ਹੁਸ਼ਿਆਰਪੁਰ,(ਅਮਰਿੰਦਰ)- ਕੈਨੇਡਾ ਵਿੱਚ ਪ੍ਰਧਾਨ ਮੰਤਰੀ ਟਰੂਡੋ ਸਰਕਾਰ ਵਿੱਚ ਇੱਕ ਵਾਰ ਫਿਰ ਹੁਸ਼ਿਆਰਪੁਰ ਦੇ ਪਿੰਡ ਬੰਬੇਲੀ ਦੇ ਰਹਿਣ ਵਾਲੇ ਹਰਜੀਤ ਸਿੰਘ ਸੱਜਣ ਰੱਖਿਆ ਮੰਤਰੀ ਬਣੇ ਹਨ ਉੱਥੇ ਹੀ ਮਾਹਿਲਪੁਰ ਨਾਲ ਹੀ ਸਬੰਧਤ ਨਵਦੀਪ ਬੈਂਸ ਕੈਨੇਡਾ ਦੇ ਨਵੀਂ ਸਰਕਾਰ ਵਿੱਚ ਰੈਨੋਵੇਸ਼ਨ, ਸਾਇੰਸ ਐਂਡ ਇੰਡਸਟਰੀ ਮੰਤਰੀ ਬਣ ਹੁਸ਼ਿਆਰਪੁਰ ਨੂੰ ਗੌਰਵਮਈ ਕੀਤਾ ਹੈ । ਹਰਜੀਤ ਸੱਜਣ ਦੇ ਦੁਬਾਰਾ ਕੈਨੇਡਾ ਸਰਕਾਰ ਵਿੱਚ ਰੱਖਿਆ ਮੰਤਰੀ ਬਣਨ ਦੀ ਖਬਰ ਜਿਵੇਂ ਹੀ ਪਿੰਡ ਵਿੱਚ ਪਹੁੰਚੀ ਪਿੰਡ ਦੇ ਲੋਕਾਂ ਵਿੱਚ ਖੁਸ਼ੀ ਦੀ ਲਹਿਰ ਦੋੜ ਪਈ ।
ਧਿਆਨ ਯੋਗ ਹੈ ਕਿ ਹਰਜੀਤ ਸੱਜਣ ਦਾ ਜਨਮ ਹੁਸ਼ਿਆਰਪੁਰ ਜਿਲ੍ਹੇ ਦੇ ਬੰਬੇਲੀ ਪਿੰਡ ਵਿੱਚ ਪਿਤਾ ਕੁੰਦਨ ਸਿੰਘ ਦੇ ਘਰ ਵਿੱਚ ਹੋਇਆ। ਹਵਲਦਾਰ ਕੁੰਦਨ ਸਿੰਘ ਸੱਜਣ ਪਰਿਵਾਰ ਸਮੇਤ1973 ਵਿੱਚ ਕੈਨੇਡਾ ਚਲੇ ਗਏ ਸਨ ਤੱਦ ਕਰੀਬ 8 ਸਾਲ ਦਾ ਹਰਜੀਤ ਪਿੰਡ ਦੇ ਹੀ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿੱਚ ਤੀਜੀ ਕਲਾਸ ਵਿੱਚ ਪੜ੍ਹਦਾ ਸੀ । ਹਰਜੀਤ ਸਿੰਘ ਸੱਜਣ 1989 ਵਿੱਚ ਕੈਨੇਡਾ ਦੀ ਆਰਮੀ ਵਿੱਚ ਸ਼ਾਮਿਲ ਹੋਏ ਤੇ ਉਸਦੇ ਬਾਅਦ 1991 ਵਿੱਚ ਬ੍ਰਿਟੀਸ਼ ਕੋਲੰਬੀਆ ਰੇਜੀਮੇਂਟ ਵਿੱਚ ਅਫ਼ਸਰ ਚੁਣਿਆ ਗਿਆ । ਹਰਜੀਤ ਸੱਜਣ ਆਰਮੀ ਵਿੱਚ ਰਹਿੰਦੇ ਹੋਏ ਵੱਖ ਵੱਖ ਬਹਾਦਰੀ ਇਨਾਮ ਜਿੱਤੇ । ਕੈਨੇਡਾ ਦੀ ਆਰਮੀ ਦਾ ਸਰਬੋਤਮ ਪੁਰਸਕਾਰ 'ਆਰਡਰ ਆਫ ਮਿਲਿਟਰੀ ਮੈਰਿਟ' ਹਾਸਲ ਕੀਤਾ । ਇਸਦੇ ਬਾਅਦ ਹਰਜੀਤ ਸਿੰਘ ਕੈਨੇਡੀਅਨ ਆਰਮੀ ਵਿੱਚ ਬ੍ਰਿਟੀਸ਼ ਕੋਲੰਬੀਆ ਰੈਜੀਮੇਂਟ ਦੀ ਕਮਾਨ ਸੰਭਾਲਣ ਵਾਲੇ ਪਹਿਲਾਂ ਸਿੱਖ ਅਧਿਕਾਰੀ ਬਣੇ । ਸਾਲ 2015 ਵਿੱਚ ਉਹ ਕੈਨੇਡਾ ਦੇ ਸੰਸਦ ਚੁਣੇ ਗਏ ਤੇ ਕੈਨੇਡਾ ਵਿੱਚ ਰੱਖਿਆ ਮੰਤਰੀ ਆਹੁਦੇ 'ਤੇ ਤੈਨਾਤ ਹੋਏ ਸਨ ।
ਮਾਹਿਲਪੁਰ ਦੇ ਲੈਹਲੀਕਲਾਂ ਪਿੰਡ ਨਾਲ ਸਬੰਧਤ ਹਨ ਨਵਦੀਪ ਬੈਂਸ
ਜ਼ਿਕਰਯੋਗ ਹੈ ਕਿ ਹੁਸ਼ਿਆਰਪੁਰ ਜ਼ਿਲੇ ਦੇ ਹੀ ਮਾਹਿਲਪੁਰ ਦੇ ਨਾਲ ਲੱਗਦੇ ਪਿੰਡ ਲੈਹਲੀਕਲਾਂ ਦੇ ਰਹਿਣ ਵਾਲੇ ਨਵਦੀਪ ਸਿੰਘ ਬੈਂਸ ਵੀ ਲਿਬਰਲ ਪਾਰਟੀ ਤੋਂ ਮਿਸੀਸਾਂਗਾ ਮਾਲਟਨ ਓਂਟਾਰਯੋ ਸੀਟ ਤੋਂ ਚੋਣ ਜਿੱਤ ਟਰੂਡੋ ਸਰਕਾਰ ਵਿੱਚ ਰੈਨੋਵੇਸ਼ਨ , ਸਾਇੰਸ ਐਂਡ ਇੰਡਸਟਰੀ ਮੰਤਰੀ ਬਣੇ ਹਨ । ਹਾਲਾਂਕਿ ਸਾਲਾਂ ਪਹਿਲਾਂ ਉਨ੍ਹਾਂ ਦਾ ਪਰਿਵਾਰ ਲੈਹਲੀਕਲਾਂ ਨੂੰ ਛੱਡ ਇਸ ਸਮੇਂ ਮਾਹਿਲਪੁਰ ਵਿੱਚ ਬਸ ਗਏ ਹਨ 'ਤੇ ਇਸ ਸਮੇਂ ਮਾਹਿਲਪੁਰ ਵਿੱਚ ਵੀ ਉਨ੍ਹਾਂ ਦੇ ਘਰ ਵਿੱਚ ਤਾਲਾ ਲਗਾ ਹੋਇਆ ਹੈ । ਨਵਦੀਪ ਸਿੰਘ ਬੈਂਸ ਦੇ ਪਿਤਾ ਚੰਚਲ ਸਿੰਘ ਸਾਲ ਵਿੱਚ ਦੋ ਵਾਰ ਕੈਨੇਡਾ ਤੋਂ ਮਾਹਿਲਪੁਰ ਪਰਤ ਜਮੀਨ ਜਾਇਦਾਦ ਦਾ ਕੰਮ ਦੇਖਣ ਜ਼ਰੂਰ ਆਉਂਦੇ ਹਨ । ਪਹਿਲੀ ਵਾਰ ਜਦੋਂ ਉਹ ਸਾਲ 2004 ਵਿੱਚ ਬਰਾੰਪਟਨ ਸਾਊਥ ਸੀਟ ਤੋਂ ਚੋਣ ਜਿੱਤੇ ਸਨ ਤਾਂ ਕੈਨੇਡਾ ਦੇ ਸਭ ਤੋਂ ਜਵਾਨ ਸੰਸਦ ਦੇ ਤੌਰ ਉੱਤੇ ਮਸ਼ਹੂਰ ਹੋਏ ਸਨ ।
ਪੰਜਾਬ 'ਚ ਖੁੱਲਣਗੇ ਨਿਵੇਸ਼ ਦੇ ਨਵੇਂ ਰਾਹ, ਮੁੱਖ ਮੰਤਰੀ ਨੇ ਦੱਸੀ ਇਹ ਯੋਜਨਾ
NEXT STORY 
