ਲੁਧਿਆਣਾ, (ਸੋਨੂ)- ‘ਜਗ ਬਾਣੀ’ ਪੱਤਰ ਸਮੂਹ ਦੇ ਮੁੱਖ ਸੰਪਾਦਕ ਵਿਜੇ ਚੋਪਡ਼ਾ ਦੀ ਧਰਮ-ਪਤਨੀ ਅਤੇ ਜੁਆਇੰਟ ਮੈਨੇਜਿੰਗ ਡਾਇਰੈਕਟਰ ਸ਼੍ਰੀ ਅਵਿਨਾਸ਼ ਚੋਪਡ਼ਾ, ਸ਼੍ਰੀ ਅਮਿਤ ਚੋਪਡ਼ਾ ਦੀ ਮਾਤਾ ਅਤੇ ‘ਜਗ ਬਾਣੀ’ ਪੱਤਰ ਸਮੂਹ ਦੀ ਨਿਰਦੇਸ਼ਕ ਸਵ. ਸ਼੍ਰੀਮਤੀ ਸਵਦੇਸ਼ ਚੋਪਡ਼ਾ ਦੀ ਤੀਜੀ ਬਰਸੀ ਦੇ ਉਦੇਸ਼ ’ਚ ਚੋਪਡ਼ਾ ਪਰਿਵਾਰ ਵਲੋਂ ਲਗਾਏ ਗਏ ਮੁਫਤ ਮੈਡੀਕਲ ਕੈਂਪ ’ਚ 445 ਮਰੀਜ਼ਾਂ ਨੇ ਮਾਹਰ ਡਾਕਟਰਾਂ ਤੋਂ ਜਾਂਚ ਕਰਵਾ ਕੇ ਲਾਭ ਲਿਆ।
ਸ੍ਰੀ ਸਨਾਤਨ ਧਰਮ ਮੰਦਰ ਅਰਬਨ ਅਸਟੇਟ ਫੇਸ-1, ਫੋਕਲ ਪੁਆਇੰਟ ’ਚ ਨੋਬਲ ਫਾਊਂਡੇਸ਼ਨ ਦੇ ਚੇਅਰਮੈਨ ਰਾਜਿੰਦਰ ਸ਼ਰਮਾ ਦੀ ਅਗਵਾਈ ਵਿਚ ਆਯੋਜਿਤ ਇਸ ਕੈਂਪ ਦਾ ਉਦਘਾਟਨ ਚੀਫ ਇਨਕਮ ਟੈਕਸ ਕਮਿਸ਼ਨਰ ਬੀ. ਕੇ. ਝਾਅ (ਆਈ.ਆਰ.ਐੱਸ), ਸ਼੍ਰੀ ਬਾਲਾ ਜੀ ਪ੍ਰੇਮ ਆਸ਼ਰਮ ਦੇ ਪ੍ਰਮੁੱਖ ਸੇਵਕ ਬਾਬਾ ਕੁਲਵੰਤ ਭੱਲਾ, ਸਤਿਅਮ ਆਟੋ ਦੇ ਮੈਨੇਜਿੰਗ ਡਾਇਰੈਕਟਰ ਸੁਰੇਸ਼ ਮੁੰਜਾਲ ਨੇ ਕੀਤਾ। ਉਥੇ ਵਿਧਾਇਕ ਸੁਰਿੰਦਰ ਡਾਵਰ, ਏ.ਡੀ.ਸੀ.ਪੀ –2 ਸੰਦੀਪ ਸ਼ਰਮਾ, ਸੀਨੀਅਰ ਡਿਪਟੀ ਮੇਅਰ ਸ਼ਾਮ ਸੁੰਦਰ ਮਲਹੋਤਰਾ, ਭਾਵਾਧਸ ਦੇ ਵਿਜੇ ਦਾਨਵ, ਭਾਵਾਧਸ ਦੇ ਨਰੇਸ਼ ਧੀਗਾਨ, ਕੌਂਸਲਰ ਸੰਦੀਪ, ਗੌਰਵ ਭੱਟੀ, ਪ੍ਰਾਚੀਨ ਗਊਸ਼ਾਲਾ ਦੇ ਸ਼ਾਮ ਲਾਲ ਸਪਰਾ ਨੇ ਦੀਪ ਪ੍ਰਵਜਲਿਤ ਕੀਤਾ।
