ਖਡੂਰ ਸਾਹਿਬ (ਗਿੱਲ) ਬੀਤੇ ਸੋਮਵਾਰ ਦੀ ਰਾਤ ਨੂੰ ਨੇੜਲੇ ਪਿੰਡ ਨਾਗੋਕੇ ਵਿਖੇ ਆਏ ਤੇਜ ਤੂਫਾਨ ਦਾ ਕਹਿਰ ਮਚਿਆ ਅਤੇ ਸ਼ੈੱਡਾਂ ਦੀਆਂ ਛੱਤਾਂ, ਸੋਲਰ ਸਿਸ਼ਟਮ, ਬਿਜਲੀ ਦੇ ਖੰਬੇ, ਟ੍ਰਾਂਸਫਾਰਮਰ ਅਤੇ ਦਰੱਖਤ ਜੜ੍ਹਾਂ ਤੋਂ ਪੁੱਟੇ ਗਏ। ਜਿਸ ਕਰਕੇ ਸੜਕੀ ਆਵਾਜਾਈ ਅਤੇ ਬਿਜਲੀ ਸ਼ਪਲਾਈ ਵੀ ਵੱਡੇ ਪੱਧਰ ਤੇ ਪ੍ਰਭਾਵਿਤ ਹੋਈ।ਇਸ ਸਬੰਧੀ ਗੁਰਪ੍ਰੀਤ ਸਿੰਘ ਪੁੱਤਰ ਸੁਖਵੰਤ ਸਿੰਘ ,ਅਵਤਾਰ ਸਿੰਘ ਪੁੱਤਰ ਮਨੋਹਰ ਸਿੰਘ, ਗੁਰਬਿੰਦਰ ਸਿੰਘ ਸੈਕਟਰੀ, ਰਾਮ ਸਿੰਘ ਪੁੱਤਰ ਕੁੰਨਣ ਸਿੰਘ, ਤਰਸੇਮ ਸਿੰਘ, ਦਲਬੀਰ ਸਿੰਘ ਸਾਬਕਾ ਸਰਪੰਚ, ਜਸਬੀਰ ਸਿੰਘ ਜੇ.ਈ ਆਦਿ ਪਿੰਡ ਵਾਸੀਆਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਬੀਤੀ ਰਾਤ ਆਏ ਤੇਜ ਹਨੇਰੀ ਝੱਖੜ ਨੇ ਮਿੰਟਾਂ ਸੈਕਿੰਟਾ 'ਚ ਹੀ ਪਿੰਡ 'ਚ ਤਬਾਹੀ ਮਚਾ ਦਿੱਤੀ। ਜਿਸ ਕਾਰਣ ਖਡੂਰ ਸਾਹਿਬ ਤੋਂ ਨਾਗੋਕੇ ਤੱਕ ਸੜਕ ਦੇ ਕਿਨਾਰੇ ਲੱਗੇ ਸੈਂਕੜੇ ਦਰਖਤ ਟੁੱਟਣ ਕੇ ਸੜਕ ਬੰਦ ਹੋ ਗਈ ਤੇ ਆਵਾਜਾਈ ਬੁਰੀ ਤਰ੍ਹਾਂ ਨਾਲ ਪ੍ਰਭਾਵਤ ਹੋਈ ਅਤੇ ਬਿਜਲੀ ਦੇ ਟ੍ਰਾਂਸ਼ਫਾਰਮਰ ਅਤੇ ਖੰਬੇ ਡਿੱਗਣ ਕਾਰਨ ਪੂਰੀ ਰਾਤ ਬਿਜਲੀ ਦੀ ਸ਼ਪਲਾਈ ਵੀ ਬੰਦ ਰਹੀ। ਇਸ ਮੌਕੇ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਅਵਤਾਰ ਸਿੰਘ ਪੁੱਤਰ ਮਨੋਹਰ ਸਿੰਘ ਦਾ ਹਵੇਲੀ ਵਿਚ ਬਣਿਆ 80 ਫੁੱਟ ਦੇ ਕਰੀਬ ਸ਼ੈੱਡ ਗਾਡਰਾਂ ਤੇ ਸੀਮੇਂਟ ਦੀਆ ਸੀਟਾਂ ਸਮੇਤ ਉੱਡ ਕਿ ਸੜਕ ਤੋਂ ਦੂਸਰੇ ਪਾਸੇ ਤਕਰੀਬਨ 200 ਫੁੱਟ ਦੂਰ ਸੁਖਵੰਤ ਸਿੰਘ ਜੇ.ਈ ਦੇ ਘਰ ਦੇ ਵੇਹੜੇ ਵਿਚ ਜਾ ਡਿੱਗਾ ਜਿਸ ਕਾਰਨ ਸੁਖਵੰਤ ਸਿੰਘ ਦੇ ਘਰ ਦੇ ਸ਼ੀਸ਼ੇ ਅਤੇ ਪਾਣੀ ਵਾਲੀਆਂ 2 ਟੈਕੀਆਂ ਵੀ ਟੁੱਟ ਗਈਆਂ ਅਤੇ ਉਸਦੇ ਲੜਕੇ ਗੁਰਪ੍ਰੀਤ ਸਿੰਘ ਦੇ ਵੀ ਸ਼ੱਟਾਂ ਲੱਗੀਆਂ।
ਇਸੇ ਤਰ੍ਹਾਂ ਗੁਰਬਿੰਦਰ ਸਿੰਘ ਸੈਕਟਰੀ ਦੇ ਡੰਗਰਾਂ ਵਾਲ ਸ਼ੈਡ ਦੀ ਛੱਤ ਉੱਡ ਕਿ ਉਸਦੀ ਕੋਠੀ 'ਤੇ ਜਾ ਕੇ ਵੱਜੀ ਜਿਸ ਕਾਰਨ ਉਸ ਦੀ ਕੋਠੀ ਦੇ ਸ਼ੀਸ਼ੇ ਟੁੱਟ ਗਏ ਅਤੇ ਗੁਰਬਿੰਦਰ ਸਿੰਘ ਦੀ ਕੋਠੀ ਦੀ ਛੱਤ ਉੱਤੇ ਲੱਗਾ ਸ਼ੋਲਰ ਸਿਸ਼ਟਮ ਝੱਖੜ ਕਾਰਨ ਉੱਡ ਗਿਆ। ਇਸੇ ਤਰ੍ਹਾਂ ਪਿੰਡ ਨਾਗੋਕੇ ਦੇ ਵਸ਼ਨੀਕ ਰਾਮ ਸਿੰਘ ਸਾਬਕਾ ਸੰਮਤੀ ਮੈਂਬਰ ਦਾ ਡੰਗਰਾ ਵਾਲਾ ਸ਼ੈੱਡ ਉੱਡ ਗਿਆ ਅਤੇ ਲੋਹੇ ਦੇ ਗੇਟ ਨੂੰ ਤੇਜ ਹਨੇਰੀ ਨੇ ਦੋ ਟੋਟੇ ਕਰ ਦਿੱਤਾ। ਇਨ੍ਹਾਂ ਸਾਰਿਆਂ ਸ਼ੈੱਡਾਂ ਦੀਆਂ ਕੰਧਾਂ ਵੀ ਪੂਰੀ ਤਰ੍ਹਾਂ ਨਾਲ ਤੂਫਾਨ ਨੇ ਢਹਿ ਢੇਰੀ ਹੋ ਕਰ ਦਿੱਤਾ। ਜਿਸ ਕਾਰਣ ਉੇਕਤ ਵਿਆਕਤੀਆਂ ਦਾ ਲੱਖਾਂ ਰੁਪਏ ਦਾ ਭਾਰੀ ਨੁਕਸ਼ਾਨ ਹੋਇਆ। ਇਸ ਹਨੇਰੀ ਕਾਰਨ ਸੜਕ ਦੇ ਦੋਹੀਂ ਪਾਸੇ ਲੱਗੇ ਦਰੱਖਤ ਟੁੱਟ ਕਿ ਸੜਕ ਵਿਚਕਾਰ ਡਿੱਗਣ ਕਾਰਨ ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਹੋ ਗਈ ਸੀ।ਜਿਸ ਨੂੰ ਕਾਰ ਸੇਵਾ ਖਡੂਰ ਸਾਹਿਬ ਦੇ ਸੇਵਾਦਾਰਾਂ ਵੱਲੋਂ ਦਰੱਖਤਾਂ ਦੀ ਕਟਾਈ ਕਰਕੇ ਸੜਕੀ ਆਵਾਜਾਈ ਨੂੰ ਰਾਤ ਹੀ ਬਹਾਲ ਕਰ ਦਿੱਤਾ ਗਿਆ।ਇਸ ਝੱਖੜ ਕਾਰਨ ਜਿੱਥੇ ਲੋਕਾਂ ਦਾ ਲੱਖਾਂ ਰੁਪਇਆ ਦਾ ਨੁਕਸ਼ਾਨ ਹੋਇਆ।ਉੱਥੇ ਬਿਜਲੀ ਦੇ ਖੰਬੇ ਅਤੇ ਟ੍ਰਾਂਸ਼ਫਾਰਮਰ ਡਿੱਗਣ ਕਾਰਨ ਨਾਗੋਕੇ ਪਿੰਡ ਦੀ ਬਿਜਲੀ ਸ਼ਪਲਾਈ ਸਾਰੀ ਰਾਤ ਪੂਰੀ ਤਰ੍ਹਾਂ ਗੁੱਲ ਰਹੀ। ਜੋ ਅਗਲੇ ਦਿਨ ਜਾ ਤੇ ਚਾਲੂ ਹੋਈ ਇਸ ਮੌਕੇ ਪ੍ਰਭਾਵਿਤ ਲੋਕਾਂ ਅਤੇ ਪਿੰਡ ਦੇ ਮੋਹਤਬਰਾਂ ਵੱਲੋਂ ਪੰਜਾਬ ਸਰਕਾਰ ਪਾਸੋਂ ਮੁਆਵਜੇ ਦੀ ਮੰਗ ਕੀਤੀ। ਇਸ ਸਭ ਤੋਂ ਇਲਾਵਾ ਜਿੱਥੇ ਆਏ ਤੇਜ ਝੱਖੜ ਕਾਰਨ ਵੱਡੇ-ਵੱਡੇ ਦਰੱਖਤ ਜੜ੍ਹਾਂ ਤੋਂ ਪੁੱਟ ਦਿੱਤੇ ਅਤੇ ਲੋਕਾਂ ਦਾ ਭਾਰੀ ਮਾਲੀ ਨੁਕਸ਼ਾਨ ਵੀ ਹੋਇਆ ਉਥੇ ਸਭ ਤੋ ਵੱਡੀ ਰਾਹਤ ਦੀ ਗੱਲ੍ਹ ਇਹ ਰਹੀ ਕਿ ਇਸ ਆਏ ਤੇਜ ਤੁਫਾਨ ਕਾਰਣ ਕਿਸੇ ਤਰ੍ਹਾਂ ਦਾ ਵੀ ਜਾਨੀ ਨੁਕਸ਼ਾਨ ਨਹੀ ਹੋਇਆ।
ਜਲੰਧਰ: ਪੁਲਸ ਨੂੰ ਚਕਮਾ ਦੇ ਕੇ ਸਿਵਲ ਹਸਪਤਾਲ ਤੋਂ ਮੁਲਜ਼ਮ ਫਰਾਰ
NEXT STORY 
