ਮਾਨਸਾ (ਸੰਦੀਪ ਮਿੱਤਲ) : ਮਾਨਸਾ ਦੀਆਂ ਨਗਰ ਕੌਂਸਲ ਚੋਣਾਂ 'ਚ ਸੱਤਾਧਾਰੀ ਆਮ ਆਦਮੀ ਪਾਰਟੀ ਨੇ 27 'ਚੋਂ 8 ਵਾਰਡਾਂ 'ਤੇ ਜਿੱਤ ਹਾਸਿਲ ਕੀਤੀ ਹੈ, ਜਦੋਂ ਕਿ ਭਾਜਪਾ ਨੇ 6, ਅਕਾਲੀ ਦਲ ਨੇ 5 ਅਤੇ ਕਾਂਗਰਸ ਨੇ 3 ਵਾਰਡ ਜਿੱਤੇ ਹਨ। ਇਸ ਦੇ ਨਾਲ ਹੀ ਬਾਕੀ ਵਾਰਡਾਂ 'ਤੇ ਆਜ਼ਾਦ ਉਮੀਦਵਾਰ ਜੇਤੂ ਰਹੇ ਹਨ। ਭਾਜਪਾ ਅਤੇ ਕਾਂਗਰਸ ਵਲੋਂ ਕਈ ਵਾਰਡਾਂ 'ਚ ਆਜ਼ਾਦ ਉਮੀਦਵਾਰਾਂ ਨੂੰ ਵੀ ਸਾਂਝਾ ਸਮਰਥਨ ਸੀ ਪਰ ਜਿਹੜੇ ਪਾਰਟੀ ਚੋਣ ਨਿਸ਼ਾਨ 'ਤੇ ਜੇਤੂ ਰਹੇ ਹਨ, ਉਨ੍ਹਾਂ ਦਾ ਅੰਕੜਾ ਇਹੀ ਹੈ। ਹਲਕਾ ਵਿਧਾਇਕ ਡਾ. ਵਿਜੇ ਸਿੰਗਲਾ ਨੇ ਜੇਤੂ ਉਮੀਦਵਾਰਾਂ ਨੂੰ ਵਧਾਈ ਦਿੱਤੀ। ਅਕਾਲੀ ਦਲ ਦੇ ਹਲਕਾ ਆਗੂ ਪ੍ਰੇਮ ਅਰੋੜਾ ਨੇ ਅਕਾਲੀ ਦਲ ਦੀ ਸ਼ਾਨਦਾਰ ਜਿੱਤ ਨੂੰ ਅਕਾਲੀ ਦਲ ਦੀ ਵਾਪਸੀ ਦੱਸਿਆ ਅਤੇ ਕਿਹਾ ਕਿ ਅਕਾਲੀ ਦਲ ਨੇ ਇੰਨ੍ਹਾਂ ਵਾਰਡਾਂ 'ਚ ਵਿਰੋਧੀ ਪਾਰਟੀਆਂ ਨੂੰ ਜ਼ਬਰਦਸਤ ਟੱਕਰ ਦਿੱਤੀ ਹੈ।
ਇਹ ਵੀ ਪੜ੍ਹੋ : ਮੋਹਾਲੀ ਨਗਰ ਨਿਗਮ ਚੋਣਾਂ ਦੇ ਆ ਰਹੇ ਨਤੀਜੇ, ਜਾਣੋ ਕਿਹੜੇ ਵਾਰਡ 'ਚੋਂ ਕਿਸੇ ਨੇ ਮਾਰੀ ਬਾਜ਼ੀ
ਭਾਜਪਾ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਮਨੀਸ਼ ਬੱਬੀ ਦਾਨੇਵਾਲੀਆ ਨੇ ਨਗਰ ਕੌਂਸਲ ਚੋਣਾਂ 'ਚ ਪਾਰਟੀ ਦੀ ਸ਼ਾਨਦਾਰ ਜਿੱਤ ਅਤੇ ਵੱਡੀ ਗਿਣਤੀ 'ਚ ਭਾਜਪਾ ਦੇ ਕੌਂਸਲਰ ਹੋਣ ਦਾ ਦਾਅਵਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਦੇ ਜੇਤੂ ਉਮੀਦਵਾਰਾਂ ਦੀ ਗਿਣਤੀ ਦਰਜਨ ਦੇ ਕਰੀਬ ਹੈ। ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਕੁਲਵੰਤ ਰਾਏ ਸਿੰਗਲਾ ਅਤੇ ਅਰਸ਼ਦੀਪ ਸਿੰਘ ਮਾਈਕਲ ਗਾਗੋਵਾਲ ਨੇ ਕਿਹਾ ਕਿ ਇਨ੍ਹਾਂ ਚੋਣਾਂ 'ਚ ਪਾਰਟੀ ਦਾ ਚੰਗਾ ਪ੍ਰਦਰਸ਼ਨ ਰਿਹਾ ਹੈ। ਨਗਰ ਕੌਂਸਲ ਚੋਣਾਂ ਉਪਰੰਤ ਅੱਜ ਵੋਟਾਂ ਦੀ ਗਿਣਤੀ ਅਮਨ-ਅਮਾਨ ਨਾਲ ਨੇਪਰੇ ਚੜ੍ਹੀ। ਇੱਕਾ-ਦੁੱਕਾ ਹਲਕੀਆਂ ਘਟਨਾਵਾਂ ਦੇ ਬਾਅਦ ਮਾਨਸਾ ਦੇ 27 ਵਾਰਡਾਂ ਦੀ ਗਿਣਤੀ 2 ਪੜਾਵਾਂ 'ਚ ਕੀਤੀ ਗਈ, ਜਦੋਂ ਕਿ ਉਮੀਦਵਾਰ ਅਤੇ ਉਨ੍ਹਾਂ ਦੇ ਸਮਰਥਕ ਦਿਨ ਚੜ੍ਹਦੇ ਹੀ ਗਿਣਤੀ ਸੈਂਟਰਾਂ ਦੇ ਬਾਹਰ ਨਹਿਰੂ ਕਾਲਜ ਵਿਖੇ ਪੁੱਜਣੇ ਸ਼ੁਰੂ ਹੋ ਗਏ ਸਨ। ਜੇਤੂਆਂ ਨੇ ਗੁਲਾਲ ਖੇਡ, ਲੱਡੂ ਵੰਡ, ਭੰਗੜੇ ਪਾ ਕੇ ਅਤੇ ਗੀਤਾਂ 'ਤੇ ਨੱਚ-ਟੱਪ ਕੇ ਅਤੇ ਲੋਕਾਂ ਨਾਲ ਕੀਤੇ ਵਾਅਦਿਆਂ ਮੁਤਾਬਕ ਕੰਮ ਕਰਨ ਦੀ ਗੱਲ ਕਹੀ।
ਇਹ ਵੀ ਪੜ੍ਹੋ : ਮਾਨਸਾ 'ਚ ਵੋਟਾਂ ਦੀ ਗਿਣਤੀ ਦੌਰਾਨ ਹੰਗਾਮਾ, ਅਚਾਨਕ ਪੈ ਗਿਆ ਪੰਗਾ, ਮੌਕੇ 'ਤੇ ਪੁੱਜੀ ਪੁਲਸ ਨੇ...
ਪੜ੍ਹੋ ਵਾਰਡ ਵਾਈਜ਼ ਜੇਤੂਆਂ ਦੇ ਨਾਂ
ਮਾਨਸਾ ਦੇ 27 ਵਾਰਡਾਂ ਵਿਚ ਵਾਰਡ ਨੰ.1 ਤੋਂ ਕਰਮਜੀਤ ਕੌਰ ਆਪ, ਵਾਰਡ ਨੰ: 2 ਤੋਂ ਹਰਬੰਸ ਸਿੰਘ ਪੰਮੀ ਅਕਾਲੀ ਦਲ, ਵਾਰਡ ਨੰ: 3 ਤੋਂ ਗੁਰਜੀਤ ਕੌਰ ਅਕਾਲੀ ਦਲ, ਵਾਰਡ ਨੰ: 4 ਤੋਂ ਜਸਪ੍ਰੀਤ ਸਿੰਘ ਜੱਸੀ ਅਕਾਲੀ ਦਲ, ਵਾਰਡ ਨੰ: 5 ਤੋਂ ਕੁਲਵਿੰਦਰ ਕੌਰ ਮਹਿਤਾ ਕਾਂਗਰਸੀ, ਵਾਰਡ ਨੰ: 6 ਤੋਂ ਸੁਖਦੀਪ ਸਿੰਘ ਆਪ, ਵਾਰਡ ਨੰ: 7 ਤੋਂ ਰੁਪਿੰਦਰ ਕੌਰ ਅਕਾਲੀ ਦਲ, ਵਾਰਡ ਨੰ: 8 ਤੋਂ ਹਰਪਾਲ ਪਾਲੀ ਆਪ, ਵਾਰਡ ਨੰ: 9 ਤੋਂ ਕ੍ਰਿਸ਼ਨਾ ਦੇਵੀ ਕਾਂਗਰਸੀ, ਵਾਰਡ ਨੰ: 10 ਤੋਂ ਭੂਸ਼ਨ ਮੱਤੀ ਅਜਾਦ, ਵਾਰਡ ਨੰ: 11 ਤੋਂ ਸ਼ਿੰਦਰਪਾਲ ਕੌਰ ਅਕਾਲੀ ਦਲ, ਵਾਰਡ ਨੰ: 12 ਤੋਂ ਪ੍ਰੇਮ ਸਾਗਰ ਭੋਲਾ ਭਾਜਪਾ, ਵਾਰਡ ਨੰ: 13 ਤੋਂ ਕਿਰਨਾ ਰਾਣੀ ਅਜਾਦ, ਵਾਰਡ ਨੰ: 14 ਤੋਂ ਸੁਨੀਲ ਨੀਨੂੰ ਆਪ, ਵਾਰਡ ਨੰ: 15 ਤੋਂ ਮੋਨਾ ਰਾਣੀ ਅਜਾਦ, ਵਾਰਡ ਨੰ: 16 ਤੋਂ ਸੁਰੇਸ਼ ਰਾਣੀ ਕਾਂਗਰਸ, ਵਾਰਡ ਨੰ: 17 ਤੋਂ ਇੰਦਰਜੀਤ ਕੌਰ ਕਿਰਤੀ ਆਪ, ਵਾਰਡ ਨੰ: 18 ਤੋਂ ਅਰਪਿਤ ਚੌਧਰੀ ਅਜਾਦ, ਵਾਰਡ ਨੰ: 19 ਤੋਂ ਕਮਲੇਸ਼ ਰਾਣੀ, ਵਾਰਡ ਨੰ: 20 ਤੋਂ ਅਸ਼ੋਕ ਸਪੋਲੀਆ ਆਪ, ਵਾਰਡ ਨੰ: 21 ਤੋਂ ਰੋਮਾ ਅਗਰਵਾਲ ਭਾਜਪਾ, ਵਾਰਡ ਨੰ: 22 ਤੋਂ ਪ੍ਰਵੀਨ ਟੋਨੀ ਭਾਜਪਾ, ਵਾਰਡ ਨੰ: 23 ਤੋਂ ਭੂਸ਼ਨ ਕੁਮਾਰ ਅਜਾਦ, ਵਾਰਡ ਨੰ: 24 ਤੋਂ ਵਿਨੋਦ ਭੰਮਾ ਅਜਾਦ, ਵਾਰਡ ਨੰ: 25 ਤੋਂ ਕਰਮਜੀਤ ਕੌਰ ਆਪ, ਵਾਰਡ ਨੰ: 26 ਤੋਂ ਕ੍ਰਿਸ਼ਨ ਸਿੰਘ ਆਪ, ਵਾਰਡ ਨੰ: 27 ਤੋਂ ਸੁਖਦੀਪ ਕੌਰ ਭਾਜਪਾ ਜੇਤੂ ਰਹੇ। ਸਭ ਤੋਂ ਵੱਧ ਵੋਟਾਂ ਨਾਲ ਵਾਰਡ ਨੰ: 24 ਤੋਂ ਵਿਨੋਦ ਭੰਮਾ ਅਤੇ ਵਾਰਡ ਨੰ: 8 ਤੋਂ ਹਰਪਾਲ ਪਾਲੀ ਜਿੱਤੇ। ਸਾਰੇ ਜੇਤੂ ਉਮੀਦਵਾਰਾਂ ਨੂੰ ਜ਼ਿਲ੍ਹਾ ਚੋਣ ਅਫ਼ਸਰ ਵਲੋਂ ਸਰਟੀਫਿਕੇਟ ਅਤੇ ਵਧਾਈ ਦਿੱਤੀ ਗਈ ਅਤੇ ਸ਼ਹਿਰ ਦੇ ਵਿਕਾਸ ਕੰਮ ਕਰਵਾਉਣ ਦਾ ਜ਼ਿਕਰ ਕੀਤਾ ਗਿਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਆਦਮਪੁਰ ਨਗਰ ਕੌਂਸਲ ਚੋਣ ਨਤੀਜੇ, 10 ਸੀਟਾਂ 'ਤੇ 'ਆਪ' ਦਾ ਕਬਜ਼ਾ, 3 'ਤੇ ਆਜ਼ਾਦ ਉਮੀਦਵਾਰ ਜਿੱਤੇ
NEXT STORY 