ਇਸ ਮੌਕੇ ਫੋਰਟਿਸ ਹਸਪਤਾਲ ਦੇ ਐੱਮ.ਬੀ.ਬੀ.ਐੱਸ.ਐੱਮ.ਡੀ. ਮੈਡੀਸਨ ਡਾ. ਮਨਦੀਪ ਸਿੰਘ ਸੈਣੀ ਨੇ ਜਨਰਲ ਚੈਕਅਪ, ਸੁਮਨ ਹਸਪਤਾਲ ਦੀ ਡਾ. ਸੁਮਨ ਸ਼ਾਰਦਾ ਨੇ ਮਹਿਲਾ ਸਬੰਧੀ ਰੋਗ ਤੇ ਐੱਮ.ਬੀ.ਬੀ.ਐੱਸ.ਐੱਮ.ਡੀ. ਡਾ. ਮਨਿੰਦਰ ਸਿੰਘ ਨੇ ਬੱਚਿਆਂ ਦੀਆਂ ਬੀਮਾਰੀਆਂ ਚੈੱਕ ਕੀਤੀਅਾਂ, ਉਥੇ ਮਰੀਜ਼ਾਂ ਨੂੰ ਮੁਫਤ ਦਵਾਈਆਂ ਵੀ ਦਿੱਤੀਆਂ ਗਈਆਂ। ਫੋਰਟਿਸ ਹਸਪਤਾਲ ਮਾਰਕੀਟਿੰਗ ਦੇ ਪ੍ਰਸ਼ਾਂਤ ਸ਼ਰਮਾ ਅਤੇ ਹੋਰ ਟੀਮ ਵੀ ਮੌਜੂਦ ਸੀ।
ਹਰ ਖੇਤਰ ’ਚ ‘ਜਗ ਬਾਣੀ’ ਪਰਿਵਾਰ ਦੀ ਦੇਸ਼ ਨੂੰ ਬਹੁਤ ਵੱਡੀ ਦੇਣ : ਬੀ.ਕੇ. ਝਾਅ
ਚੀਫ ਇਨਕਮ ਟੈਕਸ ਕਮਿਸ਼ਨਰ ਬੀ. ਕੇ. ਝਾਅ ਨੇ ਚੋਪਡ਼ਾ ਪਰਿਵਾਰ ਵਲੋਂ ਸਵ. ਸਵਦੇਸ਼ ਚੋਪਡ਼ਾ ਜੀ ਦੀ ਬਰਸੀ ’ਤੇ ਲਾਏ ਗਏ ਇਸ ਮੈਡੀਕਲ ਕੈਂਪ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ‘ਜਗ ਬਾਣੀ’ ਸਮੂਹ ਪੱਤਰਕਾਰਿਤਾ ਦੇ ਨਾਲ-ਨਾਲ ਸਮਾਜ ਸੇਵਾ ਦੇ ਕਾਰਜਾਂ ’ਚ ਸਦਾ ਸਮਰਪਤ ਹੈ, ਉਥੇ ਹਰ ਖੇਤਰ ’ਚ ‘ਜਗ ਬਾਣੀ’ ਪਰਿਵਾਰ ਦੀ ਦੇਸ਼ ਨੂੰ ਬਹੁਤ ਵੱਡੀ ਦੇਣ ਹੈ।
ਸਵ. ਸ਼੍ਰੀਮਤੀ ਸਵਦੇਸ਼ ਚੋਪਡ਼ਾ ਵਲੋਂ ਸਮਾਜਕ ਤੇ ਧਾਰਮਕ ਖੇਤਰ ’ਚ ਨਿਭਾਈ ਗਈ ਭੂਮਿਕਾ ਸ਼ਲਾਘਾਯੋਗ : ਬਾਬਾ ਕੁਲਵੰਤ ਭੱਲਾ
