ਲੁਧਿਆਣਾ (ਤਰੁਣ): ਤਕਰੀਬਨ 4 ਦਿਨ ਪਹਿਲਾਂ ਫ਼ਤਹਿਗੰਜ ਮੁਹੱਲਾ ਵਿਚ ਪਤੀ ਨੇ ਪਤਨੀ ਰਾਧਿਕਾ (20) ਦੇ ਹੱਥ ਪੈਰ ਬੰਨ੍ਹ ਕੇ ਉਸ ਦਾ ਗਲਾ ਘੁੱਟ ਕੇ ਕਤਲ ਕਰਨ ਦੇ ਮਾਮਲੇ ਵਿਚ ਥਾਣਾ ਡਵੀਜ਼ਨ ਨੰਬਰ 3 ਦੀ ਪੁਲਸ ਕਈ ਐਂਗਲਾਂ 'ਤੇ ਕੰਮ ਕਰ ਰਹੀ ਹੈ। ਕਾਤਲ ਪਤੀ ਸੁਨੀਲ (21) ਅਜੇ ਫ਼ਰਾਰ ਹੈ। ਪੁਲਸ ਵੱਲੋਂ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ। ਉੱਥੇ ਹੀ ਕੇਸ ਨਾਲ ਸਬੰਧਤ ਕਈ ਗੱਲਾਂ ਜਨਤਕ ਹੋ ਰਹੀਆਂ ਹਨ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਮਿਲਿਆ ਬੰਬ! ਇਲਾਕੇ 'ਚ ਬਣਿਆ ਦਹਿਸ਼ਤ ਦਾ ਮਾਹੌਲ
ਤਕਰੀਬਨ 5 ਮਹੀਨੇ ਪਹਿਲਾਂ ਰਾਧਿਕਾ ਦੀ Instagram 'ਤੇ ਸੁਨੀਲ ਦੇ ਨਾਲ ਦੋਸਤੀ ਹੋਈ ਸੀ। ਇਸ ਮਗਰੋਂ ਉਹ ਸੁਨੀਲ ਨੂੰ ਮਿਲਣ ਰਾਧਿਕਾ ਗੌਂਡਾ ਜ਼ਿਲ੍ਹਾ ਉੱਤਰ ਪ੍ਰਦੇਸ਼ ਗਈ ਸੀ। ਉੱਥੇ ਉਨ੍ਹਾਂ ਦਾ ਪਿਆਰ ਸਿਰੇ ਚੜ੍ਹਿਆ ਤੇ ਦੋਹਾਂ ਨੇ ਇਕ ਮੰਦਰ ਵਿਚ ਵਿਆਹ ਕਰਵਾ ਲਿਆ। ਸੂਤਰਾਂ ਮੁਤਾਬਕ ਰਾਧਿਕਾ ਪਹਿਲਾਂ ਤੋਂ ਵਿਆਹੀ ਹੋਈ ਸੀ, ਪਰ ਉਸ ਨੇ ਇਹ ਗੱਲ ਸੁਨੀਲ ਤੋਂ ਲੁਕੋਈ ਸੀ। ਇਹੀ ਗੱਲ ਸੁਨੀਲ ਦੇ ਮਨ ਵਿਚ ਬੈਠ ਗਈ। ਰਾਧਿਕਾ ਦੇ ਭਰਾ ਸ਼ਿਵਾ ਦਾ ਦੋਸ਼ ਹੈ ਕਿ ਸੁਨੀਲ ਅਕਸਰ ਉਸ ਦੀ ਭੈਣ 'ਤੇ ਪਹਿਲੇ ਵਿਆਹ ਨੂੰ ਲੈ ਕੇ ਤੰਜ ਕੱਸਦਾ ਰਹਿੰਦਾ ਸੀ, ਜਿਸ ਕਾਰਨ ਦੋਹਾਂ ਵਿਚ ਰਿਸ਼ਤੇ ਚੰਗੇ ਨਹੀਂ ਸੀ।
ਇਸ ਬਾਰੇ ਥਾਣਾ ਡਵੀਜ਼ਨ ਨੰਬਰ 3 ਦੇ ਮੁਖੀ ਅਦਿੱਤਿਆ ਸ਼ਰਮਾ ਦਾ ਕਹਿਣਾ ਹੈ ਕਿ ਰਾਧਿਕਾ ਦੇ ਪਹਿਲੇ ਵਿਆਹ ਨੂੰ ਲੈ ਕੇ ਅਕਸਰ ਸੁਨੀਲ ਤੇ ਰਾਧਿਕਾ ਵਿਚਾਲੇ ਕਲੇਸ਼ ਰਹਿੰਦਾ ਸੀ। ਰਾਧਿਕਾ ਨੇ ਸੁਨੀਲ ਤੋਂ ਪਹਿਲੇ ਵਿਆਹ ਦੀ ਗੱਲ ਲੁਕੋਈ ਸੀ। ਜਦੋਂ ਤੋਂ ਸੁਨੀਲ ਨੂੰ ਇਸ ਬਾਰੇ ਪਤਾ ਲੱਗਿਆ ਉਦੋਂ ਤੋਂ ਦੋਹਾਂ ਵਿਚਾਲੇ ਰਿਸ਼ਤੇ ਵਿਗੜ ਗਏ।
ਖ਼ਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਇਸੇ ਰੰਜਿਸ਼ ਕਾਰਨ ਸੁਨੀਲ ਨੇ ਰਾਧਿਕਾ ਨੂੰ ਮੌਤ ਦੇ ਘਾਟ ਉਤਾਰਿਆ ਹੈ। ਫ਼ਿਲਹਾਲ ਪੁਲਸ ਨੇ ਰਾਧਿਕਾ ਦੇ ਭਰਾ ਸ਼ਿਵਾ ਦੇ ਬਿਆਨਾਂ 'ਤੇ ਕਾਤਲ ਸੁਨੀਲ ਦੇ ਖ਼ਿਲਾਫ਼ ਕਤਲ ਦੇ ਦੋਸ਼ ਹੇਠ ਕੇਸ ਦਰਜ ਕਰ ਲਿਆ ਹੈ। ਪੁਲਸ ਸੁਨੀਲ ਦੀ ਭਾਲ ਕਰ ਰਹੀ ਹੈ। ਮੁਲਜ਼ਮ ਸੁਨੀਲ ਦੀ ਆਖ਼ਰੀ ਲੋਕੇਸ਼ ਦਿੱਲੀ ਤੋਂ ਅੱਗੇ ਦੀ ਹੈ। ਕਤਲ ਕਰਨ ਤੋਂ ਬਾਅਦ ਹੀ ਸੁਨੀਲ ਸ਼ਹਿਰ ਛੱਡ ਕੇ ਫ਼ਰਾਰ ਹੋ ਗਿਆ ਸੀ। ਬੁੱਧਵਾਰ ਨੂੰ ਰਾਧਿਕਾ ਦੀ ਲਾਸ਼ ਦਾ ਸਿਵਲ ਹਸਪਤਾਲ ਵਿਚ ਪੋਸਟਮਾਰਟਮ ਹੋਣ ਤੋਂ ਬਾਅਦ ਲਾਸ਼ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ ਜਾਵੇਗੀ।
ਕੀ ਹੈ ਪੂਰਾ ਮਾਮਲਾ
ਮੰਗਲਵਾਰ ਦੁਪਹਿਰ ਨੂੰ ਫ਼ਤਹਿਗੰਜ ਮੁਹੱਲਾ ਸਥਿਤ ਇਕ ਮਕਾਨ ਦੇ ਕਮਰੇ ਵਿਚੋਂ ਬਦਬੋ ਆਉਣ ਤੋਂ ਬਾਅਦ ਮਕਾਨ ਮਾਲਕ ਨੇ ਇਸ ਦੀ ਸੂਚਨਾ ਪੁਲਸ ਨੂੰ ਦਿੱਤੀ, ਜਿਸ ਮਗਰੋਂ ਥਾਣਾ ਮੁਖੀ ਅਦਿੱਤਿਆ ਸ਼ਰਾ ਪੁਲਸ ਪਾਰਟੀ ਸਮੇਤ ਮੌਕੇ 'ਤੇ ਪਹੁੰਚੇ, ਜਿੱਥੇ ਰਾਧਿਕਾ ਦੀ ਲਾਸ਼ ਪਈ ਸੀ। ਰਾਧਿਕਾ ਦੇ ਹੱਥ-ਪੈਰਰ ਬੰਨ੍ਹੇ ਹੋਏ ਸਨ ਤੇ ਗਲੇ 'ਤੇ ਨਿਸ਼ਾਨ ਸਨ, ਜਿਸ ਤੋਂ ਲੱਗਦਾ ਸੀ ਕਿ ਰਾਧਿਕਾ ਦਾ ਗਲਾ ਘੁੱਟ ਕੇ ਕਤਲ ਕੀਤਾ ਗਿਆ ਹੈ। ਮੌਕੇ 'ਤੇ ਪਹੁੰਚੀ ਫੋਰੈਂਸਿਕ ਟੀਮ ਨੇ ਸੁਰਾਗ ਜੁਟਾ ਲਏ ਹਨ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਕਦੋਂ ਪਵੇਗਾ ਮੀਂਹ? ਮੌਸਮ ਵਿਭਾਗ ਨੇ ਦਿੱਤੀ ਨਵੀਂ ਅਪਡੇਟ
ਰਾਧਿਕਾ ਨੇ ਘਰੋਂ ਭੱਜ ਕੇ ਕਰਵਾਇਆ ਸੀ ਵਿਆਹ
ਰਾਧਿਕਾ ਦੇ ਭਰਾ ਸ਼ਿਵਾ ਨੇ ਦੱਸਿਆ ਕਿ ਅਕਤੂਬਰ 2024 ਵਿਚ ਰਾਧਿਕਾ ਦਾ ਪਹਿਲੇ ਪਤੀ ਨਾਲ ਤਲਾਕ ਹੋਇਆ ਸੀ। ਪਹਿਲਾ ਪਤੀ ਨਸ਼ੇੜੀ ਸੀ ਤੇ ਕੋਈ ਰੋਜ਼ਗਾਰ ਦਾ ਸਾਧਨ ਨਹੀਂ ਸੀ, ਜੋ ਤਲਾਕ ਦੀ ਮੁੱਖ ਵਜ੍ਹਾ ਸੀ। ਇਸ ਮਗਰੋਂ ਫ਼ਰਵਰੀ 2025 ਵਿਚ ਰਾਧਿਕਾ ਦੀ ਸੁਨੀਲ ਨਾਲ ਦੋਸਤੀ ਹੋਈ ਤੇ ਰਾਧਿਕਾ ਨੇ ਘਰੋਂ ਭੱਜ ਕੇ ਸੁਨੀਲ ਦੇ ਨਾਲ ਵਿਆਹ ਕਰਵਾਇਆ ਸੀ। ਉਸ ਦਾ ਪੂਰਾ ਪਰਿਵਾਰ ਇਸ ਗੱਲ ਤੋਂ ਖ਼ੁਸ਼ ਨਹੀਂ ਸੀ।
ਗੌਂਡਾ ਜ਼ਿਲ੍ਹੇ ਦੇ ਇਕ ਮੰਦਰ ਵਿਚ ਹੋਏ ਰਾਧਿਕਾ ਦੇ ਵਿਆਹ ਵੇਲੇ ਘਰ ਦਾ ਕੋਈ ਵੀ ਜੀਅ ਮੌਜੂਦ ਨਹੀਂ ਸੀ। ਉੱਥੇ ਹੀ ਰਾਧਿਕਾ ਚੌੜਾ ਬਾਜ਼ਾਰ ਵਿਚ ਇਕ ਦੁਕਾਨ ਵਿਚ ਸੇਲਸ ਗਰਲ ਦਾ ਕੰਮ ਵੀ ਕਰਦੀ ਸੀ। ਪੁਲਸ ਦੁਕਾਨ ਮਾਲਕ ਤੇ ਉੱਥੇ ਦੇ ਸਟਾਫ਼ ਤੋਂ ਵੀ ਪੁੱਛਗਿੱਛ ਕਰ ਰਹੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਵਾਂਸ਼ਹਿਰ 'ਚ ਵੱਡੀ ਕਾਰਵਾਈ: ਆਈਲੈਟਸ, ਟਰੈਵਲ ਏਜੰਸੀ ਤੇ ਕੰਸਲਟੈਂਸੀ ਸੈਂਟਰਾਂ ਦੇ ਲਾਇਸੈਂਸ ਰੱਦ
NEXT STORY 
