ਲੁਧਿਆਣਾ (ਕੰਬੋਜ) : ਜਮਾਲਪੁਰ ਦੀ ਸਰਪੰਚ ਕਲੋਨੀ 'ਚ ਲਿਵ ਇਨ ਰਿਲੇਸ਼ਨਸ਼ਿਪ 'ਚ ਰਹਿ ਰਹੀ 35 ਸਾਲਾ ਕਿਰਨ ਨਾਮਕ ਲੜਕੀ ਨੂੰ ਜਿਊਂਦਿਆਂ ਅੱਗ ਲਗਾ ਕੇ ਕਤਲ ਕਰਨ ਦਾ ਸ਼ੱਕੀ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਮ੍ਰਿਤਕ ਕਿਰਨ ਅਤੇ ਸਰਬਜੀਤ ਸਿੰਘ ਦੋਵੇਂ ਵਿਆਹੁਤਾ ਸਨ ਅਤੇ ਦੋਵਾਂ ਦਾ ਤਲਾਕ ਹੋ ਚੁੱਕਾ ਸੀ।
ਕਿਰਨ ਦੇ ਪਹਿਲੇ ਵਿਆਹ ਤੋਂ ਦੋ ਲੜਕੀਆਂ ਹਨ ਜੋ ਰਿਸ਼ਤੇਦਾਰਾਂ ਕੋਲ ਰਹਿੰਦੀਆਂ ਹਨ ਜਦਕਿ ਸਰਬਜੀਤ ਦਾ ਇਕ ਲੜਕਾ ਹੈ ਜੋ ਉਸ ਦੇ ਨਾਲ ਹੀ ਰਹਿੰਦਾ ਸੀ। ਦੋਵਾਂ ਦਾ ਪਿਛਲੇ ਤਿੰਨ-ਚਾਰ ਦਿਨ ਤੋਂ ਝਗੜਾ ਚੱਲ ਰਿਹਾ ਸੀ, ਜਿਸ ਕਾਰਨ ਕਿਰਨ ਦੀ ਬਾਂਹ ਵਿਚ ਟੁੱਟ ਗਈ ਸੀ। ਪੁਲਸ ਨੇ ਐਤਵਾਰ ਸ਼ਾਮ 5 ਵਜੇ ਜਮਾਲਪੁਰ ਥਾਣੇ ਵਿਚ ਦੋਵਾਂ ਨੂੰ ਰਾਜ਼ੀਨਾਮੇ ਲਈ ਬੁਲਾਇਆ ਸੀ।
ਮ੍ਰਿਤਕ ਕਿਰਨ ਦੇ ਭਰਾ ਸ਼ੰਕਰ ਨੇ ਦੱਸਿਆ ਕਿ ਜਿਸ ਸਮੇਂ ਇਹ ਵਾਰਦਾਤ ਹੋਈ, ਉਸ ਸਮੇਂ ਆਪਣੀ ਭੈਣ ਦੇ ਕੋਲ ਹੀ ਸੀ। ਸ਼ੰਕਰ ਨੇ ਦੱਸਿਆ ਕਿ ਸਰਬਜੀਤ ਸਿੰਘ ਉਰਫ ਸ਼ੇਰੂ ਅਤੇ ਉਸ ਦੀ ਮਾਂ ਨੇ ਪਹਿਲਾਂ ਉਸ ਨੂੰ ਇਕ ਕਮਰੇ ਵਿਚ ਬੰਦ ਕਰ ਦਿੱਤਾ ਅਤੇ ਫਿਰ ਉਸ ਦੀ ਭੈਣ 'ਤੇ ਡੀਜ਼ਲ ਪਾ ਕੇ ਅੱਗ ਲਗਾ ਦਿੱਤੀ।
ਪੁਲਸ ਨੇ ਲੜਕੀ ਦੇ ਭਰਾ ਦੇ ਬਿਆਨਾਂ 'ਤੇ 306 ਦਾ ਮਾਮਲਾ ਦਰਜ ਕੀਤਾ ਹੈ। ਪੁਲਸ ਵਲੋਂ ਮਾਮਲੇ ਦੀ ਜਾਂਚ ਕਰਨ ਦੀ ਗੱਲ ਆਖੀ ਜਾ ਰਹੀ ਹੈ।
ਐਤਵਾਰ ਸ਼ਾਮ ਤੋਂ ਬਾਅਦ ਸੋਮਵਾਰ ਰਾਤ 11 ਵਜੇ ਤਕ ਪੰਜਾਬ 'ਚ ਬੰਦ ਰਹੇਗਾ ਇੰਟਰਨੈੱਟ
NEXT STORY