ਬਾਬਾ ਕੁਲਵੰਤ ਭੱਲਾ ਨੇ ਕਿਹਾ ਕਿ ਮਾਨਵਤਾ ਦੀ ਸੇਵਾ ਹੀ ਸੱਚੀ ਪ੍ਰਮਾਤਮਾ ਦੀ ਭਗਤੀ ਹੈ। ‘ਜਗ ਬਾਣੀ’ ਪਰਿਵਾਰ ਮਾਨਵਤਾ ਦੀ ਸੇਵਾ ਆਪਣਾ ਫਰਜ਼ ਸਮਝ ਕੇ ਕਰ ਰਿਹਾ ਹੈ ਅਤੇ ਸਵ. ਸ਼੍ਰੀਮਤੀ ਸਵਦੇਸ਼ ਚੋਪਡ਼ਾ ਵਲੋਂ ਸਮਾਜਕ ਅਤੇ ਧਾਰਮਕ ਖੇਤਰ ਵਿਚ ਨਿਭਾਈ ਗਈ ਭੂਮਿਕਾ ਸ਼ਲਾਘਾਯੋਗ ਹੈ। ਜਿਸ ਨੂੰ ਕਦੇ ਭੁਲਾਇਆ ਨਹੀਂ ਜਾ ਸਕੇਗਾ। 
ਪੀਡ਼ਤਾਂ ਦੀ ਸੇਵਾ ਤੇ ਸਹਾਇਤਾ ਲਈ ‘ਜਗ ਬਾਣੀ’ ਪਰਿਵਾਰ ਹਮੇਸ਼ਾ ਤਿਆਰ : ਵਿਧਾਇਕ ਸੁਰਿੰਦਰ ਡਾਵਰ
ਵਿਧਾਇਕ ਸੁਰਿੰਦਰ ਡਾਵਰ ਨੇ ਕਿਹਾ ਕਿ ਜਗ ਬਾਣੀ ਪਰਿਵਾਰ ਪੀਡ਼ਤਾਂ ਦੀ ਸੇਵਾ ਅਤੇ ਸਹਾਇਤਾ ਲਈ ਹਮੇਸ਼ਾ ਤਿਆਰ ਅਤੇ ਸਰਗਰਮ ਹੈ। ਉਨ੍ਹਾਂ ਨੇ ਲਗਾਏ ਇਸ ਕੈਂਪ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਦੇਸ਼ ’ਤੇ ਕੋਈ ਵਿਪਤਾ ਆਈ ਤਾਂ ਜਗ ਬਾਣੀ ਨੇ ਪਹਿਲਾਂ ਖੁਦ ਯੋਗਦਾਨ ਪਾ ਕੇ ਲੋਕਾਂ ਨੂੰ ਵੀ ਪੀਡ਼ਤਾਂ ਦੀ ਮੱਦਦ ਕਰਨ ਦਾ ਮਾਰਗ ਦਿਖਾਇਆ ਹੈ।
ਪਰਿਵਾਰ ਤੇ ਸਮਾਜ ਲਈ ਪ੍ਰੇਰਣਾਦਾਇਕ ਸੀ ਸਵ. ਸਵਦੇਸ਼ ਚੋਪਡ਼ਾ : ਸ਼ਾਮ ਸੁੰਦਰ ਮਲਹੋਤਰਾ
ਸੀਨੀਅਰ ਡਿਪਟੀ ਮੇਅਰ ਸ਼ਾਮ ਸੁੰਦਰ ਮਲਹੋਤਰਾ ਨੇ ਕਿਹਾ ਕਿ ਸਵ. ਸਵਦੇਸ਼ ਚੋਪਡ਼ਾ ਪਰਿਵਾਰ ਤੇ ਸਮਾਜ ਦੇ ਲਈ ਹਮੇਸ਼ਾ ਹੀ ਪ੍ਰੇਰਣਾਦਾਇਕ ਸੀ ਤੇ ਉਹ ਲੁਧਿਆਣਾ ’ਚ ਕਈ ਪ੍ਰੋਗਰਾਮਾਂ ’ਚ ਆ ਕੇ ਲੋਕਾਂ ਨੂੰ ਸੇਵਾ ਕਾਰਜਾਂ ਦੇ ਲਈ ਪ੍ਰੇਰਿਤ ਕਰਦੀ ਸੀ।
