ਬਠਿੰਡਾ (ਸੁਖਵਿੰਦਰ) : ਬਸੰਤ ਪੰਚਮੀ ਲਈ ਨੌਜਵਾਨਾਂ 'ਚ ਭਾਰੀ ਉਤਸ਼ਾਹ ਹੈ। ਸ਼ਹਿਰ ਦੇ ਬਜ਼ਾਰ ਰੰਗ-ਬਿਰੰਗੇ ਪਤੰਗਾਂ ਅਤੇ ਗੁਬਾਰਿਆਂ ਨਾਲ ਭਰੇ ਹੋਏ ਹਨ ਅਤੇ ਹਰ ਪਾਸੇ ਬਸੰਤ ਹੈ। ਹਾਲਾਂਕਿ ਸਭ ਤੋਂ ਵੱਡਾ ਡਰ ਚਾਈਨਾ ਡੋਰ ਨਾਲ ਪਤੰਗ ਉਡਾਉਣ ਦੀ ਵਰਤੋਂ ਦਾ ਬਣਿਆ ਹੋਇਆ ਹੈ। ਹਾਲ ਹੀ ਦੇ ਦਿਨਾਂ ਵਿਚ ਦੋ-ਤਿੰਨ ਹਾਦਸੇ ਵਾਪਰੇ ਹਨ, ਜਿਨ੍ਹਾਂ ਵਿਚ ਲੋਕਾਂ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ। ਇਹ ਸਪੱਸ਼ਟ ਤੌਰ 'ਤੇ ਦਰਸਾਉਂਦਾ ਹੈ ਕਿ ਚਾਈਨਾ ਡੋਰ ਦੀ ਵਰਤੋਂ ਅਜੇ ਵੀ ਪ੍ਰਚਲਿਤ ਹੈ ਅਤੇ ਪੁਲਸ ਪ੍ਰਸ਼ਾਸਨ ਇਸਦੀ ਵਿਕਰੀ ਨੂੰ ਰੋਕਣ ਵਿਚ ਅਸਫ਼ਲ ਰਿਹਾ ਹੈ।
ਜ਼ਿਆਦਾਤਰ ਪਤੰਗ ਅਜੇ ਵੀ ਚਾਈਨਾ ਡੋਰ ਨਾਲ ਉਡਾਏ ਜਾਂਦੇ ਹਨ। ਜਦੋਂ ਕਿ ਇਸਦਾ ਪ੍ਰਚਲਨ ਕੁੱਝ ਹੱਦ ਤੱਕ ਘਟਿਆ ਹੈ ਪਰ ਇਸਦੀ ਵਰਤੋਂ ਅਜੇ ਵੀ ਨੌਜਵਾਨਾਂ ਅਤੇ ਬੱਚਿਆਂ ਵਲੋਂ ਕੀਤੀ ਜਾਂਦੀ ਹੈ। ਪੁਲਸ ਪ੍ਰਸ਼ਾਸਨ ਚਾਈਨਾ ਡੋਰ ਦੀ ਵਿਕਰੀ ਅਤੇ ਵਰਤੋਂ ਨੂੰ ਰੋਕਣ ਲਈ ਪੁਲਸ ਨੇ ਵੱਖਰੀਆਂ ਟੀਮਾਂ ਬਣਾਈਆਂ ਹਨ, ਜੋ ਨਾ ਸਿਰਫ਼ ਦੁਕਾਨਾਂ ਦੀ ਜਾਂਚ ਕਰਨਗੀਆਂ, ਸਗੋਂ ਚਾਈਨਾ ਡੋਰ ਨਾਲ ਪਤੰਗ ਉਡਾਉਣ ਵਾਲਿਆਂ ਨੂੰ ਵੀ ਰੋਕਣਗੀਆਂ।
ਜਲੰਧਰ 'ਚ ਸਿਆਸੀ ਆਗੂ 'ਤੇ ਲੁਟੇਰਿਆਂ ਨੇ ਕੀਤਾ ਹਮਲਾ, ਪੁਲਸ ਦੀ ਕਾਰਜ ਪ੍ਰਣਾਲੀ 'ਤੇ ਉੱਠੇ ਸਵਾਲ
NEXT STORY 
