ਮੋਹਾਲੀ (ਜਸਬੀਰ ਜੱਸੀ) : ਇੱਥੇ ਇਕ ਨਾਬਾਲਗ ਕੁੜੀ ਨਾਲ ਸਮੂਹਿਕ ਜਬਰ-ਜ਼ਿਨਾਹ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਮਾਮਲੇ ਸਬੰਧੀ ਮੁੱਲਾਂਪੁਰ ਪੁਲਸ ਵਲੋਂ ਇਕ ਕੁੜੀ ਸਣੇ 4 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰਨ ਦਾ ਦਾਅਵਾ ਕੀਤਾ ਗਿਆ ਹੈ। ਗ੍ਰਿਫ਼ਤਾਰ ਮੁਲਜ਼ਮਾਂ 'ਚੋਂ ਕੁੜੀ ਸਮੇਤ 3 ਜਣੇ ਨਾਬਾਲਗ ਹਨ, ਜਦੋਂ ਕਿ ਇਕ ਮੁਲਜ਼ਮ ਬਾਲਗ ਹੈ। ਇਸ ਸਬੰਧੀ ਪੀੜਤ ਕੁੜੀ ਵਲੋਂ ਪੁਲਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਗਿਆ ਸੀ ਕਿ ਉਹ 8ਵੀਂ ਜਮਾਤ ਤੱਕ ਪੜ੍ਹੀ ਹੋਈ ਹੈ। ਕਰੀਬ 2-3 ਸਾਲ ਪਹਿਲਾਂ ਸਰਪੰਚ ਨੇ ਉਸ ਦੇ ਪਿਤਾ ਨੂੰ ਦੱਸਿਆ ਸੀ ਕਿ ਇਕ ਅਸ਼ਲੀਲ ਵੀਡੀਓ ਉਸ ਦੇ ਮੋਬਾਇਲ ਫੋਨ 'ਤੇ ਕਿਸੇ ਨੇ ਭੇਜੀ ਹੈ ਪਰ ਉਕਤ ਵੀਡੀਓ ਉਸ ਦੇ ਮਾਤਾ-ਪਿਤਾ ਨੇ ਅਜੇ ਤੱਕ ਨਹੀਂ ਦੇਖੀ।
ਪੀੜਤਾ ਮੁਤਾਬਕ ਕਰੀਬ 2 ਸਾਲ ਪਹਿਲਾਂ ਉਸ ਨੇ ਆਪਣੇ ਦੋਸਤ ਦੇ ਮੋਬਾਇਲ ਫੋਨ 'ਤੇ ਆਪਣੀ ਇਕ ਅਸ਼ਲੀਲ ਵੀਡੀਓ ਦੇਖੀ ਸੀ, ਉਸ ਨੇ ਦੋਸਤ ਨੂੰ ਉਕਤ ਵੀਡੀਓ ਡਿਲੀਟ ਕਰਨ ਲਈ ਕਿਹਾ ਸੀ। ਉਸ ਦੀ ਉਕਤ ਮੁੰਡੇ ਨਾਲ 2 ਸਾਲ ਪਹਿਲਾਂ ਦੋਸਤੀ ਹੋਈ ਸੀ ਅਤੇ ਉਹ ਉਸ ਨੂੰ ਮਿਲਣ ਵੀ ਜਾਂਦੀ ਸੀ। ਮੁੰਡਾ ਉਸ ਨੂੰ 3-4 ਵਾਰ ਮੋਹਾਲੀ ਦੇ ਇਕ ਹੋਟਲ 'ਚ ਲੈ ਕੇ ਗਿਆ ਅਤੇ ਉਸ ਦੇ ਨਾਲ ਸਰੀਰਕ ਸਬੰਧ ਬਣਾਏ। ਇਸ ਦੌਰਾਨ ਮੁੰਡੇ ਨੇ ਉਸ ਦੀ ਵੀਡੀਓ ਵੀ ਬਣਾਈ ਸੀ। 2025 ਸਰਦੀਆਂ 'ਚ ਮੁੰਡੇ ਨੇ ਆਪਣੇ 3-4 ਦੋਸਤਾਂ ਨੂੰ ਖੇਤਾਂ 'ਚ ਬੁਲਾਇਆ ਅਤੇ 2 ਮੁੰਡਿਆਂ ਨੇ ਉਸ ਨਾਲ ਸਰੀਰਕ ਸਬੰਧ ਬਣਾਏ ਅਤੇ ਵੀਡੀਓ ਵੀ ਬਣਾਈ ਸੀ। ਇਸ ਤੋਂ ਇਲਾਵਾ ਉਸ ਦੀ ਸਹੇਲੀ ਨੇ ਵੀ ਇਕ ਘਰ 'ਚ ਤਿੰਨ ਮੁੰਡਿਆਂ ਅਤੇ ਹੋਰਨਾਂ ਨਾਲ ਉਸ ਨੂੰ ਮਿਲਾਇਆ ਅਤੇ ਸਾਰਿਆਂ ਨੇ ਮਿਲੀ-ਭੁਗਤ ਕਰਕੇ ਉਸ ਦੇ ਨਾਲ ਸਰੀਰਕ ਸਬੰਧ ਬਣਾਏ ਅਤੇ ਫਿਰ ਤੋਂ ਉਸ ਦੀ ਅਸ਼ਲੀਲ ਵੀਡੀਓ ਬਣਾਈ। ਉਕਤ ਸਾਰੇ ਜਣੇ ਉਸ ਨੂੰ ਵੀਡੀਓ ਵਾਇਰਲ ਕਰਨ ਦੀ ਧਮਕੀ ਦਿੰਦੇ ਸਨ। ਪੁਲਸ ਨੇ ਇਸ ਮਾਮਲੇ 'ਚ ਉਕਤ ਮੁਲਜ਼ਮਾਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।
ਪੰਜਾਬ 'ਚ ਨਸ਼ੇ ਤੇ ਬੇਰੋਜ਼ਗਾਰੀ ਦੂਰ ਕਰਨ ਦਾ ਵਾਅਦਾ ਕਰਨ ਵਾਲੇ ਖ਼ੁਦ ਨੌਜਵਾਨਾਂ ਨੂੰ ਨਸ਼ੇ ਦੀ ਦਲਦਲ 'ਚ ਧਕੇਲ ਰਹੇ: ਨਾਇਬ ਸੈਣੀ
NEXT STORY 