ਸੇਵਾ ਦੇ ਕਾਰਜ ਕਰਨਾ ਸਭ ਦਾ ਫਰਜ਼ : ਸੁਰੇਸ਼ ਮੁੰਜਾਲ
ਸਤਿਅਮ ਆਟੋ ਦੇ ਮੈਨੇਜਿੰਗ ਡਾਇਰੈਕਟਰ ਸੁਰੇਸ਼ ਮੁੰਜਾਲ ਨੇ ਕਿਹਾ ਕਿ ਜਗ ਬਾਣੀ ਗਰੁੱਪ ਦੇ ਮੁੱਖ ਸੰਪਾਦਕ ਵਿਜੇ ਚੋਪਡ਼ਾ ਦੀ ਪ੍ਰੇਰਣਾ ਨਾਲ ਉਨ੍ਹਾਂ ਦੇ ਪਰਿਵਾਰ ਨੂੰ ਵੀ ਪਿਛਲੇ ਦਿਨੀਂ ਜੰਮੂ ਕਸ਼ਮੀਰ ਦੇ ਪੀਡ਼ਤਾਂ ਲਈ ਰਾਹਤ ਸਮੱਗਰੀ ਦੇ ਦੋ ਟਰੱਕ ਭੇਜਣ ਦਾ ਮੌਕਾ ਮਿਲਿਆ ਸੀ। ਇਸ ਤਰ੍ਹਾਂ ਸੇਵਾ ਦੇ ਕਾਰਜ ਕਰਨਾ ਤੇ ਉਸ ’ਚ ਯੋਗਦਾਨ ਪਾਉਣਾ ਸਭ ਦਾ ਫਰਜ਼ ਬਣਦਾ ਹੈ।
ਸਵ. ਸ਼੍ਰੀਮਤੀ ਸਵਦੇਸ਼ ਚੋਪਡ਼ਾ ਜੀ ਨੂੰ ਵੱਖ-ਵੱਖ ਮਾਣਯੋਗ ਸ਼ਖਸੀਅਤਾਂ ਨੇ ਦਿੱਤੀ ਸ਼ਰਧਾਂਜਲੀ
ਮੈਡੀਕਲ ਕੈਂਪ ਦੇ ਮੌਕੇ ’ਤੇ ਜੀ.ਐੱਲ. ਦਾਦੂ ਟਰੱਸਟ ਦੇ ਪ੍ਰਧਾਨ ਵਿਜੇ ਦਾਦੂ, ਸ਼ਿਵ ਸੈਨਾ ਪੰਜਾਬ ਦੇ ਚੇਅਰਮੈਨ ਰਾਜੀਵ ਟੰਡਨ, ਸੰਦੀਪ ਥਾਪਰ, ਭਾਨੂ ਪ੍ਰਤਾਪ, ਅਸ਼ਵਨੀ ਚੋਪਡ਼ਾ, ਅਮਿਤ, ਦੀਪਕ ਸ਼ਰਮਾ, ਪ੍ਰਿੰਸ ਸ਼ਰਮਾ, ਸ਼ਿਵ ਸੈਨਾ ਹਿੰਦੁਸਤਾਨ ਦੇ ਬੌਬੀ ਮਿੱਤਲ, ਚੰਦਰ ਕਾਲਡ਼ਾ, ਅਸ਼ੋਕ ਜਿੰਦਲ, ਪੁਨੀਤ ਜਿੰਦਲ, ਪ੍ਰਸਿੱਧ ਸਮਾਜ ਸੇਵਿਕਾ ਰਾਧਿਕਾ ਜੇਤਵਾਨੀ, ਜੈ ਵਿਰਾਟ ਬ੍ਰਹਮਰਸ਼ੋ ਮਿਸ਼ਨ ਦੇ ਵਿਜੇ ਅਗਰਵਾਲ, ਸਵਾਮੀ ਵਿਵੇਕਾਨੰਦ ਇੰਸਟੀਚਿਊਟ ਆਫ ਪੈਰਾ ਮੈਡੀਕਲ ਸਾਇੰਸ ਦੀ ਮੈਨੇਜਿੰਗ ਡਾਇਰੈਕਟਰ ਮਧੂ ਵਿਜ, ਸਾਈਂ ਸੇਵਾ ਵੂਮੈਨ ਫਾਊਂਡੇਸ਼ਨ ਦੀ ਚੇਅਰਪਰਸਨ ਚਿੰਕੀ ਗਾਂਧੀ, ਰਿਪੂ ਗਿੱਲ, ਪੂਨਮ ਦੱਤਾ, ਰਾਜਿੰਦਰ ਸਿੰਘ, ਅਮਰਜੀਤ ਕੌਰ, ਮੀਨਾਕਸ਼ੀ ਸ਼ਰਮਾ, ਦਲਜੀਤ ਕੌਰ, ਆਰਤੀ ਗੁਪਤਾ, ਸੰਗੀਤਾ ਕੌਸ਼ਲ ਆਦਿ ਨੇ ਸਵ. ਸਵਦੇਸ਼ ਚੋਪਡ਼ਾ ਜੀ ਨੂੰ ਸ਼ਰਧਾਂਜਲੀ ਭੇਟ ਕੀਤੀ।
ਸਲੱਮ ਇਲਾਕੇ ’ਚ ਇਸ ਤਰ੍ਹਾਂ ਦੇ ਮੈਡੀਕਲ ਕੈਂਪ ਲਾਉਣੇ ਚਾਹੀਦੇ ਹਨ : ਰਾਜਿੰਦਰ ਸ਼ਰਮਾ
ਨੋਬਲ ਫਾਊਂਡੇਸ਼ਨ ਦੇ ਚੇਅਰਮੈਨ ਰਾਜਿੰਦਰ ਸ਼ਰਮਾ ਨੇ ਦੱਸਿਆ ਕਿ ਜਿਸ ਮੰਦਰ ’ਚ ਇਹ ਮੈਡੀਕਲ ਕੈਂਪ ਲਾਇਆ ਹੈ। ਉਥੇ ਆਸ-ਪਾਸ ਦੇ ਖੇਤਰਾਂ ’ਚ ਬਹੁਤ ਹੀ ਜ਼ਰੂਰਤਮੰਦ ਲੋਕ ਤੇ ਪ੍ਰਵਾਸੀ ਲੋਕ ਰਹਿੰਦੇ ਹਨ। ਜਿਸਦਾ ਇਸ ਕੈਂਪ ਦੇ ਜ਼ਰੀਏ ਉਨ੍ਹਾਂ ਨੂੰ ਲੋਕਾਂ ਨੂੰ ਪੂਰਾ ਲਾਭ ਮਿਲਿਆ ਹੈ।
ਮੰਦਰ ਕਮੇਟੀ ਨੇ ਦਿੱਤਾ ਪੂਰਨ ਸਹਿਯੋਗ
ਮੈਡੀਕਲ ਕੈਂਪ ’ਚ ਜਲਪਾਨ ਦੀ ਵਿਵਸਥਾ ਬਣਾਉਣ ਤੇ ਹੋਰ ਸੇਵਾਵਾਂ ’ਚ ਸ੍ਰੀ ਸਨਾਤਨ ਧਰਮ ਮੰਦਰ ਦੇ ਪ੍ਰਧਾਨ ਰਾਧੇ ਸ਼ਾਮ ਬਾਂਸਲ, ਚੇਅਰਮੈਨ ਡੀ.ਐੱਲ. ਢੱਲ, ਐੱਨ.ਐੱਨ. ਸਚਦੇਵਾ, ਮੁੰਸ਼ੀ ਲਾਲ ਕਪੂਰ, ਕਿਰਪਾਲ ਸਿੰਘ, ਸੁਭਾਸ਼ ਗਰਗ, ਐੱਸ. ਕੇ. ਭੱਲਾ, ਸੁਭਾਸ਼ ਘਈ, ਓ.ਪੀ. ਬੱਸੀ, ਨਿਰਮਲ ਸਿੰਘ, ਜੇ.ਐੱਨ. ਤਿਵਾਡ਼ੀ ਆਦਿ ਕਮੇਟੀ ਮੈਂਬਰਾਂ ਨੇ ਪੂਰਨ ਸਹਿਯੋਗ ਦਿੱਤਾ।
ਨਸ਼ੇ ਵਾਲੀਆਂ 400 ਗੋਲੀਆਂ ਸਮੇਤ ਕਾਬੂ
NEXT STORY 
