ਜਲੰਧਰ : ਚੋਣ ਜ਼ਾਬਤਾ ਲਾਗੂ ਹੋਣ ਤੋਂ ਬਾਅਦ ਜਲੰਧਰ ਲੋਕ ਸਭਾ ਸੀਟ ਤੋਂ ਹੁਣ ਤਕ 2.04 ਕਰੋੜ ਕੈਸ਼ ਜ਼ਬਤ ਕੀਤਾ ਜਾ ਚੁੱਕਾ ਹੈ। ਇਸ ਤੋਂ ਇਲਾਵਾ 30 ਲੱਖ ਰੁਪਏ ਦਾ ਸੋਨਾ ਅਤੇ ਸਾਢੇ 9 ਲੱਖ ਦੇ ਕਰੀਬ ਢਾਈ ਕਿਲੋ ਚਾਂਦੀ ਫੜੀ ਜਾ ਚੁੱਕੀ ਹੈ। ਇਸ ਨੂੰ ਦੇਖਦੇ ਹੋਏ ਚੋਣ ਕਮਿਸ਼ਨ ਨੇ ਜਲੰਧਰ ਲੋਕ ਸਭਾ ਸੀਟ ਨੂੰ ਚੋਣ ਖਰਚ ਦੇ ਲਿਹਾਜ਼ ਨਾਲ ਸੰਵੇਦਨਸ਼ੀਲ ਐਲਾਨ ਦਿੱਤਾ ਹੈ। ਮਤਲਬ ਸਾਫ ਹੈ ਕਿ ਜਲੰਧਰ ਸੀਟ 'ਤੇ ਵੱਡੇ ਪੱਧਰ 'ਤੇ ਵੋਟਰਾਂ ਦੀ ਖਰੀਦੋ-ਫਰੋਖਤ ਹੋ ਸਕਦੀ ਹੈ। ਚੋਣ ਕਮਿਸ਼ਨ ਨੂੰ ਮਿਲੇ ਬਰਾਮਦਗੀ ਅੰਕੜਿਆਂ ਨੂੰ ਦੇਖਦੇ ਹੋਏ ਵੀਰਵਾਰ ਦਿੱਲੀ ਤੋਂ ਆਏ ਹੁਕਮਾਂ ਤੋਂ ਬਾਅਦ ਜਨਰਲ ਆਬਜ਼ਰਵਰ ਆਈ ਸੈਮੂਅਲ ਆਨੰਦ ਕੁਮਾਰ ਅਤੇ ਪੁਲਸ ਆਬਜ਼ਰਵਰ ਰਾਜੇਸ਼ ਜੈਨ ਨੇ ਖਰਚਾ ਆਬਜ਼ਰਵਰ ਪ੍ਰੀਤੀ ਚੌਧਰੀ ਅਤੇ ਅਮਿਤ ਸ਼ੁਕਲਾ, ਜ਼ਿਲਾ ਚੋਣ ਅਫਸਰ ਡੀ. ਸੀ. ਵਰਿੰਦਰ ਸ਼ਰਮਾ ਨਾਲ 9 ਵਿਧਾਨ ਸਭਾ ਇਲਾਕਿਆਂ ਦੇ ਸਹਾਇਕ ਰਿਟਰਨਿੰਗ ਅਫਸਰਾਂ ਨੂੰ ਤਲਬ ਕੀਤਾ।
ਇਸ ਤੋਂ ਬਾਅਦ ਫਲਾਇੰਗ ਸਕੁਆਇਡ ਦੀਆਂ ਟੀਮਾਂ ਨੂੰ ਜ਼ਿਆਦਾ ਪ੍ਰਭਾਵੀ ਬਨਾਉਣ ਅਤੇ ਸਹਾਇਕ ਰਿਟਰਨਿੰਗ ਅਫਸਰਾਂ ਨੂੰ ਵੀ ਅਲਰਟ ਰਹਿਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ। ਇਹ ਵੀ ਚਿਤਾਵਨੀ ਦਿੱਤੀ ਗਈ ਹੈ ਕਿ ਜੇ ਉਨ੍ਹਾਂ ਦੇ ਇਲਾਕੇ ਵਿਚ ਕਿਤੇ ਵੀ ਲਾਲਚ 'ਚ ਵੋਟਾਂ ਦੀ ਖਰੀਦੋ-ਫਰੋਖਤ ਹੋਈ ਤਾਂ ਕਾਰਵਾਈ ਦੀ ਗਾਜ ਉਨ੍ਹਾਂ 'ਤੇ ਹੀ ਡਿੱਗੇਗੀ।
ਲੋਕ ਸਭਾ ਸੀਟ 'ਤੇ ਨਿਰਪੱਖ ਤੇ ਪਾਰਦਰਸ਼ੀ ਵੋਟਾਂ ਨੂੰ ਯਕੀਨੀ ਬਣਾਉਣ ਦੇ ਮਕਸਦ ਨਾਲ ਨਿਗਰਾਨੀ ਲਈ ਭੇਜੇ ਗਏ ਆਬਜ਼ਰਵਰਾਂ ਨੇ ਫਲਾਇੰਗ ਸਕੁਆਇਡ ਟੀਮਾਂ ਲਈ ਨਵੇਂ ਹੁਕਮ ਜਾਰੀ ਕੀਤੇ ਗਏ ਹਨ। ਉਨ੍ਹਾਂ ਨੂੰ ਸਪੱਸ਼ਟ ਕੀਤਾ ਗਿਆ ਹੈ ਕਿ ਕੋਈ ਵੀ ਫਲਾਇੰਗ ਸਕੁਆਇਡ ਟੀਮ ਇਕ ਜਗ੍ਹਾ 'ਤੇ 30 ਮਿੰਟ ਤੋਂ ਜ਼ਿਆਦਾ ਨਾ ਰੁਕ ਅਤੇ ਰੂਟ ਬਦਲ ਬਦਲ ਕੇ ਗਸ਼ਤ ਕੀਤੀ ਜਾਵੇ।
ਭਗਵੰਤ ਮਾਨ ਨੇ ਹਲਕੇ ਦਾ ਵਿਕਾਸ ਕਰਨ ਦੀ ਬਜਾਏ 5 ਸਾਲ ਚੁੱਟਕਲੇ ਹੀ ਸੁਣਾਏ : ਢਿੱਲੋਂ
NEXT STORY 
