹਾ ਹੈ ਅਤੇ ਉਹ ਵੀ ਖੁਰਾਕ ਅਤੇ ਸਪਲਾਈ ਵਿਭਾਗ ਦੇ ਜ਼ਿਆਦਾਤਰ ਕਰਮਚਾਰੀਆਂ ਦੀ ਸਰਪ੍ਰਸਤੀ ਹੇਠ ਅਤੇ ਹਰ ਕੋਈ ਆਪਣੀਆਂ ਜੇਬਾਂ ਭਰ ਰਿਹਾ ਹੈ। ਹੁਣ ਜੋ ਮਹੱਤਵਪੂਰਨ ਜਾਣਕਾਰੀ ਸਾਹਮਣੇ ਆਈ ਹੈ, ਉਹ ਇਹ ਹੈ ਕਿ ਉਕਤ ਡਿਪੂ ਹੋਲਡਰਾਂ ਨੇ ਆਪਸ ’ਚ ਮਨੋਪਲੀ ਬਣਾ ਕੇ ਆਪਣੀਆਂ ਆਟਾ ਚੱਕੀਆਂ ਸਥਾਪਿਤ ਕਰ ਲਈਆਂ ਹਨ ਤਾਂ ਜੋ ਰਾਸ਼ਨ ਕਾਰਡਧਾਰਕਾਂ ਦਾ ਕਣਕ ਵੰਡਣ ਤੋਂ ਲੈ ਕੇ ਕਣਕ ਪਿਸਵਾਉਣ ਤੱਕ ਸ਼ੋਸ਼ਣ ਕੀਤਾ ਜਾ ਸਕੇ।
ਇਹ ਵੀ ਪੜ੍ਹੋ : ਪੁਲਸ ਨੇ ਸੀਲ ਕੀਤੀਆਂ ਪੰਜਾਬ ਦੀ ਹੱਦਾਂ, ਵੱਡੇ ਪੱਧਰ 'ਤੇ ਸ਼ੁਰੂ ਹੋਈ ਕਾਰਵਾਈ
ਉਕਤ ਡਿਪੂ ਮਾਲਕ ਇਸ ਯੋਜਨਾ ਨਾਲ ਜੁੜੇ ਲੱਖਾਂ ਪਰਿਵਾਰਾਂ ’ਤੇ ਦਬਾਅ ਪਾ ਰਹੇ ਹਨ ਕਿ ਉਹ ਖਾਲੀ ਥੈਲੇ ਦੇਣ ਦੀ ਬਜਾਏ ਆਪਣੀਆਂ ਮਿੱਲਾਂ ਤੋਂ ਸਿੱਧੇ ਆਟੇ ਦੀਆਂ ਥੈਲੀਆਂ ਲੈਣ। ਉਨ੍ਹਾਂ ਨੂੰ ਕਣਕ ਦਾ ਲਾਭ ਦੇਣ ਲਈ, ਖੁਰਾਕ ਅਤੇ ਸਪਲਾਈ ਵਿਭਾਗ ਦੇ ਕਰਮਚਾਰੀਆਂ ਨੂੰ ਵੀ ਇਸ ’ਚ ਸ਼ਾਮਲ ਦੱਸਿਆ ਜਾ ਰਿਹਾ ਹੈ, ਜੋ ਕਿ ਜਾਂਚ ਦਾ ਵਿਸ਼ਾ ਹੈ।
ਇਹ ਵੀ ਪੜ੍ਹੋ : ਮੋਗਾ ਬਰਾਤ ਲੈ ਕੇ ਪੁੱਜਿਆ ਲਾੜਾ, ਨਾ ਲਾੜੀ ਮਿਲੀ ਨਾ ਲਾੜੀ ਦਾ ਘਰ, ਫਿਰ ਜੋ ਹੋਇਆ...
ਲੁਧਿਆਣਾ ’ਚ ਕਣਕ ਦੀ ਪਿਸਾਈ ਦੀ ਦਰ 8 ਰੁਪਏ ਹੋਈ ਤੈਅ : ਅਧਿਕਾਰੀ
‘ਜਗ ਬਾਣੀ’ ਵਲੋਂ ਗਰੀਬ ਪਰਿਵਾਰਾਂ ਦੀ ਲੁੱਟ ਦਾ ਮੁੱਦਾ ਪ੍ਰਮੁੱਖਤਾ ਨਾਲ ਚੁੱਕਣ ਤੋਂ ਬਾਅਦ, ਪੂਰੇ ਲੁਧਿਆਣਾ ਜ਼ਿਲੇ ’ਚ ਕਣਕ ਦੀ ਪਿਸਾਈ ਦੀ ਦਰ ਹੁਣ 10 ਰੁਪਏ ਦੀ ਬਜਾਏ 8 ਰੁਪਏ ਪ੍ਰਤੀ ਕਿਲੋ ਤੈਅ ਕਰ ਦਿੱਤੀ ਗਈ ਹੈ। ਇਹ ਜਾਣਕਾਰੀ ਦਿੰਦੇ ਹੋਏ ਖੁਰਾਕ ਅਤੇ ਸਪਲਾਈ ਵਿਭਾਗ ਦੇ ਕੰਟਰੋਲਰ ਸਰਤਾਜ ਸਿੰਘ ਚੀਮਾ ਨੇ ਕਿਹਾ ਕਿ ਆਟਾ ਚੱਕੀ ਧਾਰਕ ਐਸੋਸੀਏਸ਼ਨ ਨੇ ਵਿਭਾਗ ਨੂੰ ਭਰੋਸਾ ਦਿੱਤਾ ਹੈ ਕਿ ਉਹ ਕਣਕ ਪੀਸਣ ਲਈ 8 ਰੁਪਏ ਪ੍ਰਤੀ ਕਿਲੋ ਵਸੂਲਣਗੇ।
ਇਹ ਵੀ ਪੜ੍ਹੋ : ਸਕੂਲਾਂ 'ਚ ਛੁੱਟੀਆਂ ਵਿਚਾਲੇ ਸਿੱਖਿਆ ਵਿਭਾਗ ਦਾ ਵੱਡਾ ਫ਼ੈਸਲਾ, ਜਾਰੀ ਹੋਇਆ ਸ਼ਡਿਊਲ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਇਗਨੂ ਦੀਆਂ ਪ੍ਰੀਖਿਆਵਾਂ 12 ਜੂਨ ਤੋਂ ਸ਼ੁਰੂ, ਵਿਦਿਆਰਥੀਆਂ ਨੂੰ ਜਾਰੀ ਹੋਈਆਂ ਹਦਾਇਤਾਂ
NEXT STORY 
