ਖਰੜ (ਅਮਰਦੀਪ ਸਿੰਘ ਸੈਣੀ) : ਖਰੜ ਪੁਲਸ ਨੇ ਇਲਾਕੇ ਵਿੱਚ ਚੋਰੀ ਅਤੇ ਸਨੈਚਿੰਗ ਦੀਆਂ ਵਧ ਰਹੀਆਂ ਵਾਰਦਾਤਾਂ 'ਤੇ ਨਕੇਲ ਕੱਸਦਿਆਂ ਵੱਡੀ ਕਾਰਵਾਈ ਕੀਤੀ ਹੈ। ਇਸ ਦੌਰਾਨ ਕੁੱਲ 13 ਮੁਲਜ਼ਮਾਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਅਤੇ ਉਨ੍ਹਾਂ ਕੋਲੋਂ ਚੋਰੀ ਦਾ ਸਮਾਨ ਬਰਾਮਦ ਕੀਤਾ ਗਿਆ ਹੈ। ਜਾਣਕਾਰੀ ਦਿੰਦਿਆਂ ਡੀ. ਐਸ. ਪੀ. ਕਰਨ ਸਿੰਘ ਸੰਧੂ ਨੇ ਦੱਸਿਆ ਕਿ ਖਰੜ ਦੇ ਵੱਖ-ਵੱਖ ਥਾਣਿਆਂ ਦੇ ਮਾਮਲਿਆਂ ਵਿੱਚ ਦਰਜ ਕੇਸਾਂ ਦੀ ਜਾਂਚ ਦੌਰਾਨ ਇਹ ਗਿ੍ਫ਼ਤਾਰੀਆਂ ਕੀਤੀਆਂ ਗਈਆਂ ਹਨ। ਮੁੱਖ ਬਰਾਮਦਗੀਆਂ: ਚੋਰੀ ਦੇ 18 ਮੋਟਰਸਾਈਕਲ, ਐਕਟਿਵਾ 03, ਸਾਈਕਲ 02, ਨਕਲੀ ਪਿਸਤੌਲ 01, ਸਿਲੰਡਰ 04 ਅਤੇ ਹੋਰ ਚੋਰੀ ਦਾ ਸਾਮਾਨ ਪੁਲਸ ਨੇ ਬਰਾਮਦ ਕਰ ਲਿਆ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਦਾ ਡੋਪ ਟੈਸਟ ਪਾਜ਼ਿਟਿਵ ਆਇਆ ਜਿਸ ਕਰਕੇ ਐਕਟ ਅਧੀਨ ਵੀ ਕਾਰਵਾਈ ਵਧਾਈ ਗਈ ਹੈ। ਉਨ੍ਹਾਂ ਕਿਹਾ ਹੈ ਕਿ ਇਲਾਕੇ ਵਿੱਚ ਕਾਨੂੰਨ-ਵਿਵਸਥਾ ਨੂੰ ਬਰਕਰਾਰ ਰੱਖਣ ਲਈ ਇਸ ਤਰ੍ਹਾਂ ਦੀਆਂ ਕਾਰਵਾਈਆਂ ਅੱਗੇ ਵੀ ਜਾਰੀ ਰਹਿਣਗੀਆਂ ਅਤੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਕਿਸੇ ਵੀ ਸ਼ੱਕੀ ਗਤੀਵਿਧੀ ਬਾਰੇ ਤੁਰੰਤ ਜਾਣਕਾਰੀ ਦਿੱਤੀ ਜਾਵੇ।
ਇਹ ਵੀ ਪੜ੍ਹੋ : ਚੋਰਾਂ ਦੇ ਹੌਸਲੇ ਬੁਲੰਦ! ਮੁਲਾਜ਼ਮ ਦੀ ਗੱਡੀ ਦਾ ਸ਼ੀਸ਼ਾ ਤੋੜ ਉਡਾਏ ਰਿਵਾਲਵਰ, ਸੋਨਾ ਤੇ ਨਕਦੀ
