ਜਲੰਧਰ (ਮਹੇਸ਼)— ਨੈਸ਼ਨਲ ਹਾਈਵੇਅ 'ਤੇ ਪਰਾਗਪੁਰ ਨੇੜੇ 50 ਸਾਲ ਤੋਂ ਚੱਲ ਰਹੇ ਇੰਡੀਅਨ ਆਇਲ ਦੇ ਇਕ ਪੈਟਰੋਲ ਪੰਪ 'ਤੇ ਰਾਤ 2 ਵਜੇ ਤੋਂ ਬਾਅਦ ਕੁਝ ਨਸ਼ੇ 'ਚ ਧੁੱਤ ਨੌਜਵਾਨਾਂ ਵੱਲੋਂ ਗੁੰਡਾਗਰਦੀ ਕਰਦੇ ਕੀਤੀ। ਤੇਜ਼ਧਾਰ ਹਥਿਆਰ ਲਹਿਰਾਉਂਦੇ ਹੋਏ ਨੌਜਵਾਨਾਂ ਨੇ ਪੰਪ ਦੇ ਕਰਿੰਦੇ 'ਤੇ ਹਮਲਾ ਕਰ ਦਿੱਤੀ। ਹੈ। ਪੰਪ 'ਤੇ ਲੱਗੇ ਸੀ. ਸੀ. ਟੀ. ਵੀ. ਕੈਮਰਿਆਂ ਦੀ ਫੁਟੇਜ ਜਦੋਂ ਪੰਪ ਮਾਲਕ ਵੱਲੋਂ ਚੈੱਕ ਕੀਤੀ ਗਈ ਤਾਂ ਉਸ 'ਚ ਗੁੰਡਾਗਰਦੀ ਕਰਣ ਵਾਲੇ 8 ਨੌਜਵਾਨ ਕੈਦ ਹੋ ਗਏ। ਮੌਕੇ 'ਤੇ ਪਹੁੰਚੇ ਦਕੋਹਾ (ਨੰਗਲ ਸ਼ਾਮਾ) ਪੁਲਸ ਚੌਕੀ ਮੁੱਖੀ ਸੁਰਿੰਦਰਪਾਲ ਸਿੰਘ ਨੂੰ ਗੰਭੀਰ ਜ਼ਖਮੀ ਹੋਏ ਪੰਪ ਦੇ ਕਰਿੰਦੇ (ਜਿਸ ਦੇ ਸਿਰ 'ਤੇ ਕਰੀਬ 10 ਟਾਂਕੇ ਲੱਗੇ ਹਨ) ਰੋਹਿਤ ਕੁਮਾਰ ਪੁੱਤਰ ਕਸਤੂਰੀ ਲਾਲ ਵਾਸੀ ਪਿੰਡ ਡਾਡਾ ਸੀਬਾ ਜ਼ਿਲਾ ਕਾਂਗੜਾ (ਹਿਮਾਚਲ ਪ੍ਰਦੇਸ਼) ਨੇ ਦੱਸਿਆ ਕਿ ਉਹ ਪਿਛਲੇ ਪੰਜ ਸਾਲ ਤੋਂ ਇਸ ਪੰਪ 'ਤੇ ਕੰਮ ਕਰ ਰਿਹਾ ਹੈ ਅਤੇ ਇਥੇ ਹੀ ਰਹਿੰਦਾ ਹੈ।
ਉਸ ਨੇ ਦੱਸਿਆ ਕਿ ਦੇਰ ਰਾਤ 2.11 ਵਜੇ 2 ਐਕਟਿਵਾਂ ਅਤੇ ਇਕ ਮੋਟਰਸਾਈਕਲ 'ਤੇ 20 ਤੋਂ 25 ਸਾਲ ਦੀ ਉਮਰ ਦੇ 8 ਨੌਜਵਾਨ ਆਏ ਅਤੇ ਐਕਟਿਵਾ 'ਚ 100 ਰੂਪਏ ਦਾ ਤੇਲ ਪੁਆਇਆ। ਤੇਲ ਪਵਾਉਣ ਤੋਂ ਬਾਅਦ ਉਹ ਉਸ ਨੂੰ ਕਹਿਣ ਲੱਗੇ ਦੀ ਤੇਲ ਘੱਟ ਪਾਇਆ ਗਿਆ ਹੈ। ਰੋਹਿਤ ਨੇ ਕਿਹਾ ਕਿ ਉਸ ਨੇ ਉਨ੍ਹਾਂ ਦੀ ਤਸਲੀ ਵੀ ਕਰਵਾਈ। ਇਸ ਦੇ ਬਾਵਜੂਦ ਵੀ ਉਹ ਪੈਸੇ ਦੇਣ 'ਚ ਨਾਹ ਨੁਕਰ ਕਰਨ ਲੱਗ ਪਏ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਪਹਿਲਾਂ ਉਸ ਨੂੰ ਗਾਲ ਕੱਢੀ ਅਤੇ ਹੱਥੋ ਪਾਈ 'ਤੇ ਵੀ ਉੱਤਰ ਆਏ। ਜਦੋਂ ਉਸ ਨੇ ਇਕ-ਦੋ ਹੋਰ ਵਿਅਕਤੀਆਂ ਦੇ ਵਾਹਨਾਂ 'ਚ ਤੇਲ ਪਾ ਦਿੱਤਾ ਤਾਂ ਨਸ਼ੇ 'ਚ ਧੁੱਤ ਨੌਜਵਾਨਾਂ 'ਚੋ ਇਕ ਨੇ ਉਸ ਦੇ ਸਿਰ 'ਤੇ ਕਿਸੇ ਤੇਜ਼ਧਾਰ ਹਥਿਆਰ ਨਾਲ ਹਮਲਾ ਕਰ ਦਿੱਤਾ। ਬਾਕੀਆਂ ਨੇ ਵੀ ਉਸ ਦੇ ਨਾਲ ਕਾਫ਼ੀ ਮਾਰ ਕੁੱਟ ਕੀਤੀ।
ਰੋਹਿਤ ਮੁਤਾਬਕ ਜਦੋਂ ਉਸ ਨੇ ਆਪਣੇ ਬਾਕੀ ਸਾਥੀਆਂ ਨੂੰ ਉੱਥੇ ਬੁਲਾਉਣ ਲਈ ਰੌਲਾ ਪਾਇਆ ਤਾਂ ਸਾਰੇ ਤੇਜ਼ ਰਫਤਾਰ ਮੋਟਰਸਾਈਕਲ ਲੈ ਕੇ 2.19 ਵਜੇ ਉਥੋਂ ਫਰਾਰ ਹੋ ਗਏ। ਜਾਂਚ ਅਧਿਕਾਰੀ ਸੁਰਿੰਦਰਪਾਲ ਸਿੰਘ ਨੇ ਕਿਹਾ ਹੈ ਕਿ ਪੁਲਸ ਨੇ ਸੀ. ਸੀ. ਟੀ. ਵੀ. ਫੁਟੇਜ ਆਪਣੇ ਕਬਜ਼ਾ 'ਚ ਲੈ ਲਈ ਹੈ। ਫੁਟੇਜ 'ਚ ਰੋਹਿਤ 'ਤੇ ਹਮਲਾ ਕਰਦੇ ਹੋਏ ਨੌਜਵਾਨ ਦਿਖਾਈ ਦੇ ਰਹੇ ਹਨ। ਪੁਲਸ ਨੇ ਰੋਹਿਤ ਦੇ ਬਿਆਨਾਂ 'ਤੇ ਥਾਣਾ ਰਾਮਾ ਮੰਡੀ 'ਚ ਕੇਸ ਦਰਜ ਕਰ ਲਿਆ ਹੈ।
ਪੰਪ ਮਾਲਕ ਨੇ 51 ਹਜ਼ਾਰ ਦੇ ਇਨਾਮ ਦਾ ਕੀਤਾ ਐਲਾਨ
ਪੰਪ ਮਾਲਕ ਨੇ ਪੰਪ 'ਤੇ ਗੁੰਡਾ ਗਰਦੀ ਕਰਦੇ ਹੋਏ ਉਨ੍ਹਾਂ ਦੇ ਕਰਿੰਦੇ 'ਤੇ ਹਮਲਾ ਕਰਨ ਵਾਲੇ ਨੌਜਵਾਨਾਂ ਦੀ ਸੂਚਨਾ ਉਨ੍ਹਾਂ ਤੱਕ ਪਹੁੰਚਾਉਣ ਵਾਲਿਆਂ ਲਈ 51 ਹਜ਼ਾਰ ਰੂਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ ਅਤੇ ਇਹ ਵੀ ਕਿਹਾ ਹੈ ਕਿ ਉਸ ਦਾ ਨਾਂ ਅਤੇ ਪਤਾ ਵੀ ਗੁਪਤ ਰੱਖਿਆ ਜਾਵੇਗਾ। ਪੰਪ ਮਾਲਕ ਨੇ ਪੁਲਸ ਨੂੰ ਵੀ ਕਿਹਾ ਕਿ ਇਸ ਮਾਮਲੇ ਨੂੰ ਜਲਦੀ ਟਰੇਸ ਕੀਤਾ ਜਾਵੇਗਾ ਕਿਉਂਕਿ ਜੇਕਰ ਅਜਿਹਾ ਨਹੀਂ ਹੋਇਆ ਤਾਂ ਗੁੰਡਾ ਗਰਦੀ ਕਰਨ ਵਾਲੇ ਲੋਕਾਂ ਦੇ ਹੌਂਸਲੇ ਹੋਰ ਵੱਧ ਸਕਦੇ ਹਨ ਅਤੇ ਉਹ ਦੁਬਾਰਾ ਵੀ ਕਿਸੇ ਵਾਰਦਾਤ ਨੂੰ ਅੰਜਾਮ ਦੇ ਸਕਦੇ ਹਨ।
ਫਿਲੌਰ ਪੁਲਸ ਦੇ ਵਿਛਾਏ ਜਾਲ ਵਿਚ 5 ਨਸ਼ਾ ਸਮੱਗਲਰ ਤੇ ਦੋ ਲੁਟੇਰੇ ਫਸੇ
NEXT STORY 