ਗਿ੍ਫਤਾਰ ਕੀਤੇ ਗਏ ਮੁਲਜ਼ਮਾਂ ਵਿੱਚ ਕਰਨ ਸਿੰਘ ਪੁੱਤਰ ਸਵਰਨ ਸਿੰਘ, ਵਾਸੀ ਮਕਾਨ ਨੰਬਰ 4700/1, ਡੱਡੂਮਾਜਰਾ ਕਾਲੋਨੀ, ਸੈਕਟਰ-38 ਵੈਸਟ, ਚੰਡੀਗੜ੍ਹ, ਸਚਿਨ ਪੁੱਤਰ ਮਹੇਸ਼ ਕੁਮਾਰ, ਵਾਸੀ ਪਿੰਡ ਸਤਵਾਰਾ, ਜ਼ਿਲ੍ਹਾ ਦੌਲਪੁਰ (ਰਾਜਸਥਾਨ), ਹਾਲ ਵਾਸੀ ਅਜਾਦ ਨਗਰ ਬਲੌਗੀ, ਰਮਨ ਕੁਮਾਰ ਉਰਫ ਸੋਲਜਰ ਪੁੱਤਰ ਮਨੋਜ ਕੁਮਾਰ, ਵਾਸੀ ਗਲੀ ਨੰਬਰ 5, ਆਜ਼ਾ ਨਗਰ ਬਲੌਗੀ, ਚਤਨ ਸਿੰਘ ਨੇਗੀ ਪੁੱਤਰ ਧਰਮਪਾਲ, ਵਾਸੀ ਆਜ਼ਾਦ ਨਗਰ ਬਲੌਗੀ, ਅਮਨਦੀਪ ਸਿੰਘ ਪੁੱਤਰ ਪਰਮਜੀਤ ਸਿੰਘ, ਵਾਸੀ ਪਿੰਡ ਬਸੀ ਗੁਲਾਮ ਹੋਸੈਨਪੁਰ, ਹੁਸ਼ਿਆਰਪੁਰ, ਧੀਰਜ ਮਸੀਹ ਪੁੱਤਰ ਨਿਊਟਨ ਮਸੀਹ, ਵਾਸੀ ਮਕਾਨ ਨੰਬਰ 4369, ਸੈਕਟਰ-7, ਖਰੜ, ਗੁਰਤੇਜ ਸਿੰਘ ਉਰਫ ਬੋਨੀ, ਵਾਸੀ ਮਕਾਨ ਨੰਬਰ 21, ਖਾਨਪੁਰ, ਖਰੜ, ਹਰਪ੍ਰੀਤ ਸਿੰਘ ਉਰਫ ਪੈਂਤੀ, ਵਾਸੀ ਮਕਾਨ ਨੰਬਰ 21, ਖਾਨਪੁਰ ਖਰੜ, ਕਮਲਦੀਪ ਸਿੰਘ ਉਰਫ ਕਾਕਾ ਪੁੱਤਰ ਬਲਵਿੰਦਰ ਸਿੰਘ, ਵਾਸੀ ਪਿੰਡ ਬਜੇਹੜੀ, ਸਿੰਕਦਰ ਸਿੰਘ ਉਰਫ ਗੁਰੀ ਪੁੱਤਰ ਲੇਟ ਮੋਹਣ ਸਿੰਘ, ਵਾਸੀ ਮਕਾਨ ਨੰਬਰ 197, ਗਲੀ ਨੰਬਰ 3, ਪਿੰਡ ਖਾਨਪੁਰ, ਖਰੜ, ਨਿਤਿਨ ਧਵਨ ਪੁੱਤਰ ਪਰਵਿੰਦਰ ਕੁਮਾਰ, ਵਾਸੀ ਆਜ਼ਾਦ ਨਗਰ ਦੇਸੂਮਾਜਰਾ ਖਰੜ, ਰਵੀ ਸ਼ਰਮਾ ਉਰਫ ਨੂੰ ਪੁੱਤਰ ਰਾਕੇਸ਼ ਸ਼ਰਮਾ, ਵਾਸੀ ਗਲੀ ਨੰਬਰ 35, ਪ੍ਰੀਤ ਨਗਰ, ਸ਼ਿਮਲਾਪੁਰੀ, ਲੁਧਿਆਣਾ, ਅਭੈ ਪੁੱਤਰ ਅਸ਼ੋਕ ਕੁਮਾਰ, ਵਾਸੀ ਘੜੂੰਆਂ ਦੇ ਨਾਮ ਸ਼ਾਮਲ ਹਨ। ਪੁੱਛਗਿੱਛ ਦੌਰਾਨ ਹੋਰ ਸਾਥੀਆਂ ਦੇ ਨਾਂ ਸਾਹਮਣੇ ਆਏ ਹਨ, ਜਿਨ੍ਹਾਂ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਵਾਂ ਮਿਡ-ਡੇਅ ਮੀਲ ਮੀਨੂ ਜਾਰੀ, ਵਿਦਿਆਰਥੀ ਸ਼ਨੀਵਾਰ ਨੂੰ ਸਾਬਤ ਮਾਂਹ ਦੀ ਦਾਲ ਦਾ ਲੈਣਗੇ ਸੁਆਦ
NEXT STORY 
